Lonon mo 16:16 - Yálá laawoo hɛɓɛ

¹⁶ Moisə yɛ Kore ɓa: «Yɛ́ ka ə́ pulu nuą kəlee, ka pa tínąą ɓɛ Yai-Laa lííla. Yɛ́, diɛ, ɛlɛɛ Aarɔn.

Yálá laawoo hɛɓɛ (dc)

¹⁶ Moisə yɛ Kore ɓa: «Yɛ́ ka ə́ pulu nuą kəlee, ka pa tínąą ɓɛ Yai-Laa lííla. Yɛ́, diɛ, ɛlɛɛ Aarɔn.

Bible

¹⁶ Nya ƃe Mose è mò Koa mà ǹyɛɛi, “Ka ínûai kélee ka tínaa pá Yâwɛɛ ŋɛ́i-tuɛ. Eelɔŋ a pâi kɛ̂i naa máŋ.

Lonon mo 16:16 ပူးပေါင်းရင်းမြစ်များ

Lɛɛ gbɔwɔ ɓa 16:9

Moisə yɛ Aarɔn ɓa: «'Mo Israɛlə lonnii kəlee diɛ, yɛ diɛ: Ka ka ŋąąkpɔn Yai-Laa lííla, mąąhɔlɔɓo, hvaai ka káá moi ka nwun ɉu, Yai-Laa aa mɛ̨n.»

Lonon mo 12:4

Yai-Laa ə nɛɛ mą ə mo, Moisə, Aarɔn da Miriamə diɛ, yɛ diɛ: «'Ka nu haaɓai ka li gee kaa kəle laaləi.» Di nu haaɓai di nɛɛ mą di li.

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Lonon mo 16:17

Nu kəlee nwɔ lansan kpowo ə kɛ ɲəi, ka lansan pu ɉu, ɛlɛɛ nu kəlee ə nwɔɔ laa həli Yai-Laa ɓa. Lansan kpowo nwun veelɛ yee lɔɔli. Aarɔn yaa kpɛli, ɛlɛɛ, yɛ́ kpɛli, ka pa a ka wɛiɠaa.»

Timote veelɛ 2:14

Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.