Lukə 2:9 - Yálá laawoo hɛɓɛ

⁹ Ną́mu ŋą malaka tɔ̨nɔ̨ ə gbɔwɔ lɛ diɛ, Ną́mu nwɔ mąąwiɛ ə di mąą pono, di ɲɔ̨w kpɔ kɛnɛ̨.

Yálá laawoo hɛɓɛ (dc)

⁹ Ną́mu ŋą malaka tɔ̨nɔ̨ ə gbɔwɔ lɛ diɛ, Ną́mu nwɔ mąąwiɛ ə di mąą pono, di ɲɔ̨w kpɔ kɛnɛ̨.

Bible

⁹ Nya ƃe Kúnuu-namui ŋɔkéla e kùla díkɔlɛ, Kúnuu-namui ŋɔfólo-laai e díkɔlɛ ma pòno. Dí yào kpɔ a dámaa.

Lukə 2:9 ပူးပေါင်းရင်းမြစ်များ

Tɔɔɓɛlaa dɔlɔɔ 8:11

Ə lɛɛ ɉaláá laa həli nuą di hvo pɛli góló kɛ pələ kaai dulɔ kpinįn tii ɓa. Mąąhɔlɔɓo, Yai-Laa nwɔ mąąwiɛ bɛlɛ́ laahvɛɛ.

Lɛɛ gbɔwɔ ɓa 16:10

Ɓɛlɔwai Aarɔn ə kɛi bələ ɓo la Israɛlə lonnii kəlee diɛ, ə tinɛ̨n ə ɲɛ̨i hee nɔi pun ɉu pələ, ə Yai-Laa nwɔ mąąwiɛ kaa tulɔ kpinįn ɉu.

Lɛɛ gbɔwɔ ɓa 16:7

Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Nįį-Mąąhəɠɛɛ kɛ mɛ̨nį li.

Lukə 1:28

Malaka ə lɔ Mari pɔ bɛlɛ́n, yɛ mą: «Gáá ə́ tuwɔ ɓoi, yɛ́i Yálá aa mɛ̨inɛ̨ɛ̨ kɛ yɛ́, Yálá kaa ə́ pɔ.»

Lukə 2:8

Bɛtleɛmə daa kwɛlɛ, ɲɛa kɔ́wɔ ta hu, ɓɛlaa pulu nuą di kɛ laa a kpinį, diɛ di wɔ ɓɛlaaɠaai mąąkpɛ.

Lukə 24:4

Di kwəi ə pili diɛ nąąlɔwai, di həɠə kwəlɛɛ nąmįną hveelɛ kaa,

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

Gɛlaɠaa 12:7

Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Gɛlaɠaa 5:19

Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Nįį.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Nįį-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 12:21

Mɛ̨nįi ti kɛ laa, ɲɛ̨i kɛnɛ̨ pələ, Moisə yɛ diɛ: «Ɉú aa haa, mą́ą́ yɛ kpɛli.»

M̀ɛni-lɛɛi 18:1

Yili pulu, ŋį́ malaka takpɛli kaa, yɛ həɠə yələi. Hvaŋą kɛnɛ̨ ta ə ɓo ɲəi, ɛlɛɛ, lɔi mɛ̨i ə pono a mąąɲįnɛ̨n.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.