Mise 7:13 - Yálá laawoo hɛɓɛ

¹³ Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Yálá laawoo hɛɓɛ (dc)

¹³ Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Bible

¹³ Kɛ́lɛ ǹɔii a pâi kɛ̂i a fɛ̃ɛ-kpâlaŋ, kpɛ́ni fêi diai díkaa zui, da mɛni nyɔ́mɔɔ kɛ̀.

Mise 7:13 ပူးပေါင်းရင်းမြစ်များ

Zôo 4:8

Ŋą́ą́ gaa, gɛ́ diɛ: nu ya hulu mɛ̨nį hin, da laanɔ̨nwɔ̨, ya ma kulɔ.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Hanwon 31:31

Ka nɛ̨ɛ̨nui tii kɛ koló tɔlɔ tɛɛ bɔ, ɛlɛɛ, gɛ kolóɠaa di naa lɛlɛɛ tɛ daa nąą kɔlɔ kəlee.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 17:9

Mąą yələi tii, ə mąą kilɛ taaɠaai da lɛɛ a taa kpoloon, da lɛɛ a taa kpoloonŋąą; lɔ yɛ bələi nɔ̨wɔ̨ ɲɔ̨nŋąą, da ɉali kɔ́iɠaa di lɛɛ la a lɔwɔ pun ɲeeɠaa nwuɔ̨ Israɛlə lonnii ɲɛ̨i tɔwɔ, nąą kəlee a lɛɛ a lɔi pun.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 21:14

Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Izikiɛ 12:19

'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Izikiɛ 33:28

Gáá pai nɔi kɛi a lɔi pun, mąąwɛliɛ; nwɔ huwala walai ə kɛi nwun dɛ ɉu, ŋą́ ɉu kala. Israɛlə yeeɠaa da lɛɛ a lɔi pun; mąąhɔlɔɓo, nu hvo pai kɛi tɛɛi laa.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Mise 6:13

Yili mąą mɛ̨nį ɓa, ŋą́ ɲɔ́n bili ə́ hu, a ə́ kɛlɛ pələ, da ə́ huwolo pələ ɲə́i, ə́ wɔ nɛ̨ŋɛ̨nŋaai mąą mɛ̨nį ɓa.