Ɉeremi 40:10 - Yálá laawoo hɛɓɛ

¹⁰ Nwɛ́i, gáá ɓɛ Mispa, Kalde nuąi di kaa pai kɛ di tɛɛi ɓɛ, gɛ́ di mąą mɛ̨nį ɲɛ̨i kulɔ, ka wɛi ka ka wɔ kólóɠaa kɛ, káá nwulu ɓáɠaa kulɔ, káá nwulɔ kulɔ, káá ka kwɛlɛ hee, daaɠaai tii ka káá di hui, ka lɛɛ laa.

Yálá laawoo hɛɓɛ (dc)

¹⁰ Nwɛ́i, gáá ɓɛ Mispa, Kalde nuąi di kaa pai kɛ di tɛɛi ɓɛ, gɛ́ di mąą mɛ̨nį ɲɛ̨i kulɔ, ka wɛi ka ka wɔ kólóɠaa kɛ, káá nwulu ɓáɠaa kulɔ, káá nwulɔ kulɔ, káá ka kwɛlɛ hee, daaɠaai tii ka káá di hui, ka lɛɛ laa.

Bible

¹⁰ Ńyãa kpîŋ ŋa pâi kɛ̂i Mesipa a káŋɛi-gao tãi Babelɔŋ-ŋai da pâ lai. Kɛ́lɛ, ka pɔ̂ri ŋwã̂ai kpɛtɛ̂i, ká ŋ̀úru ƃa-ŋai ŋá-tɛ gîe ma, ka ɔle-wulɔ kpɛtɛ, kákɛ ƃò gbanâŋ-ŋai lá ƃɛ́i káseɛɛ káa naai.”

Ɉeremi 40:10 ပူးပေါင်းရင်းမြစ်များ

Samia Veerɛi 16:1

Davidə ə tɛɛ lɔ wolo ɓo ɲee nwuɔ̨, yɛ Mefibosɛtə nwɔ tímun Siva kaa yɛ pa, hoohvaalən veelɛ ə ɓo ɲee pɔ, tiɛ̨ ə ɓo gəlee pulu: lɛɠɛ nwun veelɛ, da viɲə ɓá kpala nwun dɔ̨nɔ̨, da wulu ɓa nwun dɔ̨nɔ̨, yiiɠaai kɛi ɓa nąąlɔwai; da lɔɔ hɛnɲąŋą tɔ̨nɔ̨.

Tɔɔɓɛlaa dɔlɔɔ 10:8

Ə́ wɔ nuąi nwun na nɛ̨ɛ̨i, ə́ yee pɔ nuą nwun na nɛ̨ɛ̨. Diɛi di kaa lɔ tɔɔni ə́ lííla a yələ kəlee diɛ ə́ wɔ mɛ̨nį kɔ́lɔn gili wooɠaai mɛ̨n.

Hanwon 22:29

Yá nu kaa ɲɛlɛɛ di kɛ koló hu, hva lɛɛ noo pələi, Gaa pai kɛi a tɔɔɓɛlaa di wɔ tímun.

Hanwon 27:25

Da kala kpala paa, nįnɛ̨ a tíliin, nįnɛ̨ kaa lɔ tíliin ɉi, ka gbalaɠaa yɛɠɛ ɲeeɠaa nwuɔ̨.

Azaya 16:9

Kwa Yazerə ku kaa wɔlɔi Sivma nwɔ viɲə yɛɛɠaa mɛ̨i, gáá ka yɔwɔi a ɲɛ̨́iyá, yɛ́, Hɛsbɔn ka Eleale; hvó gaai, ə́ wɔ mɔ̨nun dee kwəinɛ̨ɛ̨, da nɔɔ pɛli kwəinɛ̨ɛ̨, mąą aa hvalin a kɔ́ mɛ̨i woo.

Ɉeremi 35:19

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Rekavə lon Yonadavə nwɔ nu hvo pai kpɛɛi nííla a yələ kəlee.›»

Ɉeremi 39:10

Kɛlaa, ɲeehowolo nuąi hɛn da hvo kɛ di yɛi, di bələ tɔ̨nɔ̨ lɛɛ nɔi hu, di tííɠaa da hihɛnŋaa ɲąąkwɛlɛ diɛ.

Ɉeremi 40:12

Di həɠə ɓɛɠaai kpɔ kɛ di taɠa taɠaa laa, di pənə diɛ pa Ɉuda lɔi hu Gedaliasə pɔ Mispa. Di lɔɔ da wulu ɓáɠaa hɔlɔɓo kpɔ kɛnɛ̨.

Ɉeremi 40:6

Ɉeremi ə li Mispa, Ahikamə lon Gedaliasə pɔ, ə lɛɛ bɔɔli da nuąi tii lɛɛ nɔi.

Ɉeremi 43:5

Karea lon Yohanan da gɔ́kulaa nwun nąmįnąi tii kəlee, di di laa tɛ Ɉuda nuą kpəlii kɛ yɛnɛ̨ɛ̨ di mu, nuąi tii kɛ daa pənə daa pa daa hee nɔi hu, nuąi tii kɛ di taɠa taɠaa di kwɛlɛ lɔiɠaa hu.

Ɉeremi 48:32

Gáá wɔlɔi ə́ mɛ̨i dɛɛ Yazerə nwɛi ɓa, yɛ́i ɓaa Sivma nwɔ viɲə yɛa lɛlɛɛ. Yáá kpɔlɔ, ə́ kpɔlɔɠaa daa li kpɔ gboloyá pulu pələ, diɛ həli Yazerə ɓa. Gɛɛ kalamun aa too ə́ wɔ hihɛnŋaa ma mɛ̨i da ə́ wɔ lɔɔi.

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Dutɛrɔnome 1:38

yii ɓaa Nun lon Ɉosue yaai a ə́ wɔ tímun, nwɛi gaa pai lɔi laa, vaŋąlɔ, mąąhɔlɔɓo, yaa ɓə pai nɔi tɛɛi Israɛlə pɔ a gwɛlin nɔi.

Dutɛrɔnome 16:13

Ɉəɠə kələ hɛli nwɛi, ka káá pai kɛi bui hvóló mɛ̨ihveelɛ yee mu, ka kpɛɛ a ka pɔ yɛa mɔ̨nun gəlee teɛ, da ka wɔ hihɛnŋąą kəlee ɓa kulaa.