Levetekɔ 7:18 - Yálá laawoo hɛɓɛ

¹⁸ Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.

Yálá laawoo hɛɓɛ (dc)

¹⁸ Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.

Bible

¹⁸ À kɛ̀ núu da à zuai da m̀ii a ŋ̀eɣe kûui zaaƃa ɣelei, Ɣâla fé pâi ǹyée seêi ǹúui mu dí zâlai kùla m̀ii da ŋɔsama-sɛŋ. Zama-sɛŋ ŋí maa fé pâi kɛ̂i a ŋ̀waa. Ǹúui kélee a da mii, a pâi maa tɔ̂ŋ kpɛ̀ maai sɔlɔ ƃôi.

Levetekɔ 7:18 ပူးပေါင်းရင်းမြစ်များ

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Azaya 65:4

Diɛ tɔɔ kámąɠaa la, diɛ yii kwɛni woloɠaa hu, diɛ ɓoi mįi, ɛlɛɛ di kɔ̨nɔ̨n ə ɓo a túlun bulu hɛnŋąą.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 14:10

Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Levetekɔ 10:19

Aarɔn ə Moisə woo ɲąąpənə, yɛ mą: «Ə́ wəli tɔɔ: Ɲələi nuą di di wɔ nɛ̨ŋɛ̨n mąąhvaalɛɛ haláái kulɔ la Yai-Laa ɓa, da ɉaláá yii da gələn, mɛ̨nįi həli mą́ą́, ə́ gɔlɔn; volói tii, molu hilɛi tii di gulɔ a nɛ̨ŋɛ̨n mąąhvaalɛɛ haláá, ŋą́ mɔ̨ɔ̨ pɛli kɛ ɉuwɔ ta mįi? Ə kɛ a pələi lɔpee, yili hvəli nɛ̨ɛ̨ Yai-Laa ɓa.»

Levetekɔ 11:41

«Ɉuwɔ pɛlɛɛɠaai tii da tala, tɔ́n gaa gəlee ɓa, ka hvo da mįi.

Levetekɔ 17:16

A wala nii mąą həɠə waa, hvo gbinį waa, nɛ̨ŋɛ̨n gaa mą.»

Levetekɔ 19:5

«Ka kɛi liilaa haláá kulɔ Yai-Laa ɓa, ka gɛ a hɛn nwɛli a too mą.

Levetekɔ 20:17

«Hulɔnu a mąąhala kɛ a nɛ̨ą, di ɓo nąn ɓa, a wala kɛ tii di ɓo lee ɓa; diɛ di kee kpuwulu kaa; nwumɛ̨ mɛ̨nį li, mąąnɛ̨ɛ̨ di di lɛɛ di tɔ̨nɔ̨ kon ɉu di wɔ lɔi hu nuą ɲɛ̨i ɓa, mąąhala kpuwulu mɛ̨i həɠəi ə mo, yili a kɛ nwuɔ̨ a nɛ̨ŋɛ̨n.

Levetekɔ 20:19

«'Hvó laa a ə́ lee niɛ nɛ̨ɛ̨nu, awala kɛ tii, nəɠə nɛ̨ɛ̨nu; 'hvó laa a ə́ nąn mąąhala, mąąhɔlɔɓo, di kəlee di kaa a kɔ́lɔ tɔ̨nɔ̨, nuą da yili kɛ tii, daa nɛ̨ŋɛ̨n ɉəɠə.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Levetekɔ 22:23

Taatɛlɛɛ lɔpee, ə kɛ a nįŋɛ̨, ə kɛ a ɓɛlaa, a wala kɛ tii ɓooli, kpɛɠii a kɛ mą, nąą ta a kɛ a ɲaliɛ, da pɛli di gulɔ a haláá kpɛli kpɛli, kɛlaa a kɛ a naa gwəi haláá, di hva di yee hee mu.

Levetekɔ 22:25

Ka hvo kpɛli daatɛlɛɛ taaləi tii ta hon nwɛ̨ą yəi, kaa naa hɛli ka wɔ Yálái ɓa a gɔ̨nɔ̨n, di kala ka tii daa mo, kpɛɠii ka tii daa ɉee diɛ, di hva pɛli di yee heei mu ka yəi.»

Levetekɔ 5:17

«Nu ta a nɛ̨ŋɛ̨n ɉəɠə, yɛ Yai-Laa nwɔ tiɓo ta kala dɛɠii pələ yɛ ɉɔn gɛ la tii, yɛ nɛ̨ŋɛ̨n nɛ̨ɛ̨ la gbɔwɔ nwuɔ̨,

Levetekɔ 7:19

Yili pulu, huwɔi lɔpee a tunwɔ̨n mąąliɓi hɛn da ɓa, mąą hvo nɛ̨ɛ̨li di hvo mį́i, da gələn. «Nui lɔi tɔ́n və mą a pɛli haláá huwɔ mįi.

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Lonon mo 18:27

Ka wɔ Nįįhɔ̨nwɔ̨ li, yɛ bələi lɔ nuą takpɛliɠaa kaa pai nįįhɔ̨nwɔ̨ kulɔi la a di pɔ yɛa hihɛn da di wɔ kɔ́wɔ la wulɔ ta.

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.