Ɉeremi 1:9 - Yálá laawoo hɛɓɛ

⁹ Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Yálá laawoo hɛɓɛ (dc)

⁹ Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Bible

⁹ Nya ƃe Yâwɛɛ è ǹyée sìa ǹá-gbɔ ma ǹyɛɛ ḿâi, “Ŋaâ ŋ́oo pú íla a gɛɛ í lóno.

Ɉeremi 1:9 ပူးပေါင်းရင်းမြစ်များ

Azaya 49:2

Ə nwóó kɛ ná yɛ ɓɔwa kwɛaa ɲąą kuláa, ə mą́ą́ kpɛ ɲee nįnįn mu. Ə gɛ́ a tɔ́nwą ɲąąkulaa, ə nów nwɔ tɔ́nwą taai hu.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Nįį kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Ɉeremi 34:6

Yálá kwəi mɛ̨nį hukulɔ mun Ɉeremi, ə nwooɠaai tii kəlee ɓo Ɉuda tɔɔmun Sedesiasə ɲɛ̨i ɓa Ɉerusalɛmə.

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 5:14

Yili mąą mɛ̨nį ɓa, mɛ̨nįi Yai-Laa Mɛ̨nį Kəlee ŋą Hééɓomun Yálá kaa moi, ya ka: Yii bələ ɓə di hvaa pələ aa kɛ lai, Ɉeremi! Nwóóɠaai gaa bui ə́ la, gáá gɛi yɛ nwɔ̨n. Nuą ŋɛ̨i ɓə kɛi a gwɛituwɔ yɛ di kələn.

Izikiɛ 3:10

Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Danîa 10:10

Nąąlɔwai, nu ta ə ɲee too ɉú, ə múhəɠə, bɛlɛɛ nɔi ɓa yɛ nu a kɛi tala, mą́ą́ yɛ kpɛlin.

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Lonon mo 23:5

Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Maafîu 10:19

Da li a kaa gɛɛnąąɠaai tii ɓa, yii mąąnɛ̨ɛ̨ ka mo, da bələi mąąnɛ̨ɛ̨ ka mo la, yili niihɛlɛn və too kaa. Nąąlɔwai, woo yii mąąnɛ̨ɛ̨ ka mo, da mo pələ, a lɛ kaa.

Markə 7:33

Jesus ə ɉulɔnu tii hon, ə kulɔ la nuą lɔwai, ə ɲee kpiəɠaa lɔ nwəli hveelɛi hu, ə naaya hvilɛn ɉulɔnu tii nɛ̨n ŋą.

Lukə 12:12

Mąąhɔlɔɓo, yii mąąnɛ̨ɛ̨ ka mo nąąlɔwai tii hu, Nįį-Mąąhəɠɛɛ ɓə a nɛ kaa.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Dutɛrɔnome 18:16

Kɛlɛi, yii kaa kpinįi ka vɛli Yai-Laa ka wɔ Yálái ɓa Horɛbə yee ɓa, a gee kaa hvóló kɛnɛ̨i, yaa li, a yaai ka kɛ mą: «Ku hvo kɛa bɔ Yai-Laa ku wɔ Yálái woo hvo too ku wəlii, ku hvo kɛa bɔ ku hvo nwɔ̨n nən gɛnɛ̨ kaa, ku hvo pa haa!»

Dutɛrɔnome 18:17

Yili ɓə gɛ, Yai-Laa yɛ mą́ą́: «Tɛ̨ą kaa di pɔ.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.