Levetekɔ 22:13 - Yálá laawoo hɛɓɛ

¹³ Kɛlaa, ɉaláá laa həli mun lon nɛ̨ɛ̨nu ta a kɛ a kalanin, a wala kɛ tii, ɉilɛ aa gulɔ lɔwɛi, lon a wala kɛ di lɔwai, a pənə a pa nąn bɔɔli, yɛ bələi ə kɛ la laa a nɛ̨ɛ̨non ɲələ, a pɛli nąn gɔ̨nɔ̨n da mįi. Yili a həɠə laa kɛa, nui hvo ɓaa ɉaláá laa həli mun, mąą hvo nɛ̨ɛ̨li hvo da mįi.

Yálá laawoo hɛɓɛ (dc)

¹³ Kɛlaa, ɉaláá laa həli mun lon nɛ̨ɛ̨nu ta a kɛ a kalanin, a wala kɛ tii, ɉilɛ aa gulɔ lɔwɛi, lon a wala kɛ di lɔwai, a pənə a pa nąn bɔɔli, yɛ bələi ə kɛ la laa a nɛ̨ɛ̨non ɲələ, a pɛli nąn gɔ̨nɔ̨n da mįi. Yili a həɠə laa kɛa, nui hvo ɓaa ɉaláá laa həli mun, mąą hvo nɛ̨ɛ̨li hvo da mįi.

Bible

¹³ Kɛ́lɛ sâla láa soŋ-nuu da ǹóŋ nɛni nyii bɔ̂ŋ a saai kpaa máŋ bɔ̂ŋ a ǹɛɛ a pá pôlu gáa-ƃelai pɔ́ bɔrɔŋ ǹyaa tɔnɔi, a pɔ̂ri zâla sãa maa waai da miî nyii ǹâŋ a zɔlɔ ƃoi. Zâla láa soŋ-ƃelai dísuui su-ƃelai nɔ́ ƃé da mii-sãai ŋí da m̀ii.

Levetekɔ 22:13 ပူးပေါင်းရင်းမြစ်များ

Zɛnɛse 38:11

Ɉuda yɛ kɛa non nɛ̨ą Tamarə ɓa: «Yɛ bələi yáá lɛɛ la a kalanin, 'li ə́ lɛɛ ə́ nąn ɲəi bɛlɛ́n, ə́ nąą mąą kpɔn, ə lɛɛ ɉu nón Sela ə laŋą.» Ɉuda ə kɛi mo gwəi pələ, yɛ kɛ mą: «Və́ bɔ Sela yaa kpɛli hvo haa, yɛ bələi niɛni di haa la.» Tamarə ə li nąn ɲəi bɛlɛ́n, ə lɛɛ laa.

Ɛsdrasə 2:63

Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Lɛɛ gbɔwɔ ɓa 12:43

Yai-Laa yɛ Moisə da Aarɔn diɛ: «Bələi mąąnɛ̨ɛ̨ ka pakə hɛli pu la, bələ ka: «‹Mąą hvo nɛ̨ɛ̨li nwɛ̨ą lɔpee hvo da mįi.

Lɛɛ gbɔwɔ ɓa 29:33

Yii di gɛ a nɛ̨nŋɛ̨n gbɛɛ haláái, ɓɛlɔwai da kɛ ɉaláá kulaa mąą laa tɛɛ la di pɔ, diɛ di hee a ɉaláá kulɔ nuą, da yili mįi. Nu takpɛli lɔpee hva da mįi, mąąhɔlɔɓo, hɛn mąąhəɠɛɛ li.

Izikiɛ 44:8

Bələi kɛ mąąnɛ̨ɛ̨ ka nwɔ́ hɛn mąąhəɠɛɛɠaa hon na, ka hvo di hon ni tii; kɛlaa yaamun, nwɛ̨ąą ɓə ka di hee diɛ nwɔ́ kólóɠaai kɛ, nwɔ́ kɛɛnąą mąąhəɠɛɛi ɓa.

Levetekɔ 10:14

Ɉuwɔ kəŋən tii di naa həli da ɉuwɔɠaai tii di gulɔ ɉu, ka gəlee mįi kɛɛnąą mąąhəɠɛɛ ɓa ka ə́ lonnii hinąą da nɛ̨ąą. Mąąhɔlɔɓo, Israɛlə lonnii di wɔ liilaa halááɠaai hu, ka wɛi mąąnɛ̨ɛ̨ ə kulɔ ɉu ə tɛɛ ka ə́ lonnii ka pɔ, yaa li.

Levetekɔ 22:10

«Nui hvo ɓaa ɉaláá laa həli mun da, hva ɉaláá hɛn mąą həɠɛɛ ta mįi, ə mą kɛ ɉaláá laa həli mun mąą nwɛ̨ą, a wala kɛ tii, nwɔ kóló kɛmun yai da vɛla kulɔ, di ta lɔpee di hva hɛn mąą həɠɛɛ ta mįi.

Levetekɔ 22:12

Ɉaláá laa həli mun da lon nɛ̨ɛ̨nu a hee nui hvo a haláá laa həli mun bɔ, hva kɛa pɛli ɉaláá kɔ̨nɔ̨n mąąhəɠɛɛ ta mįi.

Dutɛrɔnome 24:2

Da gulɔ tii lɔwɔi a pɛli mą hilɛ takpɛli həɠəi.

Samuɛlə dɔlɔɔ 21:7

Ɉaláá laa həli mun ə ɉaláá lɛɠɛ ta tɛɛ bɔ. Mąąhɔlɔɓo, lɛɠɛ takpɛli hvo kɛ laa, hvo kɛli lɔ lɛɠɛi kɛ a Yálá kɔ́ hɛn. Daa kɛ ɉəɠə Yai-Laa lííla, diɛ lɛɠɛ mɔnŋąą nįnɛ̨ laa laa a mąąhvalin.