Mąątɛ̨nɛ̨ 83:2 - Yálá laawoo hɛɓɛ

² Ee Yálá! 'Hvó ə́ laa pilɛ lɔ tin! 'Hvó tɔɔ lɔ tii tin, ə́ mɛ̨ihaa.

Yálá laawoo hɛɓɛ (dc)

² Ee Yálá! 'Hvó ə́ laa pilɛ lɔ tin! 'Hvó tɔɔ lɔ tii tin, ə́ mɛ̨ihaa.

Bible

² Gáa, íkpɔara-ƃelai da díkpîŋ kpɛ̂tɛi ímɛni ma. Diai dítɔɔ̂i yâi, da ímaa fôoi.

Mąątɛ̨nɛ̨ 83:2 ပူးပေါင်းရင်းမြစ်များ

Tɔɔɓɛlaa veelɛ 19:28

Yɛ bələi yáá ə́ liiholi la bɔ́, ə lɛɛ, ə́ wɔ lii ɲɔ̨n gwəi woo yɛ too nwə́lii; Yələ ta kaa pai ɉəlii, gáá pai kwɛli tooi ə́ hunwɛi. Gɛ́ hoo laa kwɛli too ə́ la, gɛ́ pənə gɛ́ li a yɛ́ ɓɛi ə́ həɠə laai.

Mąątɛ̨nɛ̨ 109:1

Nwələ ɲɛ̨itɔwɔmun, Davidə nwɔ Yálá mąątɛ̨nɛ̨ wələ. Yálá, yɛ́i gáá ə́ tɛnɛ̨i, 'hvó ə́ laa pilɛ.

Mąątɛ̨nɛ̨ 74:23

'Hvó lɛ̨ą ə́ yowoɠaa huluun woo ɓa, da nuąi kɔ́ pɛlɛi yɛ́ di tomą woo, yai ɉu lɔ ɓə kɛnɛ̨i yɛ li la.

Mąątɛ̨nɛ̨ 74:4

Ə́ yowoɠaa di kɛi tomą a di woo kɛnɛ̨, ɓɛi kpɔlɔ tii ə́ kɛi pa yɛ́ ku kaa laa. Di di pɔɔ lɛɛ laa a di wɔ hali mąąnįnįnŋaai.

Mąątɛ̨nɛ̨ 81:15

ŋą́ą́ mą kɛ nɛɛ mą, ŋą́ą́ ɲowoɠaa ɲɛ̨i paa, gɛ́ ɲéé pɛlɛ nuąi daa hee di mɛ̨i, diɛ.

Mąątɛ̨nɛ̨ 93:3

Yáɠaa daa hvɛɛ, Yai-Laa, yáɠaa daa hvɛɛ, di huluun nwoo huwia; yáhvɛɛɠaa hvuluun din ɲąąnwąnąą.

Azaya 17:12

Mąąwɛli mɛ̨nį ka! Nu kpulu kɛnɛ̨i lono hvo mą, di huluun nwoo kaa tɔɔi, di huluun nwoo yɛ tɔɔ, yɛ gboloyá a kɛi huluun, di kaa huluun ɉii yɛ ya leeɠaa da kɛi huluun.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 37:29

Mąąhɔlɔɓo, yáá kpɛlin mą́ą́ a líiholi, ɛlɛɛ, ə́ wɔ tɛɠɛɓoɉu wooɠaai daa too wə́lii, gáá kwɛli tooi ə́ hunwɛ̨i, ŋą́ hoo la kwɛli too ə́ la, gáá pənəi ŋį́ li a yɛ́ a bələi tii ə́ həɠə la.

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Gɛlaɠaa 16:22

Nu kpulu ə muhəɠə di pɔ a hvaa, daa nwun nąmįną di mo, di Polə da Silasə di wɔ həɠəɠaai kulɔ di kwąną, ɛlɛɛ, di di kɛlɛ a galakpa.

Gɛlaɠaa 17:5

Kɛlaa, Ɉuifəɠaa di tolo kulɔ a diɛ, di nu-kpoloonŋaa yɛɠɛ daa pɔ, di di ɲąąkpɔn a di kpulu; di daa kɛ lɔ ɉuwu-ɉuwu. Di li Ɉasɔn yəi bɛlɛ́ laaləi, diɛ Polə da Silasə di kwɛli, diɛ kɛ di li a diɛ kiti haɠa ɓa daa lonnii lii la.

Gɛlaɠaa 21:30

Daai nąą kəlee ə kɛ lɔ ɉuwu-ɉuwu, nuą diɛ həɠə kɛɛnąą tamąą diɛ pa. Di Polə hon di kulɔ la Yálá hee pɛlɛ́ mu, di bɛlɛ́ɠaa laa kpulu.

Gɛlaɠaa 22:22

Ɉuifəɠaa wəli tɔɔ kɛ Polə woo ɓa, ə lɛɛ ɉu, ə həli nwooɠaa tii ɓa, nuąi kɛli nwoo mɛ̨n di tómą, diɛ kɛ: Nu ɲɔ̨nwɔ̨mą taaləi ŋɛ̨i, mąąnɛ̨ɛ̨ ə həɠə lɔi mɛ̨i, mąą hvo nɛ̨ɛ̨li hvo lɛɛ yɛnɛ̨ɛ̨.

Gɛlaɠaa 23:10

Nwoo ɲąąnwąną hu kɛnɛ̨ pələi ti, ɉolahi nwun nąmu ə ɲɔw, yɛ di hvo pa Polə hu tee-tee di kee lɔwai. Yili ɓə gɛ, ə mo, nwɔ holahiɠaa də li ɲąąkpɔn ti hu, di Polə hon dɛ li la bɛlɛ lon mu.

Nwun mąąɓo 8:28

Bələ ɓə Madian nuą di lɛɛ la Israɛlə nuą yee mu, di hvo kɛa pənə di hvo di nwun dɛ. Israɛlə lɔi ə lɛɛ líilaa hu, Zedeɔn nwɔ yɛnɛ̨ɛ̨ yee mu, a kwɛlan bow nąąn.