Mąątɛ̨nɛ̨ 57:1 - Yálá laawoo hɛɓɛ

¹ Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Yálá laawoo hɛɓɛ (dc)

¹ Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Bible

¹ Ḿalôŋ káa mí óo Ɣâla, ḿalôŋ káa, kpɛ́ni fêi, ŋà pá ípɔ a gɛɛ ŋá ƃálo-laa sɔlɔ ƃó. Íkôoŋ mu ƃé ŋá ŋuŋ-ma ƃô sɔlɔ ƃô naa, a lɛɛ la zu vãa kɛ́tɛi a tɛɛ ḿɛi.

Mąątɛ̨nɛ̨ 57:1 ပူးပေါင်းရင်းမြစ်များ

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Mąątɛ̨nɛ̨ 142:1

Davidə nwɔ mąąwɛli wələ woo, ɓɛlɔwai ə kɛ la gwɛni wolo hu.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 36:7

Yɛ́ tələnmolaa tɔɔi dɛɛ yee kpɛa-kpɛaa diɛ, ə́ wɔ kitii kpon ɉu kwɛa dɛɛ gboloyá kpon ɉu kwɛaa ɓa. Yai-Laa, yá nu da huwɔ di ɓalo.

Mąątɛ̨nɛ̨ 56:1

Nwələ ɲɛ̨itɔwɔmun. Kwɛaa la lɔi hu tonwənən mąąwɛliɛ. Miktamə Davidə nwɔ wələ woo mąąwɛliɛ, ɲələi Filisti nuą di ɉon na Gatə daai.

Mąątɛ̨nɛ̨ 58:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ.

Mąątɛ̨nɛ̨ 59:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ. Ɓɛlɔwai Saulə ə nuą tɔɔ la, diɛ li Davidə nwɔ pɛ́lɛ́i mąąhɛn ɉi, baa mɛ̨nį ɓa.

Mąątɛ̨nɛ̨ 61:4

Mąąhɔlɔɓo, yɛ́ ɓə a mą́ą́kilɛi, a gɔ-taai ŋą́ tɔɔ la ɲówóɠaa tɔwɔ.

Mąątɛ̨nɛ̨ 63:7

Ŋą́ lɛɛ laani ɲə́i gbin ɉu, ŋą́ gílíɲąhiɛ yɛ́, ŋą́ kɛ lɔ ə́ hvɛliɛ ɓa.

Mąątɛ̨nɛ̨ 75:1

Nwələ ɲɛ̨itɔwɔmun. Nwələi da kɛ mą: «'Hvo ɉu kala.» Asafə nwɔ hvɛ́li woo.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Mąątɛ̨nɛ̨ 91:9

Gaa kpɔ tii, a tɛ̨ą, Yai-Laa! Yɛ́ kpɔ ɓə a mą́ą́kilɛi! Yá Hɛn Gəlee Mɛ̨imun gɛ a ə́ mąąkɔ̨nwɔ̨mun,

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»

Samuɛlə dɔlɔɔ 22:1

Davidə ə həɠə laa, ə li ə mąąkilɛ Adulamə kwɛni wolo hu. Niɛni da nąn ɲəi bɛlɛ́n nuą kəlee di bələ mɛ̨n, di laŋąnnaa mą gɛɛnąą tii ɓa.

Samuɛlə dɔlɔɔ 24:3

Saulə ə nu waa haaɓa həɠə a kulaaɠaa Israɛlə nuą kəlee lɔwai, yɛ diɛ di Davidə da nwɔ nuąi di kwɛli, ɓɛi da kɛ naa laa ɓaa: «Molu kwɛni wolo», nąą tənən ma.

Samuɛlə dɔlɔɔ 24:4

Ə həɠə Mɛlaa kumun gɛɛnąą, yaai tii bələ kwɛlɛ. Kwɛni wolo ta ə kɛ laa Saulə ə lɔ ɉu, yɛ li gala kwɛlɛ. Davidə yaan, da nwɔ nuą di kɛ laa gwɛni wolo kpon ɉu pələ.

Samuɛlə dɔlɔɔ 24:8

Nwooɠaa tii ɓə Davidə ə nwɔ nuąi kpɛla la bələi, hvo hvaa mą di hvo di yee pɛlɛ Saulə ɓa. Saulə ə muhəɠə, ə kulɔ gwɛni wolo hu, yɛ nwɔɔ li ɓo.

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»