Lukə 7:25 - Yálá laawoo hɛɓɛ

²⁵ Akɛti, ka li kani, lə ɓə ka gaa? Nu mąą yiliɛ a həɠə lɛlɛɛ ɓə ka gaa? Yaan, nuąi tɔɔ həɠə kaa di kwąną, diɛ ɓo di ŋąąnɛɛ hu, di kaa tɔɔ pɛlɛ́ɠaa mu.

Yálá laawoo hɛɓɛ (dc)

²⁵ Akɛti, ka li kani, lə ɓə ka gaa? Nu mąą yiliɛ a həɠə lɛlɛɛ ɓə ka gaa? Yaan, nuąi tɔɔ həɠə kaa di kwąną, diɛ ɓo di ŋąąnɛɛ hu, di kaa tɔɔ pɛlɛ́ɠaa mu.

Bible

²⁵ Kɛ́lɛ, le ƃe ká lì gáâi? Núu maa-ɣiriɛ a seɣe ƃɔɔ-fuu sɔ̃ɔ kpanaŋɔɔi? Ka gáa, ǹûai dímaa-ɣiriɛi a seɣe lɛ́lɛɛ-ŋai, díkɛ dínîa-mɛni kɛ̀ zui, dîa ƃe díkaa tɔɔ-pɛrɛ-ŋa mu.

Lukə 7:25 ပူးပေါင်းရင်းမြစ်များ

Samia Veerɛi 19:35

Barzilai yɛ tɔɔmun Davidə ɓa: «Kwɛlan ɲɛli kpɔ ɓə kɛa aa lɛɛ ɲə́i ɓɛ yɛnɛ̨ɛ̨-oo, yaai kwa tɔɔmun kwa həɠə kuɔ li Ɉerusalɛmə daai!

Tɔɔɓɛlaa dɔlɔɔ 10:5

da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Tɔɔɓɛlaa veelɛ 1:8

Diɛ mą: «Ɉəɠəi kɛ gwąną, ə kɛ a huwɔ ləɠa həɠə, ɉąą yilɛɛ a huwɔ kɔ́lɔ.» Di mo lɔ tii, tɔɔmun yɛ diɛ: «Tisbe mun Eli ka tii!»

Ɛstɛrə 1:11

Yɛ diɛ: «'Ka li, ka mo Vasti ɓa, ə pa, mąąyiliɛ, nwɔ tɔɔ ɓɔlɔi yɛ ɓo nwuɔ̨.» Tɔɔmun ə kɛ bɔ, bələi kɛ nɛ̨ą lɛlɛɛ la, ə nɛ nwɔ tɔɔɓɛlaa diɛ, da nɔi nuą kəlee. Yaan, nɛ̨ɛ̨nui tii lɛlɛɛ kpɔ kɛ a neelee.

Ɛstɛrə 1:3

Asuerusə nwɔ tɔɔlaa gwɛlan ɉaaɓa lɔwai, ə ɲeemu nuą da di wɔ káláɉonŋąą kəlee təli; ə di ɓɛlɛhee, ə Pɛrsə da Medi kɔ́kuláá nwun nąmįną təli, da nɔi nwun nąmįną, ɛlɛɛ, gbahanąmąɠaai kɛ goɓitaa nwun na.

Ɛstɛrə 4:2

Ə tɛɛ yɛ li tɔɔmun yəi bɛlɛ́ laaləi a wɔlɔ. Yaan, mąą hvo nɛ li kɛ mąą wɛli həɠə hvo lɛɛ nu ta kwaną yɛ li tɔɔmun yəi gwəli.

Ɛstɛrə 5:1

Voló haaɓa hin nɔɔ tii pului, Ɛstɛrə ə nwɔ tɔɔ həɠəɠaa kɛ mą, ə li dɔɔ kwəli, tɔɔmun yəi bɛlɛ́ laaləi. Tɔɔmun ə kɛ heeni ɲəi bɛlɛ́n dɔɔ kpəlin ɉu, ɲɛ̨i hiɛ bɛlɛ́ laaləi pələ.

Ɛstɛrə 8:15

Mardose ə kulɔ tɔɔmun ɲəi bɛlɛ́n, mąą yiliɛ a tɔɔ həɠə kpɔluɔ mutɛɠiɛ, tɔɔ ɓɔlɔ ta pɛlɛɛ nwuɔ̨ yɛ ɓo a hɛni, da gbaawi kpɔluɔ kɛnɛ̨. Susə daai nuą kəlee di kwəi ə nɛ̨ɛ̨ kpɔ kɛnɛ̨.

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Maafîu 11:8

Akɛti, lə kpɔ ɓə ka li gaai? Nu mąą yiliɛ a həɠə lɛlɛɛ? Kɛlaa, nuąi di mąą yiliɛ a həɠə lɛlɛɛ, di kaa tɔɔ pɛlɛ́ɠaa mu.

Maafîu 3:4

Ɉaan mąą həɠə ə kɛ a ɲɔ̨nwɔ̨mɛ̨ɛ̨ ləɠa, ɉəą yiliɛ a huwɔ kɔ́lɔ, gɔ̨nɔ̨n yɛ ɓo a peelə da kwɛin nwulɔ.

Maafîu 6:29

Kɛlaa gáá moi kaa, bələi mąn Salomɔn ə kɛ la nwɔ tɔɔlaai hu, mąąyili hɛnŋąą di hvo kɛ lɛlɛ li hvo həli nwuluɠaai tii dɔ̨nɔ̨ kpɛli pɔ.

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Lukə 7:24

Ɓɛlɔwai Ɉaan-Batistə nwɔ kalan nɛai di di pulu pənə la, diɛ li, Jesus ə kɛi Ɉaan-Batistə mąą mɛ̨nį hukulɔ la nu kpului tii kɛ laa diɛ, yɛ diɛ: «Ka li ɲɛa lɔi pun ɉu, lə ɓə ka gaa laa? Akɛti, hveen gbaɠa yii hvaŋą a dumo ya ɓə? Kpaa-o!

Lukə 7:26

Lə ɓə kani ka li kaa gaa? Yálá kwəi mɛ̨nį hukulɔ mun da? Ee! Gáá moi kaa, gɛnɛ̨i dɛɛ Yálá kwəi mɛ̨nį hukulɔ mun ma.