Korɛntə veelɛ 7:3 - Yálá laawoo hɛɓɛ

³ Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Yálá laawoo hɛɓɛ (dc)

³ Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Bible

³ Fe nyíŋi ƃôi a gɛ́ɛ ŋá mɛni lɛ́ɛ kâa, kpɛ́ni fêi, ŋá mò a maa-ŋuŋ a gɛ́ɛ kákaa kúlii su a gɛ́ɛ kwa kâa ni ku sáa gîe ma, kwa ka-ni ku kɛ́ ɣele ma gîe ma.

Korɛntə veelɛ 7:3 ပူးပေါင်းရင်းမြစ်များ

Tɛsalonikə dɔlɔɔ 2:8

Ká wɛli kɛ bələi tii kuɔ ɓə gɛ, ku hɛ̨ąyiliɛ kpɔ kɛ, ku Yálá nwɔ nwɛlɛɛ lɛlɛɛ laa həli káá, ə mą nwɔ̨nɔ̨ kɛ, ku wɔ yɛnɛ̨ɛ̨ ɓə, ku dɛɛ, gbala ə tɔɔ ká mąą mɛ̨nį nwąnąąi kuɔ kpɔ tii kɛnɛ̨.

Korɛntə veelɛ 13:10

Yili mąą mɛ̨nį ɓə gɛi, ŋį́ mą kɛ kwɛaa la nwɔ̨nɔ̨ gɛ́ ɉɛɓɛ́i ŋɛ̨i tɛɛ la káá, ŋą́ pa kɛa kɛi ká lɔwai, və́ pa ká hon a nwalawalaa yɛ bələi gu Nąmu ə yili mąąlaa tɛɛ la bɔ́, a ká tɛ mɛ̨nį tɔwɔ, hvo kɛ a ká kala mɛ̨nį.

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Korɛntə veelɛ 11:11

Lə mɛ̨nį ɓa? Akɛ tii, ká wɛli ɓə mɔ̨ɔ̨ hvo mą́ą́? Yálá ɓə gbaɠala kaa mą!

Korɛntə veelɛ 7:12

Ká gaa kani gɛ́ ɉɛɓɛ́i ŋɛ̨i tɛɛ káá, nui ɉɔn gɛ mąą mɛ̨nį hvəə, nui di di hɔn gɛ la mąą mɛ̨nį hvəə, kɛlaa ə gɛ, káá kpinįi káá pɛli gaai Yálá ɲɛ̨i ɓa, káá kɛ ku mąą mɛ̨nį nwąnąąi káá.

Korɛntə veelɛ 3:2

Káá ɓə a ku wɔɔ hɛɓɛ́i, ɉɛɓɛ́i tii pɛ̨ɛ̨i ku nii hu, nu kəlee di gɔlɔn, diɛ mo.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.