Lonon mo 15:20 - Yálá laawoo hɛɓɛ

²⁰ Nɛɠɛ dɔlɔɔɠaai ka mɔ̨n, ka dɔ̨nɔ̨ həɠə ɉu a Yálá nwɔ, ka gɛ pələ kɛ yɛ bələi ka ka wɔɔ hihɛn dɔlɔɔ kɛ la, ɓɛlɔwai ka kpɛɛ la a ka wɔɔ mɔ̨nunŋaa tanŋąą.

Yálá laawoo hɛɓɛ (dc)

²⁰ Nɛɠɛ dɔlɔɔɠaai ka mɔ̨n, ka dɔ̨nɔ̨ həɠə ɉu a Yálá nwɔ, ka gɛ pələ kɛ yɛ bələi ka ka wɔɔ hihɛn dɔlɔɔ kɛ la, ɓɛlɔwai ka kpɛɛ la a ka wɔɔ mɔ̨nunŋaa tanŋąą.

Bible

²⁰ Kà káfelaƃai maa-ŋuŋ kpɛ̀tɛ a kpólo, fɛ̂ɛ ka gbóloi maa-ŋuŋ tɛ́ɛ ḿbɔ a sama-sɛŋ yɛ̂ɛ berei ká kámii-sɛŋ maa-ŋuŋ tɛ̀ɛ la ḿbɔ a kámii-sãai kula tãi.

Lonon mo 15:20 ပူးပေါင်းရင်းမြစ်များ

Nehemi 10:37

Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.

Lɛɛ gbɔwɔ ɓa 23:19

Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Lɛɛ gbɔwɔ ɓa 34:26

«Mąąnɛ̨ɛ̨ ka pa a ka wɔ lɔi hu wulu ɓá dɔlɔɔ Yai-Laa ka wɔ Yálá yəi bɛlɛ́n. Ka hvo ɓolu lon ɲili nee ŋįnįya hu.»

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Levetekɔ 2:12

Ka pɛli mą ka Yai-Laa kɔ́ a hɛn dɔlɔɔ, kɛlaa ka naa həli a hɛn mąą kun nɛ̨ɛ̨ haláá kulɔi.

Levetekɔ 2:14

«Ya kɛi pa Yai-Laa kɔ́i a ə́ yəi ɲɛa hihɛn mɛ̨ikɔw, a kɛ a hɛn gbaɠa ɓa, 'nɛ nwɔ̨n ma ə pola, ə́ vunwɔ̨ yɛ́ tɛɠa paa la.

Levetekɔ 23:10

«'Mo Israɛlə lonnii diɛ, yɛ́ diɛ: «Nɔi ŋɛ̨i gáá pai dɛɛi ka pɔ, ɓɛlɔwai ka li ka hee la ɉu, mɔ̨nun deei lɔwai a ɉəli, mɔ̨nun gɔn dɔlɔɔi ka dee, ka dɛɛ ɉaláá laa həli mun bɔ.

Levetekɔ 23:20

Ɉaláá laa həli mun a mɛlaa lonnii hveelɛi tii laa həli Yai-Laa ɓa a naa həli pələ, ə bɛlɛ mɔ̨nun dɔlɔɔ lɛɠɛ mɔ̨n ŋąą tii ɓa. Di kaa a hɛn mąąhəɠɛɛɠaa, a Yai-Laa nwɔɔ, ɉɛnŋąą tii da lɛɛ ɉaláá laa həli mun ɲəi.

Lonon mo 15:21

Nɛɠɛ dɔlɔɔ mɔ̨n bələ ka yəi dɛitɛi kəlee, mąąnɛ̨ɛ̨ ka da həɠə ɉu a Yai-Laa nwɔɔ. Bələ ɓə mąąnɛ̨ɛ̨ kaa gɛ la a kwɛlan gəlee.

Lonon mo 18:12

Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Lomaŋ 11:16

Da hɛn nįnɛ̨ kulɔ Yálá ɓa, gbəli kəlee kaa a nwɔɔ. Wulu ɉamu a kɛ a Yálá nwɔɔ, nwulu nąą kəlee kaa a nwɔɔ.

Korɛntə dɔlɔɔ 15:20

Kɛlaa, kpaa-o! Hvo tii, Kristə ə nwun gbɔ haa yəi a tɛ̨ą leelee, yaa ɓə a nu dɔlɔɔ, yɛ kulɔ haa yəi.

Dutɛrɔnome 14:22

Hɛn lɔpee ka káá pai ɉin ɉii ka pɔ yɛa kwɛlan dɛi tɛi yee mu, ka bow nąą tɛɛ Yai-Laa ka wɔ Yálái pɔ.

Dutɛrɔnome 14:23

Ɛlɛɛ kaa naa Yai-Laa ka wɔ Yálá lííla, ɓɛi gaa pai ɲeekpiɛ lɛi laa, naa ə ɓo laa. Nąą ɓə ka káá pai kɛi ka wɔ mɔ̨nun gɔn bow nąą, ka wɔ lɔɔ nįnɛ̨i nwɛi, da ka wɔ wulɔ nįnɛ̨i nwɛi, ka wɔ taatɛlɛɛɠaa lon dɔlɔɔɠaa mįi laa, bələ ɓə ka káá pai kɛi ɲɔwmąąlaa mąą kwɛlii la, yɛ hvilɛn na Yai-Laa ka wɔ Yálái ɓa a yələ kəlee.

Dutɛrɔnome 16:13

Ɉəɠə kələ hɛli nwɛi, ka káá pai kɛi bui hvóló mɛ̨ihveelɛ yee mu, ka kpɛɛ a ka pɔ yɛa mɔ̨nun gəlee teɛ, da ka wɔ hihɛnŋąą kəlee ɓa kulaa.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,