Lonon mo 22:12 - Yálá laawoo hɛɓɛ

¹² Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Yálá laawoo hɛɓɛ (dc)

¹² Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Bible

¹² Kɛ́lɛ Ɣâla è mò Bâlaŋ mà ǹyɛɛi, “Ka ǹûai ŋí káfe lì. Ífe Eezuɛ-ŋai fòo. Kpɛni fêi, ŋá lûwa làa dîa.”

Lonon mo 22:12 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Kɔlɔnikɔ Veerɛi 31:10

Ya ɓə ɉaláá laa həli mun gɛnɛ̨ Azariahu, yai a Sadɔkə huwu hu mun da, ə nwoo ɲąą pənə, yɛ mą: «Yii kpɔ nuą di gbala tɔɔ diɛ pa, a hɛn mąąnɛ̨ɛ̨ di gulɔ di hɔlɔɓo hɛn ɉu a Yálá nwɔɔ, diɛ paa la Yai-Laa nwɔ pɛlɛ́i mui, kwa hɛn mį́i, kuɔ pilɛ ɉu, gbəli yɛ lɛɛ kpɔ kɛnɛ̨. Mąąhɔlɔɓo, Yai-Laa aa lúwɔ́ too nwɔ nuąi diɛ, gbəli ka buɔ gee mɛ̨i.»

Mąątɛ̨nɛ̨ 144:15

Nwun na nɛ̨ɛ̨ nuą ɓaa, a nuąi mɛ̨nį huwui tii kəlee kaa di yəi! Nwun na nɛ̨ɛ̨ nuą ɓaa a nuąi Yai-Laa kaa a di wɔ Yálá.

Mąątɛ̨nɛ̨ 146:5

Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Lonon mo 22:11

‹Nu huwui tii kulɔ Eziptə lɔi hu, daa nɔi kpɛɛ mą, pa tai ə́ di nɛ̨ŋɛ̨n naa, gbəli hu kiɛ, ŋą́ kɔ́ pɛlɛ diɛ, ɲéé kaa pai lɔi diɛ, ŋį́ di kpɛ.›»

Lonon mo 22:13

Yələ ɓɔɔ, Balaamə yɛ Balakə nwɔ kalanɉonŋąą diɛ: «Ka pənə ka li ka pɔ lɔi, Yai-Laa hvo hvaa li mą gu hvo li.»

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Lonon mo 23:23

Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Lonon mo 23:3

Balaamə yɛ Balakə ɓa: «Tɔɔ ə́ wɔ haláái kwɛlɛ, ŋą́ mąą tawolo tɛ. Gbəli hu Yai-Laa kaa pai mɛ̨nį ɓoi mą́ą́, yii lɔpee a mo mą́ą́, ŋą́ ɉukulɔ yɛ́.» Ə tɛ yee ta ɓa, mąą pɔ̨nɔ̨ɔ̨.

Lonon mo 23:8

Nui Yálá hvo nɛ̨ŋɛ̨n naa li, Ŋą́ pɛli nɛ̨ŋɛ̨n naa pələ kɛi ləi? Nui Yálá hvo ɲɛ̨i paa li, Ŋą́ pɛli ɲɛ̨i paa pələ kɛi ləi?

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Dutɛrɔnome 23:5

Mąąhɔlɔɓo, di hvo gɛ di hvo ka laakwiɛn a kɔ̨nɔ̨n da kpələyá, ka kɛɛ ɉiɛ pələi kaa həɠə Eziptə lɔi hu. Ɛlɛɛ, mąąhɔlɔɓo, Moabə nuą di lɔ Beɔrə lon Balaamə kilii ə gɛ, ə ka nɛ̨ŋɛ̨n naa. Di Balaamə təli ə həɠə Petɔrə Aramə ɲalee hveelɛ lɔwai.

Dutɛrɔnome 28:6

Lúwɔ́ ə kɛ ka lii da ka pai ɓa.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Dutɛrɔnome 7:14

Gaa pai lúwɔ́ tooi kaa ə tɛɛ nu huwu kəlee ɓa; nu kəlee kwəi kaa pai nwun ɉii; daatɛlɛɛɠaa diɛ di kaa.