Lonon mo 21:16 - Yálá laawoo hɛɓɛ

¹⁶ Di həɠɛɛ laa, dəli Beɛrə ɲálɔwa la. Beɛrə tii ɓə Yai-Laa ə mąą mɛ̨nį ɓo Moisə ɓa, yɛ kɛ mą: «Nuą ɲąąkpɔn, ŋį́ yá tɛɛ di pɔ.»

Yálá laawoo hɛɓɛ (dc)

¹⁶ Di həɠɛɛ laa, dəli Beɛrə ɲálɔwa la. Beɛrə tii ɓə Yai-Laa ə mąą mɛ̨nį ɓo Moisə ɓa, yɛ kɛ mą: «Nuą ɲąąkpɔn, ŋį́ yá tɛɛ di pɔ.»

Bible

¹⁶ Dí sìɣe naa dí lí ǹya-toŋ ma Bɛ̂ɛ kɔlɛ ma ƃɛ́i Yâwɛɛ è mò naa Mose ma ǹyɛɛi, “Ǹûai ŋá tɛ́ díkîe ma, ńyaŋ ŋa pâi yá tɛɛ̂i dípɔ.”

Lonon mo 21:16 ပူးပေါင်းရင်းမြစ်များ

Zɛnɛse 21:19

Yálá ə Hagarə ŋɛ̨i pɔ̨nɔ̨ yálɔwa ta ɓa, Hagarə ə li ə di wɔ ya pu hɛn tii laa hvɛɛ, ə da tɔɔ non na.

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 15:8

Gboo təli woo aa Moabə lɔi kəlee kulɔ, wɔlɔ woo aa həli kpɔ Ɛglaimə, yɛ həli Elimə yálɔwa la.

Azaya 43:20

Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Lonon mo 20:8

«Ə́ wɔ tunwɔ̨n həɠə, ka ə́ liɛ Aarɔn ka nuą, ɲąąkpɔn, mo gwɛni kpuwulu ŋɛ̨i ɓa, ə ɉu yá tɛɛ ka pɔ. Ə kaa pai yá kulɔi gwɛni hu di mąą mɛ̨nį ɓa, ə́ yá tɛɛ nu kpulu pɔ da di wɔ taatɛlɛɛɠaai, diɛ di kpələ la.»

Lonon mo 33:46

Di həɠə Divɔn-Gadə di pa di tɔɔ Almɔn-Divlataima.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:17

Nįį, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Nwun mąąɓo 9:21

Yotamə ə kpɛɛ lɔ a nwooi tii ɓoɔ, ə pu, ə li ə mąą kilɛ Beɛrə; mąąhɔlɔɓo, ə kɛi ɲɔw niɛ Abimelɛkə ɓa.