Ɉeremi 37:1 - Yálá laawoo hɛɓɛ

¹ Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Yálá laawoo hɛɓɛ (dc)

¹ Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Bible

¹ Babelɔŋ kaloŋ Nɛbukinaza è wɔ́lɔ Zosaya ǹóŋ Zɛdikaya kɛ̀ a kâloŋ Zuda lɔii mɛi Zɛoakiŋ ǹóŋ Zɛoasiŋ pɔ́ɔ ŋá.

Ɉeremi 37:1 ပူးပေါင်းရင်းမြစ်များ

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Tɔɔɓɛlaa veelɛ 24:17

Babilonə tɔɔmun ə Yoyakin kulɔ dɔɔlaa hu, ə mąąhvalin a Yoyakin galá Matania, yii di nąą mąąhvalin a Sedesiasə.

Ɉeremi 21:1

Ɓɛlɔwai tɔɔmun Sedesiasə ə Malkiya lon Pasehurə, da ɉaláá laa həli mun Sefania, Maaseya lon dɔɔ la Ɉeremi pɔɔli, diɛ kɛ mą:

Ɉeremi 22:24

Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 52:31

Ɉuda tɔɔmun Yoyakimə nwɔ tɔɔlaa gwɛlan bow haaɓa gɔw mɛ̨ihveelɛ yələ, ɲąnin bow kɔ́w hveelɛnąą nwɔ hvóló pow hveelɛ kɔ́w lɔɔli yələ, Ewilə-Merodakə, yai kɛ a Babilonə tɔɔmun; gwɛlan nɔ ə dɔɔlaa hɔlɔɓo la, ə Ɉuda tɔɔmun Yoyakimə mąąwɛli kaa, ə mo di gulɔ gaho ŋą.