Levetekɔ 13:2 - Yálá laawoo hɛɓɛ

² «Akɛ pala a kulɔ nu ta kɔ́lɔ ɓa, a wala kɛ tii kiliɠalan, a wala kɛ tii nu kɔ́lɔ nąą ta ə kwələ, gɛ pələ ə ɓo yɛ hvólóɲɔ̨n, mąąnɛ̨ɛ̨ dəli a nu Aarɔn pɔ, a wala kɛ tii non da; diɛi di kaa a ɉaláá laa həli nuą.

Yálá laawoo hɛɓɛ (dc)

² «Akɛ pala a kulɔ nu ta kɔ́lɔ ɓa, a wala kɛ tii kiliɠalan, a wala kɛ tii nu kɔ́lɔ nąą ta ə kwələ, gɛ pələ ə ɓo yɛ hvólóɲɔ̨n, mąąnɛ̨ɛ̨ dəli a nu Aarɔn pɔ, a wala kɛ tii non da; diɛi di kaa a ɉaláá laa həli nuą.

Bible

² à kɛ̀ pala a tèe núu da ḿâ kpaa máŋ mũa kɛ́ tɔ̂ɔ ma, kpaa máŋ gɔlɔ ma kɛ́ kpɔlu-kpɔlu, fɛ̂ɛ dí pá a maa nuui Eelɔŋ pɔ́ kpaa máŋ Eelɔŋ ǹóŋ dɔnɔ nyii gá a zála láa soŋ nuui dɔnɔi.

Levetekɔ 13:2 ပူးပေါင်းရင်းမြစ်များ

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Azaya 1:6

Ə həɠə ka nwuɔ̨, ə yɛɛ ka kɔ́wɔ ɓa, mɛ̨nį ta hvo kɛa a gɛ pələ, nąą kəlee kaa a pala hvaɠa kpidilin da pala kpɛa-kpɛa, nąą waamun və mą, di hvo ta hali kɛ li mą, di hvo ta wulɔ hiɛ li laa.

Azaya 3:17

Ną́mu Yálá kaa pai kpowólo pui Siɔn nɛ̨ɛ̨lɛa nwuɔ̨, Yai-Laa kaa pai di mąą kpoloon ɉii.

Levetekɔ 13:1

Yai-Laa yɛ Moisə da Aarɔn diɛ:

Levetekɔ 13:3

Ɉaláá laa həli mun a gɔlɔ ɓa ɲɔ̨n tii mąąkpɛɛ, ɓɛi tii ɲɔ̨n gaa laa, mąą nu kɔ́lɔ ɓa ləɠa a kɛ a gwɛlɛɛ laa, akɛ ɲɔ̨n tii a kɛi gɔlɔ woloon mo, a kɛ tii hvólóɲɔ̨n ni; da gaa akɛ a yaa, ɉaláá laa həli mun a kɛ mąą nu ɓa: tɔ́n gaa yɛ́.

Levetekɔ 13:8

Ɉaláá laa həli mun ə pənə ə mąąkpɛɛ, a ɲɔ̨n gaa da yɛ pɛlɛ mą, ɉaláá laa həli mun a kɛ mą: tɔ́n gaa yɛ́, a kɛ tii hvólóɲɔ̨n ni.

Levetekɔ 14:3

Ɉaláá laa həli mun a kulɔ daa pulu, ə mąąkpɛɛ, a gaa yɛ volóɲɔ̨n balaɠaa daa kpɛɛ, voló aa kpɛɛ mąą nu ɓa,

Levetekɔ 14:35

mąąnɛ̨ɛ̨ bɛlɛ nąmu ə li ə mo ɉaláá laa həli mun ma, yɛ mą: ‹Ŋą́ą́ hɛn da kaa nwɔ́ pɛ́lɛ́i ɓa, gaa bɛlɛ́ nwąną ɓa.›

Levetekɔ 14:56

ə kɛ a tɔɔ hɛn da pɔɔ, ə kɛ a pala kpɔlɔɔn ɉu yɛ len, bələi da di mąą mɛ̨nį kɛ la, bələ li.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Lonon mo 12:10

Dulɔ kpinįn ə həɠə gee kaa kələ mɛ̨i, hvólóɲɔ̨n ə nɛɛ mą ə yɛɛ a Miriamə, gɔlɔ mu ə kwələ kpɔ yɛ yee hunwɔ̨; Aarɔn ə tinɛ̨n ə gaa, nąą kəlee ə ɓo a hvólóɲɔ̨n.

Lonon mo 12:12

Nɛ̨ɛ̨ yɛ́ ną́n, əgɛ Miriamə hvo kɛ gaa kɛi yɛ yee kala lon, yai gɔlɔ ɲąą hva kɛ a bɛliɛ gaai lɔwai.»

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Markə 1:44

Hvo mɛ̨nį ŋɛ̨i hukulɔ nui lɔpee ta ɓa. Kɛlaa, li ə́ kpɔɔ lɛ ɉaláá laa həli mun mą, yɛ mą: Gɔ́lɔ́ a pono. Yili pulu, ɉaláá yii Moisə ə vaaɓo, ə́ yili kulɔ, ə gɛ, nu kəlee di gɔlɔn diɛ ə́ kɔ́lɔi aa pono, ə́ mąą a həɠə.

Lukə 17:14

Jesus ə ɲɛ̨i hee diɛ, yɛ diɛ: «'Ka li ka ka kpɔɔ lɛ ɉala laa həli nuą kpɛa-kpɛaɠaa diɛ.» Ɓɛlɔwai di kɛi li la, di kəlee di kɔ́lɔi ə pono.

Lukə 5:14

Jesus ə mo mą, yɛ mą: «Hvo mɛ̨nįi ŋɛ̨i hukulɔ nui lɔpee ta ɓa, pələi ŋɛ̨i yaa kɛ la, li ə́ ə́ kpɔɔ lɛ ɉala laa həli mun gɛnɛ̨ ɓa, yili pulu, ɉaláá yii Moisə ə vaaɓo, yɛ hvólóɲɔ̨n gɛ mun gɔlɔi a pono ə gulɔ, ə́ yili kulɔ, əgɛ, nuą di gɔlɔn diɛ ə́ kɔ́lɔi aa pono.»

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.