Mise 4:3 - Yálá laawoo hɛɓɛ

³ Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Yálá laawoo hɛɓɛ (dc)

³ Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Bible

³ Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma nyii-ŋai dínaa kôyai kpaa máŋ dínaa kpuâai díkîe-ni dîai. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Mise 4:3 ပူးပေါင်းရင်းမြစ်များ

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Mąątɛ̨nɛ̨ 72:3

Tələnmolaa haalai, yee kpɛa kpɛaa da yee kpu kpuɠaa, di pa a nwunnąnɛ̨ɛ̨, nɔi lonnii pɔ.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Mąątɛ̨nɛ̨ 82:8

'Ə́ muhəɠə Yálá, kɛ a lɔi kiti tee mun, mąąhɔlɔɓo lɔiɠaa kəlee kaa a ə́ yəi hɛn.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 25:3

Yili mąą mɛ̨nį ɓə nu huwu huwala walaai kaa Ə́ mąąwiɛi la, lɔi ɲąąwooɓo nuą di wɔ taai yɛ ɲɔw Yɛ́.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 60:12

Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Zooɛ 3:2

Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Nįį tɛɛ di pɔ.

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Zakari 8:20

Yai-Laa Mɛ̨nį Kəlee ŋą Hééɓomun ə mo, ya ka, yɛ: Di kaa nwɔ̨nɔ̨ pai nu kpulu kaai diɛ pa, da taa kpɛa-kpɛa hu nuą.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.