Levetekɔ 25:8 - Yálá laawoo hɛɓɛ

⁸ «Ka hvįįtɔɔ hvóló lonon mɛ̨ihveelɛ, kwɛlan ba pələ tɛitɛi, ka gwɛlan mɛ̨ihveelɛi tii heei kɛ mɛ̨ihveelɛ. A kɛ tii kwɛlan bow nąąn kɔ́w mɛ̨inąąn ga tii.

Yálá laawoo hɛɓɛ (dc)

⁸ «Ka hvįįtɔɔ hvóló lonon mɛ̨ihveelɛ, kwɛlan ba pələ tɛitɛi, ka gwɛlan mɛ̨ihveelɛi tii heei kɛ mɛ̨ihveelɛ. A kɛ tii kwɛlan bow nąąn kɔ́w mɛ̨inąąn ga tii.

Bible

⁸ Ka kóraŋ lɔ́ɔlu mɛi feerɛ sée gîei lɔ́ɔlu mɛi feerɛ. Gáa a kóraŋ buu náaŋ káo lɔ́ɔlu mɛi náaŋ.

Levetekɔ 25:8 ပူးပေါင်းရင်းမြစ်များ

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Mąątɛ̨nɛ̨ 89:16

Nwun na nɛ̨ɛ̨mun maa, nu huwui a ə́ mąątɛ̨nɛ̨. Di kaa pai kɛi hiɛi ə́ ɲɛ̨ilai nwɔ kɛɛ pɔ̨nɔ̨ hu, Yai-Laa.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Levetekɔ 23:15

«Túwɔ́ yələ a tɛɛ, ə həɠə ɲələi ŋɛ̨i ka paa la a mɔ̨nun gɔn dɔlɔɔɠaa, ka lɔwɔ mɛ̨ihveelɛ lonon,

Levetekɔ 25:7

Ə́ wɔ taatɛlɛɛɠaa di wɛi, da nɔwɔ huwɔɠaa, hɛn lɔpee nɔi a dɛɛ gbɔwɔ ɓa, ya ɓə di kaa pai mįi.

Levetekɔ 25:9

Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Lonon mo 36:4

Ɛlɛɛ ɓɛlɔwai nɔi hvįįtɔɔ kwɛlan a ɉəli la Israɛlə lonnii yəi, nɛ̨ąąɠaa tii, di wɔ lɔiɠaai a pɛlɛ di hilɛni di wɔ lɔiɠaai diɛ; di gulɔ kɛa ku wɔ lɔiɠaai hu.»