Lomaŋ 4:1 - Yálá laawoo hɛɓɛ

¹ Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Yálá laawoo hɛɓɛ (dc)

¹ Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Bible

¹ Kwa pâi ŋaŋ kɛ̂i lé é pîlaŋ Eberaɣɛ̃ɛ ma nyíi gáa a kúnâŋ pɔlɔ yɛ̂ɛ berei núu-kpune maa sɔlɔ ƃo-pere káa lai?

Lomaŋ 4:1 ပူးပေါင်းရင်းမြစ်များ

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Ɉaan 8:53

Ku kalaɓɔlɔ Abrahamə aa haa, gaa ə́ kwəi ə́ pɔlɔ-pɔlɔɔi ə́ tɛɛ mą? Yálá kwəi mɛ̨nį hukulɔ nuą kpɛli mąn daa haa, ə́ kaa ə́ kpɔɔ kaai yɛ gbɛɛ?»

Ɉaan 8:56

Ka kalaɓɔlɔ Abrahamə kwəinɛ̨ɛ̨ mɛ̨nį ɓa kɛ, ə ɲɛ̨i tɔɔ mą́ą́; kɛlaa, ə mą kɛ tii, ə gáá, gwəi ə nɛ̨ɛ̨.»

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Lomaŋ 6:1

Gwa pɛli kɛi lə: Akɛti, mąąnɛ̨ɛ̨ gu kɛ lɔ nɛ̨ŋɛ̨n ɉəɠə munɛ hu ə gɛ Yálá nwɔ mɛ̨inɛ̨ɛ̨ hu ə kɛnɛ̨?

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə veelɛ 11:22

Di kaa a Hebreuxɠaa, ɲą́ą́ gbɛlimąn gáá la! Israɛlə lonnii ɓaa a diɛ? Ɲą́ą́ gbɛlimąn gáá la! Di kaa a Abrahamə huwu? Ɲą́ą́ gbɛlimąn gáá a da!

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.