Ɉeremi 33:26 - Yálá laawoo hɛɓɛ

²⁶ Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Yálá laawoo hɛɓɛ (dc)

²⁶ Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Bible

²⁶ Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 33:26 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Ɛsdrasə 2:1

Nuąi wɔlɔ Babilonə tɔɔmun Nabukodonosorə ə di hon a luwɔɠaa, yɛ li a diɛ Babilonə, yiiɠaai həɠə goɓitaaɠaa hu, diɛ pənə diɛ li Ɉerusalɛmə daai, Ɉuda lɔi hu, nu kəlee yɛ li bɔ taai diɛ ka:

Ɛsdrasə 2:70

Ɉaláá laa həli nuą, Levi huwuhu nuą, da nɔi nuą; nwələ too nuą, bɛlɛ́ laaləi mąąkpɛɛ nuą, da tínuąi, nu kəlee ə hee bɔ taai; Israɛlə nuą kəlee də li, di hee di pɔ taai.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 31:35

Gbɛɛ ɓə hvóló kulɔ, yɛ kɛɛ pɔ̨nɔ̨ kulɔ a yələ ɓɔɔ, ə ɲąnin da pɛmɛ̨lɛ̨n-gɔwɠaa kɛ, a kpinį hu pɔ̨nɔ̨ hɛnŋaa, gəlee da nwɔ kɛ pələ; a yaai a gboloyá tumo, yɛ nwoo kulɔ? Ɲálái tii mɛ̨nįɠaa kɛ, naa ɓaa: Yai-Laa Mɛ̨nį Kəlee ŋą Hééɓomun. Ɲálái tii nwoo ka, yɛ diɛ:

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Ɉeremi 33:24

«Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Osia 2:23

Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Lomaŋ 11:32

Mąąhɔlɔɓo, Yálá ə nu kəlee lɔ kulɔ nwoo mu laa nwɔ kpono mu, əgɛ, ə nu kəlee ɲɛ̨imąąwɛli kaa tanɔ̨n.