Nehemi 2:20 - Yálá laawoo hɛɓɛ

²⁰ Bələi ŋį́ di woo pulu pənə la, bələ ka, ŋį́ kɛ diɛ: «Yələkɔlɔn ɉu Yálá yaa kpinįi ɓə pai ku yee pɔɔ lɛlɛɛi, ku wɔi a nwɔ kɛlaɠaa. Ku kaa ku muhəɠəi ku dɔɔ. Kɛlaa, ka wɛi, ka wɔ hvo Ɉerusalɛmə mɛ̨nį hu, ka wɔ hɛn və laa, ə mą kɛ ka laa.»

Yálá laawoo hɛɓɛ (dc)

²⁰ Bələi ŋį́ di woo pulu pənə la, bələ ka, ŋį́ kɛ diɛ: «Yələkɔlɔn ɉu Yálá yaa kpinįi ɓə pai ku yee pɔɔ lɛlɛɛi, ku wɔi a nwɔ kɛlaɠaa. Ku kaa ku muhəɠəi ku dɔɔ. Kɛlaa, ka wɛi, ka wɔ hvo Ɉerusalɛmə mɛ̨nį hu, ka wɔ hɛn və laa, ə mą kɛ ka laa.»

Bible

²⁰ Ŋá díwoo su tòo ńyɛ̂ɛi, “Ŋ̀wála-wâla kélee Ɣalai nyii gáa Ɣâla-taai, ŋɔtíi kɛ́-ƃela ƃa kúa. Mɛni ma, kwa pâi Zerusâlɛŋ taa-leei tɔɔ̂i pôlu. Ǹyaŋ a pâi gɛ̂i kú kútii kɛ́ kú ŋuŋ lá kúla a ǹɛ́lɛɛ. Kɛ́lɛ ká fé a ǹɔii ŋí ǹônii da. Ká mɛni da fé lɔii maa mɛ̂ni su kúkwaa maa waa-ŋai mɛni su Zerusâlɛŋ.”

Nehemi 2:20 ပူးပေါင်းရင်းမြစ်များ

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Ɛsdrasə 4:3

Kɛlaa, Zorobabɛlə da Ɉosue, ə mą kɛ, Israɛlə nuą bɛlɛ nąmįną kəlee, di di woo ŋąąpənə, diɛ mą: Mąą hvo nɛ̨ɛ̨li, gwa kaa ni gu hvo kpɔn ku wɔ Yálái nwɔ pɛ́lɛ́i ɓa, gu hvo dɔɔ. Kuɔ tɔ̨nɔ̨ gbən mə mąąnɛ̨ɛ̨, ku Yai-Laa Israɛlə nwɔ Yálá nwɔ pɛ́lɛ́i tɔɔ, yɛ bələi Pɛrsə tɔɔmun Sirusə ə mąą laa tɛɛ la ku pɔ.

Nehemi 1:4

Nwooɠaa tii mɛ̨n ŋį́ mo, ŋą hee, ŋą wɔlɔ; hvolo tamąą yee mu, ŋį́ kɛ lɔ wɔlɔ mɛ̨nį hu; ŋį́ hin nɔ, gɛ yələkɔlɔn ɉu Yálá hvɛli.

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Ɛstɛrə 4:11

‹Ɓɛ nɔi nuą kəlee, ə həɠə tɔɔmun nwɔ tínuą diɛ, ə həli la nɔi nuą diɛ, di kili kaa ɉu, diɛ, nui lɔpee ta hva lɔ tɔɔmun bɔɔli, ə kɛ a hulɔnu, ə kɛ a nɛ̨ɛ̨nu; akɛ tɔɔmun hvo dəli li, da baa. Kɛlaa, nui tɔɔmun a dəli, mąą nu ɓə a lɛɛ a vulú; ɛlɛɛ, da nui tɔɔmun a nwɔ hɛni tunwɔ̨n nɛ ma. Ɲą́ą́ ka, aa kɛ a hvolo pow haaɓa, tɔɔmun hvo ta də́li li.›»

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 20:5

Hɛn kpɔ ə́ kaa bɔ, ə dɛɛ ə́ pɔ, ə ə́ kɛ mɛ̨nįɠaa kəlee hu nɛ̨ɛ̨.

Mąątɛ̨nɛ̨ 35:27

Kɛlaa nuąi kpɔ kɛ nwɔ́ tɛ̨ą mɛ̨nį pɔ, ɓáá ə lɔ diɛ, diɛ pili yələi a kwəinɛ̨ɛ̨, diɛ mo a yələ kəlee, diɛ kɛ diɛ: «Yai-Laa kɛnɛ̨i, ya ɓə hvaa mą, ɓáá ə lɔ nwɔ tímun ma nwun na yɛ nɛ̨ɛ̨.»

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Lɛɛ gbɔwɔ ɓa 28:29

Aarɔn a kɛi pa lɔi mįnɛ̨ pɛlɛ lon mu, Israɛlə lonnii laa a kɛ gəŋə la giti yɛli ɓa, a kili too ŋą hɛn a yələ kəlee mɛ̨nį Yai-Laa ɲɛ̨i ɓa.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 24:7

Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Zakari 6:14

«Ɲąąwooɓo kálán nwɛi, gaa lɔ pai kɛi Yai-Laa hvɛli pɛlɛ́ mu, a yii a Hɛldai, Tovia, Yedaya di kili too hɛn nuą ŋą, ɛlɛɛ yɛ Sefania lon nwɔ mɛ̨nį lɛlɛ pələ kili too nuą ŋą.»

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Gɛlaɠaa 8:21

Mɛ̨nįi ŋɛ̨i kɛi ɓɛ, ə́ wɔɔ nąą hvo ɉu, ə́ wɔɔ hɔlɔɓoi hvo laa, mąąhɔlɔɓo, ə́ kwəi hvo kwələ li Yálá ɲɛ̨i ɓa.