Korɛntə veelɛ 2:3 - Yálá laawoo hɛɓɛ

³ Nwɔ́ hɛɓɛ́i pɛ̨ɛ̨ nwun ni kɛ. Və́ kɛ bɔ, ŋą́ pa laa, və́ kɛ liiɲąnwąną hu, a nuąi mąą nɛ̨ɛ̨ di gwə́inɛ̨ɛ̨ di laa pɔɔ. Nwɛ́i náái kpɔ tii na, gɛ́, yii kpɔ hvilɛn na ká mąą mɛ̨nį, nwɔ́ kwəinɛ̨ɛ̨ kaa lɔ a káá kpɛlimąn ká wɔɔ kwəinɛ̨ɛ̨.

Yálá laawoo hɛɓɛ (dc)

³ Nwɔ́ hɛɓɛ́i pɛ̨ɛ̨ nwun ni kɛ. Və́ kɛ bɔ, ŋą́ pa laa, və́ kɛ liiɲąnwąną hu, a nuąi mąą nɛ̨ɛ̨ di gwə́inɛ̨ɛ̨ di laa pɔɔ. Nwɛ́i náái kpɔ tii na, gɛ́, yii kpɔ hvilɛn na ká mąą mɛ̨nį, nwɔ́ kwəinɛ̨ɛ̨ kaa lɔ a káá kpɛlimąn ká wɔɔ kwəinɛ̨ɛ̨.

Bible

³ Ŋá nyíŋi pɔ̃yɛ a gɛ́ɛ tãi ŋá pà lai, káai ka pɔ̂ri ŋ́gɛ̂i ńii e nɛ̃ɛi, káfe ńii sòli, kpɛ́ni fêi, ńaâi kpɔ́ a kákelee a ǹɛ́lɛɛ a gɛ́ɛ ŋálii-nɛ̃ɛi a pɔ̂ri kɛ̂i a kákelee kálii-nɛ̃ɛ.

Korɛntə veelɛ 2:3 ပူးပေါင်းရင်းမြစ်များ

Korɛntə dɔlɔɔ 4:21

Lə ɓə ka káá bɔ ŋą́ gɛ káá? Ka káá bɔ ŋą́ pa ka pɔ a hvaɠa, a wala kɛ tii, a wɛlikɛmąąlaa da liinɛ̨ɛ̨ gwəi laa?

Korɛntə veelɛ 1:15

Ɛlɛɛ, gílitɔɔ mɛ̨nį yili ɓa kpɔ ɓə gɛi, gáá la bɔ ŋį́ gbɛa tɛɛ ká pɔɔli pələ, gɛ́ pɛli mɛ̨inɛ̨ɛ̨ kɛi káá a veelɛnąą,

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Korɛntə veelɛ 13:10

Yili mąą mɛ̨nį ɓə gɛi, ŋį́ mą kɛ kwɛaa la nwɔ̨nɔ̨ gɛ́ ɉɛɓɛ́i ŋɛ̨i tɛɛ la káá, ŋą́ pa kɛa kɛi ká lɔwai, və́ pa ká hon a nwalawalaa yɛ bələi gu Nąmu ə yili mąąlaa tɛɛ la bɔ́, a ká tɛ mɛ̨nį tɔwɔ, hvo kɛ a ká kala mɛ̨nį.

Korɛntə veelɛ 2:9

Gbala ə tɔɔ, ɉɛɓɛ́i ŋą́ dɛɛ káá, yii lɔ kɛ gwə́i, ya ɓaa, ŋį́ ká hukɔɔn, akɛ ká lɛɛ nwoo mu kɛ mɛ̨nį kəlee hu.

Korɛntə veelɛ 7:12

Ká gaa kani gɛ́ ɉɛɓɛ́i ŋɛ̨i tɛɛ káá, nui ɉɔn gɛ mąą mɛ̨nį hvəə, nui di di hɔn gɛ la mąą mɛ̨nį hvəə, kɛlaa ə gɛ, káá kpinįi káá pɛli gaai Yálá ɲɛ̨i ɓa, káá kɛ ku mąą mɛ̨nį nwąnąąi káá.

Korɛntə veelɛ 7:16

Gwə́inɛ̨ɛ̨ kpɔ kɛnɛ̨, a gɛ mɛ̨nį, ŋą́ pɛli gílítɔɔi káá mɛ̨nį kəlee hu.

Korɛntə veelɛ 7:6

Kɛlaa, Yálái a kpɔɔmąąyɛɛ nuą liilaa, ə ku liilaa a pai Titə ə mo,

Korɛntə veelɛ 7:8

A tɛ̨ą, ə mą kɛ, ŋą́ hɛɓɛ́i hu woo ə ká liikələn ká kwəi, yili niihɛlɛn və mą́ą́. Ɛlɛɛ, ə mą kɛ nwɔ̨nɔ̨, ŋą́ niihɛlɛn ɉeei, ɉɛɓɛ́i tii hu woo, ə nwąną lɔ káá a lɔwai logolo.

Korɛntə veelɛ 8:22

Ku gu nąn non doo nuąi pai di pɔ, a yai yələ kəlee kwa nwɔ hvaŋąlɔlaa hu kpɛ, ɛlɛɛ, yaan vaŋąlɔɔi lɔ nwɔ̨nɔ̨ yiihu, mąąhɔlɔɓo, gilitɔɔi kpɔ káá kɛnɛ̨.

Galatə 5:10

Nwɛ́i, gílitɔɔ gu Ną́mu ɓa, ká mąą mɛ̨nį hu; ká hvo pai ɉon ɉii a pələ takpɛli. Kɛlaa, nui tii ká nwun ɉu kɛi vuwú-vuwú, gaa pai vɛla hɔlɔɓoi, a pələ lɔpee.

Tɛsalonikə veelɛ 3:4

Yii hvilɛn na ká mąą mɛ̨nį ɓa, ku laai na, gu Ną́mu nwɛi hu, kuɔ, mɛ̨nįi kwa ká tí a gɛ mɛ̨nį, ká gɛ, ɛlɛɛ, ká káá pai kɛi lɔ gɛi a yələ kəlee.

Filemɔn 1:21

Ə wɔ woo mɛ̨n naa ɓə gílítɔɔi ma, gɛ́ ɉɛɓɛi ŋɛ̨i pɛ̨ɛ̨. Náái na gɛ́, yii gáá vɛli yɛ́ ə́ kaa pai gɛi ə tɛɛ nwɔ́ kiliŋąhiɛ ɓa.