Nehemi 2:5 - Yálá laawoo hɛɓɛ

⁵ Yili pulu, gɛ́ tɔɔmun ma: «Tɔɔmun a kɛ ya hvaa mą, ɛlɛɛ, akɛ yɛ́ tímun aa ə́ lii hon, dɔ́ɔ́ Ɉuda lɔi hu, daai tii ną́nni kámą ka ɉu, ŋį́ pənə ŋį́ nąą tɔɔ.»

Yálá laawoo hɛɓɛ (dc)

⁵ Yili pulu, gɛ́ tɔɔmun ma: «Tɔɔmun a kɛ ya hvaa mą, ɛlɛɛ, akɛ yɛ́ tímun aa ə́ lii hon, dɔ́ɔ́ Ɉuda lɔi hu, daai tii ną́nni kámą ka ɉu, ŋį́ pənə ŋį́ nąą tɔɔ.»

Bible

⁵ Nya ƃe ŋá mò gâloŋ ma, “Óo Gâloŋ, à kɛ̀ gáa a ílii láa mɛni, kpera yɛ̂, ńdɛɛ mî pôlu Zuda a gɛɛ ŋá daa-lêei tí tɔ́ɔ pôlu ƃɛ́i dí ŋánûa pɔlɔ-ŋai lòo naai.”

Nehemi 2:5 ပူးပေါင်းရင်းမြစ်များ

Samia Veerɛi 14:22

Ɉoabə ə pɛlɛ niiɓa, nɔi ɓa, ə tɔɔmun mama ɓo, yɛ mą: «Háákələi kpɔ kpɔ, ɲą́ą́ ə́ wɔ tímun, gílí aa pu ɉu, gɛ́ nwɛ́li kaa yɛ́, yɛi a nwɔ́ mɛ̨nį Nąmu, nwɔ́ tɔɔmun. Hvo gaai mɛ̨nį ə́ wɔ tímun ə mo yɛ́, yáá gɛ.»

Ɛsdrasə 5:17

«Yii hu kɛa, tɔɔmun, akɛ ya hvaa mą, Babilonə daai, dɔɔ hɛɓɛ́i gaa laa, də li di ɉu kaa, akɛ tɔɔmun Sirusə ə wɔlɔ yili mąą laa tɛɛ di pɔ, ə gɛ, di Yálá nwɔ pɛ́lɛ́i tɔɔ Ɉerusalɛmə daai. Yili pulu, yii tɔɔmun a gaa, ə nwɔ kiliŋąhiɛ laa həli kuɔ.»

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Nehemi 2:6

Tɔɔmun nɛ̨ą ə kɛ heeni gwɛlɛ, tɔɔmun yɛ mą́ą́: «Hvóló yɛli ɓə ə́ kaa gɛi ɉiɛ hu? Ya pənə ə́ pa a lə yələ?» Ŋą́ kuu hee mą, guu ə níi hon, ə hvaa ní mɛ̨nį ɓa.

Ɛstɛrə 1:19

Yili ɓa, nwɔ́ mɛ̨nį nąmu, hvo kɛli yá hɛɓɛ́ kɛ, yii a tɔ́n dɔɔ Vasti ɓa, mąąhɔlɔɓo, aa lənə ə́ wɔ təli ɓa. Hvo kɛa kɛ a tɔɔmun nɛ̨ą. Ə́ nɛ̨ɛ̨nu takpɛli kwɛli, yii viɛlaɓoɔi Vasti ɓa. Mɛ̨nįi ə́ kaa pai bɛ̨ɛ̨i, gaa tooi Medi nuą da Pɛrsə nuą di wɔ tɔ́n ɉɛɓɛ́i hu, yii hva həɠə mą.

Ɛstɛrə 5:8

nwɔ́ɔ́ mɛ̨nį nąmu, akɛ, nwɛ́li kaa yɛ́, ə lɛɛ, ə́ kaa bɔ ə́ niiɓa mɛ̨nį laa hvɛɛ, gáá nwɔ̨nɔ̨ bɔ tinąą, ka Haman ka pənə ka pa ka kɔ̨nɔ̨n mįi ɓɛ. A kɛ tii, yii gáá bɔ, ŋį́ mo yɛ́.»

Ɛstɛrə 7:3

Tɔɔmun nɛ̨ą Ɛstɛrə yɛ tɔɔmun ma: «Nwɔ́ mɛ̨nį námu; akɛ ya hvaa mą, ə́ mɛ̨inɛ̨ɛ̨ kɛ mą́ą́, gɛ́, ə́ hvaa mą, ə́ nwún mąąɓo kwa ɉúwu. Yii kpɔ a gwə́inɛ̨ɛ̨ mɛ̨nį, yaa li.

Ɛstɛrə 8:5

Yɛ tɔɔmun ma: «Nwɔ́ mɛ̨nį námu, akɛ yaa ɲɛ̨́i mąąwɛli kaa, nwɛ́li aa too yɛ́! Agagə nu huwui ŋɛ̨i a Hamedata lon Haman, nwɔ hɛɓɛ́ ɲɔ̨nwɔ̨ɔ̨ ŋɛ̨i ə bɛ̨ɛ̨, ə daɠa taɠa ə́ wɔ lɔi nąą kəlee, Ɉuifəɠaa mąą mɛ̨nį ɓa, ə́ ɉəɠə mą, a hɛɓɛ́ ta yii ya bɛ̨ɛ̨.

Hanwon 3:4

Yá gɛ tii, ə́ wɛli a too Yálá ɓa, da nu kanŋaa.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Maafîu 23:27

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa. Mąąhɔlɔɓo, ka káá yɛ kámą yii da mɛ̨i pələ kwələ, ya gaa yɛ ɉu pələ a kɛ a nəlɛɛ. A mɛ̨nį gɛ, nu kɔ́w lɔ ɓə puuni ɉu.

Rutə 2:13

Rutə ə mo kɛa Boozə ɓa nąąlɔwai, yɛ mą: «Nwɔ́ mɛ̨nį nąmu, nwɔ́ nu lɛlɛɛ kpɔkpɔɔ ɓaa a yɛ́. Mąąhɔlɔɓo, nwɛlikɛmąą woo ŋɛ̨i yáá mo mą́ą́, yili aa váŋąlɔ; ɲą́ą́ ŋɛ́i kwa ə́ wɔ tínɛ̨ąąi ta ku hvo kpɛli pɛli li.»