Osia 8:1 - Yálá laawoo hɛɓɛ

¹ 'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Yálá laawoo hɛɓɛ (dc)

¹ 'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Bible

¹ Yâwɛɛ ǹyɛɛ, “Ka dúrii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Osia 8:1 ပူးပေါင်းရင်းမြစ်များ

Tɔɔɓɛlaa veelɛ 18:27

Gwɛli hɛn ɉəɠə mun yɛ diɛ: «Gaa ə́ kwəi, yɛ́ ka ə́ kalamɔ̨ɔ̨ ɓə nwɔ́ mɛ̨nį nąmu ə dɔ́ɔ́ nwooɠaa ŋɛ̨i ɓo mɛ̨nį ɓa kaa? Yiiɠaa ŋɛ̨i ɉįi mɛ̨i, di laa kaa ɉu; kaa, ka diɛni kəlee ɓə pai kɛi di kpo kɛi a kɔ̨nɔ̨n, diɛ di kpələ a di wɛlaayá.»

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 34:18

«Nui a nwɔ́ mįnɛ̨i mąą kala, a mįnɛ̨i di hvaa mą, di di yee hee mu ɲɛ̨́i ɓa, di hvo bɔ mɛ̨nį kɛ li. A mįnɛ̨i di ɉəɠə, diɛ Nįŋɛ̨ lon ɉu tee ɉu hveelɛ, ə lɛɛ diɛ tɛɛ mɛla hveelɛi lɔwai.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Ɉeremi 48:40

Yai-Laa woo ka, yɛ diɛ: «Gaa yɛ geelə a kɛi koon, aa goon bɛlɛ Moabə mɛ̨i.»

Ɉeremi 49:22

Gaa yɛ geelə a kɛi tɛ yələi, yɛ koon, yɛ goon ɉu lɛan Bɔsra mɛ̨i. Volói tii, Edɔmə kɔ́kulááɠaa lii a kɛ di kwəi, yɛ kwəi nwąną kɛ nɛ̨ɛ̨nu lii.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Izikiɛ 11:4

Yili mąą mɛ̨nį ɓa hulɔnu lon, gwə́i mɛ̨nį hukulɔ diɛ a di hvala pələ.»

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 17:3

'Kɛ diɛ: Yai-Laa woo ka, yɛ: «Guwɔ kɛnɛ̨i, goon ɲąą kpɛa kpɛa, nɛɠaɠaa ɲąą kɛnɛ̨, gɔlɔɓa lɛɠaɠaa ɲɛ̨́i pɛ̨ɛ̨ a damąą, ə pa Liban, ə kpitili da ton ɲali mɛ̨i,

Izikiɛ 7:14

Di kaa pai tulu hvɛɛi, diɛ di kpɔwɔ pɛli, kɛlaa, nu ta hvo pai lii gɔ́ ɓa. Mąąhɔlɔɓo, nwɔ́ kɛɛ kala liiholi hvilɛn ŋąąi yɛnɛ̨ɛ̨ hɛnŋaa kəlee pulu.»

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Osia 5:8

'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Osia 9:15

Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Zooɛ 2:15

Ka tulu hvɛɛ Siɔn daai, ka hin noloɓo, ka ɲąąkpɔn gɛnɛ̨ɛ loloɓo.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Amɔsə 8:3

Ɲą́ą́ Yai-Laa, hɛn Gəlee Nąmu, gɛ́ diɛ: Volói gáá pai gɛ́ mɛ̨nį kɛi la mɛ̨nįi tii hu, nwələ too nɛ̨ąą ŋɛ̨i di kaa dɔɔ pɛlɛ́ mu, di kaa pai mąąwɛli wələ tooi, powa kaa pai kɛi pui gee mɛ̨i, diɛ di pili ɓɛi lɔpee nąą kəlee. Kɛɛ mąą a haa kɛɛnąą kəlee kpɔ tin.»

Amɔsə 9:1

Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

Habakukə 1:8

Di wɔ hvooɠaai gilɛ həɠə yee tɛɛi kwɛliɠaa diɛ. Di hukələn-gələn ɲee tɛɛi kwɛli nwɔ yələwulii kɔ̨nɔ̨n gwɛlii lɔwai ɓa. Da kulɔ kwɛaa la, di wɔ hvoo mɛ̨i nuą da laŋin, diɛ koon yɛ kuwɔ a gɔ̨nɔ̨n gaa, yɛ li ɉon ɉi.

Sofoni 1:16

Gaa a hvólói túlu woo a tɔɔ ɉu, da kɔ́ mɛ̨i tómą woo, daaɠaai hįį kaa diɛ di mɛ̨i, da ɉįi mɛ̨i pɛlɛ́ɠaa.

Zakari 11:1

Liban, ə́ wɔ pɛlɛ́ɠaai laaɓo, ɛlɛɛ, nwɔ̨n ə́ ə́ wɔ kpitiliɠaai kələn.

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Maafîu 24:28

Ka kili kaa ɉu, ka diɛ ɓɛi huwɔ powa kaa laa, nąą ɓə gwąą-gwąąɠąą da di ɲąąkpɔn naa.»

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.