Lonon mo 4:32 - Yálá laawoo hɛɓɛ

³² Nwulu hɔlɔɔnŋąąi da gwəli tɔɔ la, da di kɔ́wɔ hvilɛn ɉɛnŋąą, da nwulu kpiɛɠaa, da gbulɔn ɲɛliɠaa, da góló kɛ hɛnŋąą kəlee. Ɉɛn mąąnɛ̨ɛ̨ nu tɛitɛi ə ɉəɠə, ka nɛ mą.

Yálá laawoo hɛɓɛ (dc)

³² Nwulu hɔlɔɔnŋąąi da gwəli tɔɔ la, da di kɔ́wɔ hvilɛn ɉɛnŋąą, da nwulu kpiɛɠaa, da gbulɔn ɲɛliɠaa, da góló kɛ hɛnŋąą kəlee. Ɉɛn mąąnɛ̨ɛ̨ nu tɛitɛi ə ɉəɠə, ka nɛ mą.

Bible

³² Dí lí máŋ a góraŋ pîlaŋ-wuru-ŋai, da zee-sãai da ŋuru pɛlɛɛ-ŋai da zoŋ ɣɛlii kpulɔŋ mai, zoŋ ɣeli é pɛ́lɛ dɔɔ-sãai kélee dîa da maa-tii kɛ́ kɔli-sãai. Ka gbîri-ŋai lɛ́ dîa tɛi-tɛi dí gáa a gɛɛ dí ziɣe.

Lonon mo 4:32 ပူးပေါင်းရင်းမြစ်များ

Kɔlɔnikɔ Maa-ŋuŋ 9:29

Daɠaa diɛn, ɉɛɲąŋą kpəlii kɛ laa, diɛ ɓə mąą mɛ̨nį ə kɛ diɛ; gəlee mą kɛ, Yálá kɔ́ hɛn ɲąŋąɠaa, bɛlɛɛ lɛɠɛ hunwɔ̨, nɔɔ, nwulɔ, lansan da nwulɔ kun nɛ̨ɛ̨.

Lɛɛ gbɔwɔ ɓa 25:9

Gáá pai bɛlɛ́ tɔɔ pələ lɛi yɛ́ da mu hɛnŋąą kəlee, mąąnɛ̨ɛ̨ ka gɛ kpɔlɔ ɲą́ą́lee yɛ bələi gáá pai nɛi la yɛ́.

Lɛɛ gbɔwɔ ɓa 27:9

«Həɠə ɓɛla ta pɛli, ə́ bɛlɛ gala ɓa, ə yɛɛ nąą kəlee, ə gwəli ɲɛn dɔɔ. Da bala a yeekali walawala, ɉɛɠɛɛ pələ həɠə ɓɛla kwɛa yee a kɛ a yee laa mą nwun dɔ̨nɔ̨.

Lɛɛ gbɔwɔ ɓa 38:17

Nɔ̨nwɔ̨ɠaa kɔ́wɔ hvilɛn ɉɛnŋąą di kɛ a ɓala kwɛli, da daŋąɠaai kɛ diɛ, diɛ ɓo a wali kwɛli, di ton na hee hɛnŋąą diɛ ɓo a wali kwɛli. Nɔ̨nwɔ̨ɠaa kəlee yiliɛ kɛ di kee ɓa a taŋąɠaa, yiiɠaai kɛ a wali kwɛli.

Lɛɛ gbɔwɔ ɓa 38:21

Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Lonon mo 3:36

Gólói kɛ Merari yəi bɛlɛ́n nuą yəi, ya ɓaa: Gee kaa kələ nɔ̨nwɔ̨ɠaa, naaŋąɠaa, gɔwɔɠaa, da di hvilɛn ɉɛnŋąą mąą mɛ̨nį, da ɉɛnŋąą kpɔ mąąnɛ̨ɛ̨ di góló kɛ la, diɛ yiliɠaa kɛ la.

Lonon mo 3:8

Di kaa pai kɛi di ɲɛ̨i kɛi gee kaa kəlee mu hɛnŋąą diɛ di ɓo Israɛlə lonnii kəlee di wɔ kóló ɓa.

Lonon mo 4:31

Yiiɠaai mąąnɛ̨ɛ̨ di gɛ, ya ka; gólói lɔ di yəi gee kaa kələ mu ya ɓaa: Bɛlɛ́ hvilɛn nwuluɠaa, di hulɔ wuluɠaa, bɛlɛ́ hɔlɔɔnŋąą da di kɔ́wɔ hvilɛn ɉɛnŋąą, yiliɠaa ɓə da ɉəɠə,

Lonon mo 4:33

Merari lonnii di wɔ kóló ka tii. Yii mąąnɛ̨ɛ̨ di gɛ gee kaa kələ ɓa, gəlee lɔ ka tii. Ɉaláá laa həli mun Aarɔn lon Itamarə yee mu.»

Lonon mo 4:49

Yɛ bələi Yai-Laa ə mo la Moisə ɓa, yɛ naa həli nuą diɛ. Di di lonon, diɛ nu tɛitɛi kəlee kɛ kóló lɛ mą. Di di lonon, yɛ bələi Yai-Laa ə Moisə tí la.

Lonon mo 7:1

Ɲələi Moisə ə kpɛɛ la a bɛlɛ́ heɛ gee la, ə nwulɔ mąąhəɠɛɛ hiɛ mą, ə lúwɔ́ too mą, da ɉɛn bɛlɛɛ takpɛliɠaa kəlee, ə mą kɛ ɉaláá kulɔi da gwɛlɛ hɛn gəlee, ə wulɔ hiɛ diɛ, ə lúwɔ́ too diɛ.

Lonon mo 7:8

Ɛlɛɛ nwotolo nąąn tii da nįŋɛ̨ mɛ̨ihaaɓai tii di lɛɛ ɉaláá laa həli mun Aarɔn lon Itamarə yəi; yili ə di tɛɛ Merari lonnii pɔ, yɛ bələi di mąą kpaan ə kɛ la mą di wɔ kólói hu.