Lomaŋ 12:7 - Yálá laawoo hɛɓɛ

⁷ Akɛ ə́ wɛi ɓaa yɛ tínuą diɛ, 'yili kɛ. Nui nwɛi a kɛ a nuą mąąkwɛliɛ, ə gɛ.

Yálá laawoo hɛɓɛ (dc)

⁷ Akɛ ə́ wɛi ɓaa yɛ tínuą diɛ, 'yili kɛ. Nui nwɛi a kɛ a nuą mąąkwɛliɛ, ə gɛ.

Bible

⁷ kpaa máŋ é kɛ́ a kpɔŋ-maa-tii kwaa ku gɛ; kpaa máŋ ǹúui gáa kɔlɔ lɛ̂i, é ǹɛ́;

Lomaŋ 12:7 ပူးပေါင်းရင်းမြစ်များ

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Mąątɛ̨nɛ̨ 51:13

'Hvó bili kwɛa la, 'hvó ə́ ɲɛ̨i lɛlɛɛ həɠə mą́ą́, 'hvo ə́ wɔ Nįį-Mąąhəɠɛɛi kulɔ ɲəi.

Ikilisiati 12:9

Mąąnɛ̨ɛ̨ nuą di gɔlɔn diɛ kɛ: Kilimąą mun hvo kɛ kpɛla li mɛ̨nį lɛɛ ɓa nuą diɛ a nwɔ kili mɛ̨nį. Ə hanwon damąą mąn, ə mąąkpɛɛ, ə ɉukpɛɛ, ə dɔlɔ kaa yɛ ɉɔɔ nwɔ nuą diɛ.

Azaya 21:8

Gɛɛnąą mąąkpɛɛmun aa tómą, yɛ kɛ diɛ: Ną́mu, ŋą́ túwɔ́ tɔɔni dɔ́ɔ́i, gɛ́ bələi kaa, ŋį́ yíi tɔɔni dɔ́ɔ́i, gɛ́ bələi kaa.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Nįį-Mąąhəɠɛɛ laa hu.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Nįį-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 12:5

Góló tamąąi, kɛlaa, Nąmu kaa tanɔ̨n.

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Kolosə 4:17

Ka mo Arsipə ɓa, kaa mą: tiɓo yii gu Ną́mu Jesus aa dɛɛ bɔ, ə ɉon a nɛlɛɛ, ə naa kulɔ.

Timote dɔlɔɔ 2:7

ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Timote veelɛ 2:24

Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.