Izikiɛ 7:4 - Yálá laawoo hɛɓɛ

⁴ Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Yálá laawoo hɛɓɛ (dc)

⁴ Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Bible

⁴ Ḿve pâi ká sɔnyɔ̂ŋ-ŋai su mɛni lɛɛ̂i, kpaa máŋ ŋá ká ŋ̀ɛ́i maloŋ káa. Ŋá pâi ká kula maa kɛ̂i ká mɛni nyɔmɔɔi maa mɛ̂ni ma. À kɛ̀ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 7:4 ပူးပေါင်းရင်းမြစ်များ

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Izikiɛ 23:31

Ə́ hvilɛn ə́ liɛ nɛ̨ɛ̨nu pulu; yili mąą mɛ̨nį ɓa, gáá nwɔ́ gbamąi lɔi ə́ yəi ɲą, yai a nwɔ́ líiholi gbamą.

Izikiɛ 23:49

Ka káá pai ka wɔ wɛli mɛ̨nįi ɉu mɔ̨nɔ̨ míí; ka wɔ haliɠaai mąąwiyə mɛ̨nįŋɔ nɛ̨ŋɛ̨nŋąąi nwulu ə lɛɛ ka nwuɔ̨; bələ ɓə ka gili kɔ́lɔn na kaa, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Izikiɛ 33:29

Di kaa pai gili kɔ́lɔn ɉii, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai nɔi kɛi laa a lɔi pun, mąąwɛliɛ; di wɔ kɛɛ kala mɛ̨nįɠaai kpɔ di gɛ, gəlee mąą mɛ̨nį ɓa.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Izikiɛ 7:27

Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Izikiɛ 7:3

Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 7:8

Ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Pɛlɛ tɔɔ kinɛ̨ kɔ́w ka tii!» Yai-Laa yɛ mą́ą́: «Bɛlɛ tɔɔ kinɛ̨ kɔ́wi ŋɛ̨i ɓə, nwɔ́ nuą ŋɛ̨i a Israɛlə nu huwu, gáá pai di mąąkpɛɛi la, akɛ di haŋąąi. Mąąhɔlɔɓo, akɛ ŋį́ hɔn gaa diɛ, və́ kɛa pai di mąąhvaalɛɛi.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Hebreu 10:30

Nui ŋɛ̨i kɛ mą: «Ɲą́ą́ ɓə ŋą́ nwąną kulɔ kɛ, ŋą́ą́ ɓə ŋą́ mɛ̨nį kwələ kulɔ!» Gu gɔ́lɔn, ɛlɛɛ, nwɔ̨nɔ̨: «Gu Ną́mu ɓə pai ŋą nu huwui kiti teei.»