Ɉeremi 17:5 - Yálá laawoo hɛɓɛ

⁵ Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Yálá laawoo hɛɓɛ (dc)

⁵ Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Bible

⁵ Yâwɛɛ è mò ǹyɛɛi, “Náaŋ káa diai kélee dîa da dípôlu tɔ̀ɔ ḿâi, dí díkili tɔ́ɔ núu-kpune ma, dí díkili tɔ́ɔ núu-kpune ŋɔwála-walaai mai.

Ɉeremi 17:5 ပူးပေါင်းရင်းမြစ်များ

Kɔlɔnikɔ Veerɛi 16:12

Asa ə ɲɔ̨n ɉəɠə, nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲɔ̨n nwalawala ə yili gɔɠɔɠaa diɛ. Gɛɛ ɲɔ̨n ɉu, hvo gilitɔɔ Yai-Laa ɓa, ə gilitɔɔ halikɛnuą diɛ.

Kɔlɔnikɔ Veerɛi 32:8

Asiri tɔɔmun nwɛi, nu kanŋaa ɓə ɲəi, kɛlaa gu wɛi, gu wɔɔ Yálái Yai-Laa kaa gu pɔ. Yaa ɓə a kpɔnmąą tɛɛ gu pɔ, yɛ gu wɔɔ kɔ́i kɔ́.» Ɉuda tɔɔmun Ezekiasə woo tii ə nɔi lonnii liilaa ə di hvaŋąlɔ.

Mąątɛ̨nɛ̨ 18:21

Yai-Laa a ɉón yɛ bələi nwɔ́ tələnmolaa kaa la, bələi lɔ ɲéé mąąhəɠɛɛ la, bələ lɔ ɓə a və́la kulɔ la;

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Azaya 20:5

Nuą kwəi a pili diɛ, di ɲɛ̨i ə paa, Nubi mąą mɛ̨nį ɓa; yai di ɲɛ̨i heɛ kɛ mą, da Eziptə; yai nuą di kɛi di nwun dɛ a mąą mɛ̨nį.»

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Ɉeremi 11:3

yɛ diɛ: Yai-Laa Israɛlə nwɔ Yálái yɛ: Nui hva nwəli tɔɔ mįnɛ̨i ŋɛ̨i hu woo ɓa, mąą nu nɛ̨ŋɛ̨n naai.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»