Nehemi 2:4 - Yálá laawoo hɛɓɛ

⁴ Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Yálá laawoo hɛɓɛ (dc)

⁴ Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Bible

⁴ Gâloŋ è ḿarê kɛ̀ ǹyɛɛi, “Lé ƃé ƃa ŋ̀wɛ̂lii ŋá gɛ́i?” Ŋá Ɣâla nyii gáa Ɣâla-taai fɛ̀li ńii su pere a maa félaa.

Nehemi 2:4 ပူးပေါင်းရင်းမြစ်များ

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Nehemi 1:4

Nwooɠaa tii mɛ̨n ŋį́ mo, ŋą hee, ŋą wɔlɔ; hvolo tamąą yee mu, ŋį́ kɛ lɔ wɔlɔ mɛ̨nį hu; ŋį́ hin nɔ, gɛ yələkɔlɔn ɉu Yálá hvɛli.

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Nehemi 2:20

Bələi ŋį́ di woo pulu pənə la, bələ ka, ŋį́ kɛ diɛ: «Yələkɔlɔn ɉu Yálá yaa kpinįi ɓə pai ku yee pɔɔ lɛlɛɛi, ku wɔi a nwɔ kɛlaɠaa. Ku kaa ku muhəɠəi ku dɔɔ. Kɛlaa, ka wɛi, ka wɔ hvo Ɉerusalɛmə mɛ̨nį hu, ka wɔ hɛn və laa, ə mą kɛ ka laa.»

Nehemi 2:5

Yili pulu, gɛ́ tɔɔmun ma: «Tɔɔmun a kɛ ya hvaa mą, ɛlɛɛ, akɛ yɛ́ tímun aa ə́ lii hon, dɔ́ɔ́ Ɉuda lɔi hu, daai tii ną́nni kámą ka ɉu, ŋį́ pənə ŋį́ nąą tɔɔ.»

Ɛstɛrə 5:3

Tɔɔmun yɛ mą: «Tɔɔmun nɛ̨ą Ɛstɛrə, lə ɓə kɛ? Lə ɓə ə́ kaa bɔ? Ɓɛi ŋɛ̨i gáá laa, ə́ ma kɛ mą́ą́: Dɔɔlaa bələ tɔ̨nɔ̨ tɛɛ bɔ́! Ŋą́ dɛɛ ə́ pɔ.»

Ɛstɛrə 5:6

Di kpɛɛ a di laa mį́ɛ, tɔɔmun yɛ Ɛstɛrə ɓa: «Lə ɓə ə́ kaa bɔ ŋį́ gɛ yɛ́? Lə kpɔ ɓə ə́ kaa ɓɔ ŋį́ gaa yɛ́? Ŋą́ pɛli, ŋį́ dɔɔlaa bələ tɔ̨nɔ̨ tɛɛ ə́ pɔ, akɛ yili ɓə ə́ kaa bɔ!»

Ɛstɛrə 7:2

Volo veelɛ naa, kɔ̨nɔ̨n mįi kɛɛ kpɛɛ pulu, diɛ kɛa nɔɔ kpələ, tɔɔmun yɛ nwɔ̨nɔ̨ Ɛstɛrə ɓa: «Lə ɓə ə́ kaa bɔ ə́ vɛli mą́ą́, tɔɔmun nɛ̨ą? Ŋą́ dɛɛ ə́ pɔ. Lə kpɔ ɓə ə́ kaa bɔ ŋį́ gɛ yɛ́? Ə mą kɛ dɔɔlaa bələ tɔ̨nɔ̨ ɓə, ŋį́ dɛɛ ə́ pɔ.»

Mąątɛ̨nɛ̨ 136:26

'Ka yələ kɔ́lɔn ɉu Yálá laa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Markə 10:51

Jesus yɛ, mą: «Lə ɓə ə́ kaa bɔ ŋį́ gɛ yɛ́?» Ɲɛ̨ipumun tii, yɛ mą: «Ną́mu, gáá bɔ ɲɛ̨́i ə hvólóon.»

Gɛlaɠaa 23:19

Ɉolahi nwun nąmu ə ɉulɔnon hon a ɲee, da yaa də li di tɔ̨nɔ̨ kɛɛnąą, yɛ mą: «Lə mɛ̨nį ɓə yɛ́ ə́ mo mą́ą́?»

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.