Ɉeremi 51:56 - Yálá laawoo hɛɓɛ

⁵⁶ A tɛ̨ą, kɛɛ kalamun gaa pai, ə yili mą, ə yili Babilonə ɓa. Da nwɔ kɔkulaaɠaa hon, di wɔ kilɛnŋaai hu yali yali, Yai-Laa kaa a nwąną kulɔ Yálá; nwəlɛɛi kwələ kulɔi.

Yálá laawoo hɛɓɛ (dc)

⁵⁶ A tɛ̨ą, kɛɛ kalamun gaa pai, ə yili mą, ə yili Babilonə ɓa. Da nwɔ kɔkulaaɠaa hon, di wɔ kilɛnŋaai hu yali yali, Yai-Laa kaa a nwąną kulɔ Yálá; nwəlɛɛi kwələ kulɔi.

Bible

⁵⁶ Dí pà a gɛɛ dí Babelɔŋ su-kara. Da ŋɔkɔ-kuluƃa-ŋai sóŋ, da díkerâŋ-ŋai su ɣále. Ŋ́gaa a Ɣâla nyii a mɛni nyɔ́mɔ kula maa kɛ̂, ǹyaŋ ŋa pâi Babelɔŋ kula-maa kɛ̂i yɛ̂ɛ berei è tùa lai.

Ɉeremi 51:56 ပူးပေါင်းရင်းမြစ်များ

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Mąątɛ̨nɛ̨ 137:8

Babilonə nɛ̨ɛ̨gbɛla, ə́ hu kala mɛ̨nį hɛlɛnŋąąi ə́ mɛ̨i, nui pai ə́ hon ɉii, yɛ bələi ə́ ku hon na, nwun na nɛ̨ɛ̨i.

Mąątɛ̨nɛ̨ 37:15

Kɛlaa, di kpɔwɔ ɓɔwa tii, aa lɔ di hu, gilɛnŋaa hu yɛ yali.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Mąątɛ̨nɛ̨ 76:3

Ə nwɔ pɛlɛ́i hvilɛn Salɛmə, ɛlɛɛ Siɔn ɓə ɉee pɛlɛ́ kaa laa.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Ɉeremi 49:35

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Gáá pai Elamə nwɔ kilɛn hu yalii, yaai gaa a vaŋa mɔlɔmun.

Ɉeremi 50:10

Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.

Ɉeremi 50:36

Kɔ kɔ́ ɓɔwa, 'hee dɔlikpɛ nuą hu, di kaa a nu kpoloonŋaa. Kɔ kɔ́ ɓɔwa, 'hee gɔkulaaɠaa hu, di kaa tooi.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Ɉeremi 51:30

Babilonə kɔ́kulááɠaa daa lənə gɔ́ ɓa, daa hee so-so, hoŋonŋaa hu, di hvaai aa kpɛɛ di yəi, daa kɛ yɛ nɛ̨ąą, di kaa nwɔ pɛlɛ́ɠaai kələn ɉii. Diɛ nwɔ kponŋaai ɓɛla.

Ɉeremi 51:48

Mąą yələ, yələkɔlɔn da lɔi, da di hu hɛnŋaa, di kaa pai kɛi wələ tooi Babilonə mɛ̨i, a kɔ́ nɛ̨ɛ̨ mąą wələ. Mąąhɔlɔɓo, ɉu wolo nuą kaa həɠəi ɲələi pələ. Ɲą́ą́ Yai-Laa nwóó li!

Ɉeremi 51:53

Ə mą kɛ, Babilonə aa tɛ yələi, yɛ mąąkpɛ hįį tɔɔ, yii nu hva pɛli tɛi mą, ŋą ɉuwolo nuą ɲąątɔɔ mą, di yee ə lɔ. Ɲą́ą́ Yai-Laa nwóó li!

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Woolaa 3:64

Yai-Laa! Di túwɔ́ pələi tii kwələ kulɔ diɛ.

Izikiɛ 39:3

Gɛ́ ə́ kɛlɛ, ə́ kɛɓɛyee yɛ kulɔ ə́ wɔ kilən ɓa; gɛ́ ə́ wɔ tɔ́nwąɠaai kulɔ ə́ ɓa-mįi-yee ɲą, gɛ́ di pu nɔi ɓa.

Izikiɛ 39:9

Israɛlə taalee hu nuą kaa pai kulɔi, di kaa pai nwɔ̨n dooi, di yówóɠaa di wɔ kɔ́ kɔ́ hɛnŋąą kəlee hu; di mąą kpɛ hɛnŋąą, gilɛnŋąą, da dɔ́nwąɠaa, kɔ́ kɔ́ hɛn lɔpee da ɉon di yəi ɲą; da pɛli kwɛlan mɛ́ihveelɛ nwɔ̨n ɉee kwɛi hɔlɔɓoi.

Amɔsə 2:15

Kilɛn bili mun gbɛli yee hvo pai lɔi. Gilɛ həɠə mun nwɛlɛɛ, hvo pai pɛli tɛɛi a gilɛ, hoo gilɛ həɠə mun gbɛli hvo pai kulɔi ɉu.

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

Dutɛrɔnome 32:35

Gáá pai nwą́ną kulɔi, yii di gɛ ŋį́ gwələ kulɔ, ɓɛlɔwai di kaa pai tɔɔi la, di nwun napili yələ aa həli. Mɛ̨nįi naai di tɔwɔ, ɉu hvo kwɛa li yɛ həli diɛ.»

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

Samuɛlə dɔlɔɔ 2:4

Kɔ́kulááɠaa di wɔ kilɛn hu a yali, Kɛlaa nuąi kɛi pa tooi, daa di hąą yili a huwalawalalaa.