Levetekɔ 5:11 - Yálá laawoo hɛɓɛ

¹¹ «Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Yálá laawoo hɛɓɛ (dc)

¹¹ «Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Bible

¹¹ Kɛ́lɛ à kɛ̀ ǹúui fé pɔrîi tòloŋ feerɛ kpaa máŋ popôo feerɛ sɔlɔ ƃôi, gɛ̀ ní é pá a felaƃa fũa pãi feerɛ a ŋɔsɔnyɔ̂ŋ maa sâla sɛŋ. Vé ɔle-wulɔ pù ma kpaa máŋ kéreŋ-sɛŋ kúŋ nɛ̃ɛ, kpɛ́ni fêi, gáa a sɔnyɔ̂ŋ maa sâla sɛŋ.

Levetekɔ 5:11 ပူးပေါင်းရင်းမြစ်များ

Lɛɛ gbɔwɔ ɓa 16:18

Gɔɔn di mo gəgən ɉu, nui ɉəɠə kɛnɛ̨, nwɛi hvo tɛɛ mɛlaa di wɛi ɓa, nui ɉəɠə tiikpə, nwɛi hvo too mɛlaa di wɛi mu. Yii lɔ nu tɛitɛi a pɛli mįi, yaa lɔ ɓə kɛ ɲəi.

Lɛɛ gbɔwɔ ɓa 16:36

Hvóló tɛitɛi kɔ̨nɔ̨n ə kɛ a tuku tɔ̨nɔ̨ ɓɛlaɓoɔ ɉu pow, di ɉeei tɔ̨nɔ̨ həɠə.

Levetekɔ 1:14

«Akɛ, nwɛ̨ni ɓə di paa la a Yai-Laa kɔ́ hɛn, diɛ gəlee kələn, ə kɛ a tonwələn, a wala kɛ tii, ɓopo.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 14:21

«Nui tii a kɛ a yeehowolomun, a wala pɛli ɉɛnŋąą kəlee hɔlɔɓoi, a ɓɛlaa lon dɔ̨nɔ̨ həɠə a bɔɔŋą pɛli haláá, diɛ naa həli a naa həli pələ, di nɛ̨ŋɛ̨n mąąhvaalɛɛ kóló kɛ mɛ̨i, ə lɛɠɛ hunwɔ̨ kəgən ɉu haaɓa həɠə yii daa ɲɔwɔn a wulɔ, a Yálá kɔ́ hɛn da kəgən gbulɔ wulɔ;

Levetekɔ 27:8

«Nu ta a kɛ a yeehvowolomun, ɲee a wala pɛli yii di vaa ɓo mą, nui ə naakwɛlanmo, a paa la ɉaláá laa həli mun nííla, yili ə wali ta hvaa ɓo mą, yɛ bələi nui tii nwɔ yee pɛli mąą kaa la.

Levetekɔ 5:12

A paa la ɉaláá laa həli mun bɔ, yili a ɲee hvɛɛ ɉu, a kili too ŋą haláá. Ə gələn ɉaláá kulɔ kəhi mɛ̨i, ə bɛlɛ Yai-Laa nwɔ haláá kɔ̨nɔ̨nŋąą diɛ, nɛ̨ŋɛ̨n mąąhvaalɛɛ haláá li.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Levetekɔ 5:9

A ɲąmą ta taɠa ɉaláá kulɔ kəhi koo ɓa, ə gbəli taɠa ɉaláá kulɔ kəhi kɔ́wɔ mu. Nɛ̨ŋɛ̨n mąąhvaalɛɛ haláá ka tii.

Levetekɔ 6:20

Hɛn lɔpee a tunwɔ̨n ɉuwɔ ta ɓa, gaa a Yálá nwɔɔ. Ɲąmą ta a taɠa həɠə ta ɓa, ɓɛi tii ɲąmą ə taɠa laa, mąąnɛ̨ɛ̨ di nąą waa kɛɛnąą mąąhəɠɛɛ ɓa.

Lonon mo 5:15

mąąnɛ̨ɛ̨ ɉulɔnui tii ə li a nɛ̨ą ɉaláá laa həli mun bɔ, ə pa a dɔ́n ɉalá hɛn, gəgən ɲąą haaɓa kpai hunwɔ̨ hu. Hva wulɔ pu mą, hva lansan hee mɛ̨i, mąąhɔlɔɓo, toló haláá da nu hɔn mo haláá li.

Lonon mo 7:13

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Lukə 2:24

Ɉaláá yii Ną́mu ə vaaɓo, di yili kulɔ, ya ɓaa: «Tonwələn veelɛ da ɓopo hveelɛ.»

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.