Ɉeremi 2:28 - Yálá laawoo hɛɓɛ

²⁸ Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Yálá laawoo hɛɓɛ (dc)

²⁸ Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Bible

²⁸ “Ŋ̀âla-ŋai ká dí kpɛ̀tɛ kákpîŋ mɛni mai, dîa kɔ̂ɔ? Ka ǹɛɛ naa díka ŋuŋ ma ƃó tãi kákaa la mɛni kpɔ̂lu sui. Káai a Zuda-ƃelai, ɣâla támaa káa káyêei yɛ̂ɛ berei kátaa-lee-ŋai káa lai.

Ɉeremi 2:28 ပူးပေါင်းရင်းမြစ်များ

Tɔɔɓɛlaa veelɛ 3:13

Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 46:2

Ɉali mąąnįnįnŋąą daa pu di kee mɛ̨i, di hva pɛli di kpəŋə nuą kulɔi mɛ̨nįi, diɛ kpinį di kaa lii luwɔlaa hu.

Azaya 46:7

Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Azaya 57:13

Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 11:12

Nąąlɔwai, ɉaliɠaa tii Ɉuda taaɠaa, da Ɉerusalɛmə taa, di kɛi ɉaláá hɛnŋaa kələn di lííla, di kaa pai lii di pɔ, diɛ di hvɛlii, kɛlaa, yiliɠaa di hvo pai pɛlii di kulɔi mąąwɛli mɛ̨nį tii hu.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 37:19

Ɛlɛɛ, ka wɔ lɛɛ mɛ̨nį hukulɔ nuąi kɛi kɛ kaa: ‹Ə kɛ a káá-oo, ə kɛ a nɔi ŋɛ̨i-yoo, Babilonə hvo pai kɔ́ pɛlɛi káá› di kaa mį?

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Dutɛrɔnome 32:37

Nąąlɔwai Yálá kaa pai kɛi diɛ: «Di wɔ haliɠaai di kɛi di mąąkilɛ di hvaŋąn mu, di kaa mį?

Nwun mąąɓo 10:14

Yili ɓa, ɉaliɠaai tii ka ɉəɠə, ka di kɛ a ka wɔ yáláɠaai, ka mo diɛ. Diɛ ɓə mąąnɛ̨ɛ̨ di ka kulɔ kpaan ɉu.»