Ɉeremi 38:21 - Yálá laawoo hɛɓɛ

²¹ Kɛlaa ya wala gɛ hvo ə́ kpɔɔ tɛɛ, mɛ̨nįi pai kɛi, ya ka ŋɛ̨i Yai-Laa kaa nɛi mą́ą́.

Yálá laawoo hɛɓɛ (dc)

²¹ Kɛlaa ya wala gɛ hvo ə́ kpɔɔ tɛɛ, mɛ̨nįi pai kɛi, ya ka ŋɛ̨i Yai-Laa kaa nɛi mą́ą́.

Bible

²¹ Kɛ́lɛ, m̀ɛnii nyíi pâi kɛ̂i, Yâwɛɛ a ǹɛ́ ḿâ zĩ̂a su à kɛ̀ yà wàla íkpîŋ tɛ̀ɛ.

Ɉeremi 38:21 ပူးပေါင်းရင်းမြစ်များ

Kɔlɔnikɔ Veerɛi 36:12

Ə túwɔ́ a ɲɔ̨nwɔ̨ɔ̨ nwɔ Yálái Yai-Laa ɲɛ̨i ɓa. Nwooɠaai Yai-Laa ə bu gwəi mɛ̨nį hukulɔ mun Ɉeremi la, yɛ mo mą, hvo kpɛli gɛ, hvo gbɔwɔ mąą yɛɛ Yálá ɲɛ̨i ɓa.

Zôo 23:13

Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.

Zôo 34:33

Ə́ wɔ kili ɓa da pɛli mɔ̨nɔ̨ laai mɛ̨i? Gílí kaa ɉu, yili a kɛ ə́ ɲɛ̨i ɓa a yɛlɛ mɛ̨nį, bələ ɓə ə́ gili tee la ə́ kwəi, kɛlaa ɲą́ą́ hvəi. Yii gaa ə́ kwəi, nɛ mą́ą́.

Lɛɛ gbɔwɔ ɓa 16:28

Yai-Laa, yɛ Moisə ɓa: «Ka káá pai lɛɛi ka nwun gulɔi nwɔ́ tɔ́n nwooɠaa da nwɔ́ tiɓoɠaa mu, ə lɛɛ ɉu mįnɛ̨ lɔwai?

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Lonon mo 24:13

‹Ə mą kɛ Balakə aa ɲəi bɛlɛ́n nwaliɠaa da ɉɛni kəlee tɛɛ bɔ́, vá pɛli Yai-Laa nwɔ tíɓo lɛɛi laa, gɛ́ lɛɛ gbɔ́wɔ́ ɓa, gɛ́ mɛ̨nį lɛlɛɛ a wala kɛ tii ɲɔ̨nwɔ̨ɔ̨ laa nu ɓa. Mɛ̨nįi Yai-Laa kaa pai moi, ya ɓə gáá pai gɛi.›

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.