Lukə 18:7 - Yálá laawoo hɛɓɛ

⁷ A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Yálá laawoo hɛɓɛ (dc)

⁷ A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Bible

⁷ Ɣâla fé pâi ŋɔsu-ɣɛɛ-ƃelai kulâi mɛni su diai da wɔ̂lɔ ma ɣele-ƃɔ́ɔ da kpini yée mui? A pâi díkɛ̂i dí maa kpɛŋ a zu kôya?

Lukə 18:7 ပူးပေါင်းရင်းမြစ်များ

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Mąątɛ̨nɛ̨ 9:8

Yai-Laa nwɛi, gaa laa a yələ kəlee, aa nwɔ tɔɔ kpəlin hee kpɔ tin-tin, kiti mɛ̨nį ɓa.

Lɛɛ gbɔwɔ ɓa 22:23

ŋą́ nííholi ka pɔ, ŋą ka nwun napili a kɔ-kɔ ɓɔwa, ka nɛ̨ąni da lɛɛ a kalaninŋąą ka lonnii di lɛɛ a təlilɛa.

Azaya 40:27

Lə mɛ̨nį ɓə tii ya kɛ moi Ɉakɔbə, Israɛlə, yá tɔɔ pələ kɛ ləi yɛ́ kɛ diɛ: «Nwɔ́ pələi loɔi Yai-Laa ɓa, mą́ą́ mɛ̨nį ɲɛ̨i kulɔ mɛ̨nį hvo nwɔ́ Yálái ɓa.»

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Nįį-Mąąhəɠɛɛ tɛɛ nuą da vɛli mą di pɔ.»

Lukə 2:37

Yili pulu, ə too galanən naa hu, ɛlɛɛ la ɉu, gaa kwɛlan ə kɛ pow mɛ̨ihaaɓa kɔ́w nąąn ə kɛi lɔ pa Yálá hee pɛlɛ́ mu a hvóló kəlee yɛ hin, nɔ yɛ Yálá hvɛli.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Lomaŋ 8:33

Nuąi Ə di həɠə ɉu, gbɛɛ ɓə a pɛli hɔn moi? Mąą nu hvo mą. Yálá ɓə di kɛ a tələnmo nuą.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Tɛsalonikə dɔlɔɔ 3:10

Kpini pɛlɛɛ hvóló ɓa, kwa Yálá hvɛli a hɔlɔmąą laa, kuɔ ku pɛli ku ɲɛ̨i tɔɔi káá, ɛlɛɛ, ku ká wɔ laa na laa laa kulɔ.

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

M̀ɛni-lɛɛi 7:15

Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.