Maafîu 5:5 - Yálá laawoo hɛɓɛ

⁵ Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Yálá laawoo hɛɓɛ (dc)

⁵ Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Bible

⁵ Lûwa káa diai dîa dílii maa yeŋɔɔ̂i, kpɛ́ni fêi, dîa ƃe dípɔɔ ƃa ǹɔii.

Maafîu 5:5 ပူးပေါင်းရင်းမြစ်များ

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Mąątɛ̨nɛ̨ 25:13

Mąą nu a yíi nɛ̨ɛ̨ ɓo, ɉuwu yɛ lɔi hɔlɔɓo.

Mąątɛ̨nɛ̨ 25:9

Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Mąątɛ̨nɛ̨ 37:11

Kɛlaa, nɔi a lɛɛ a liilaa nuą di wɔɔ; liilaa a kɛ di yəi, di wəli pulu laɠiɛ.

Mąątɛ̨nɛ̨ 37:22

A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.

Mąątɛ̨nɛ̨ 37:29

Tələnmo nuą kaa pai lɔi hɔlɔɓoi, diɛ hee ɉu a yələ kəlee mɛ̨nį.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 37:9

Mąąhɔlɔɓo, di kaa pai mɛ̨nį ɲɔ̨n gɛ nuą kulɔi a di nwun, Kɛlaa nuąi di kilitɔɔ Yai-Laa ɓa, nɔi kaa pai lɛɛi a di wɔɔ.

Mąątɛ̨nɛ̨ 69:32

Yili wɛli kaa Yai-Laa ɓa ə tɛɛ niŋɛ̨ hilɛ ɓa, ə tɛɛ tɔ̨nɔ̨ niŋɛ̨ hilɛ ɓa.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:1

Mɛ̨nį kəlee ŋą Hééɓomun Yálá nwɔ Nįį kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Lomaŋ 4:13

Yili ɓa, dɔn nwoo pɔ yíí ɓoɔ hvəə gɛ, Yálá yɛ yɛnɛ̨ɛ̨ kəlee laakwɛlanmo la Abrahamə ɓa da ɉuwu, a gwɛlin, kɛlaa, nwɔ laa na laa dələnmolaa hu ɓə.

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Ifisiɛŋ 4:2

a ká kpɔwɔ mąą yɛɛ pələ, a liinɛ̨ɛ̨ gwəi laa, a liilaa, 'ká ká liikpələ ká keeni hɔn mu a wɛlikɛmąą laa;

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.