Izikiɛ 45:1 - Yálá laawoo hɛɓɛ

¹ «Ká kɛi pa nɔi ɲąą kwɛlɛi, ka Yai-Laa nwɛi laa a dee; a kɛ a kɛɛnąą mąąhəɠɛɛ, nɔi hu. Gwɛa pələ a kɛ a nu yee tɔɔɉu waa pow-hveelɛ-gɔw lɔɔli; goloon ɉu ə ɓo a waa pow. A kɛ a kɛɛnąą mąąhəɠɛɛ nąą kɔ́lɔ kəlee.

Yálá laawoo hɛɓɛ (dc)

¹ «Ká kɛi pa nɔi ɲąą kwɛlɛi, ka Yai-Laa nwɛi laa a dee; a kɛ a kɛɛnąą mąąhəɠɛɛ, nɔi hu. Gwɛa pələ a kɛ a nu yee tɔɔɉu waa pow-hveelɛ-gɔw lɔɔli; goloon ɉu ə ɓo a waa pow. A kɛ a kɛɛnąą mąąhəɠɛɛ nąą kɔ́lɔ kəlee.

Bible

¹ Tãi kà kɛ́ ǹɔii ŋákɔlɛ̂i lai, ka Yâwɛɛ ŋ̀ɔi kúla m̀a, nyii pâi kɛ̂i a lɔii maa waai. Ǹɔii ŋí ŋɔkôya é kɛ́ a mâa púu, ŋɔŋa kɛ̂tɛ kɛ́ ƃò a mâa lɔ́ɔlu-mɛi saaƃa.

Izikiɛ 45:1 ပူးပေါင်းရင်းမြစ်များ

Hanwon 3:9

Yai-Laa mąąwiɛ a ə́ hɔlɔɓo hɛn gɔwɠaa, a ə́ hɔlɔɓo hɛn nįnɛ̨ kɛi yá mo a gɔ́ hɛn;

Izikiɛ 42:16

Ə voló həɠəi pələ kɔ́ɔn, a nwulu kpiɛn ti ə kɛi ɉɛnŋaa kɔ́ɔn nai, ə mąątįnɛ̨n ə doo gee hu, ə kɛ a dunwɔ̨n tii ɲąą nwun nɔɔli.

Izikiɛ 48:29

Nɔi ka káá pai ɲąąkwɛlɛi Israɛlə nwɔ nu huwu lɔwai, nu tɛi tɛi nwɛi ka ti. Mɛ̨nį kəlee ŋą Hééɓomun Yálá woo li.»

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Lonon mo 34:13

Moisə ə dɔ́nŋąą tii ɓo Israɛlə lonnii diɛ, yɛ diɛ: «Nɔi ka káá pai ɲąąkwɛlɛi, kaa gɔ́ a kpɛ̨ɛ̨n, ya ka tii. Nɔi Yai-Laa ə mo yɛ ə dɛɛ nu huwu mɛ̨inąąn da gbulɔ pɔ, ya ka tii.

Zasua 13:6

Nuą kpɔ di kaa heeni ɲee hu, ə həɠə Liban ɓa, ə həli la Misrefotə-Maimə da Sidɔn nuą kəlee. Ɲą́ą́ gbinį lee ɓə pai di wɔ lɔi kulɔi di yəi, gɛ́ dɛɛ Israɛlə pɔ. Nɔi ɲąąkwɛlɛ Israɛlə lonnii diɛ yɛ bələi ŋį́ mo la yɛ́. Ə kɛ a di hee lɔi.

Zasua 13:7

Yii hu kɛa, nɔi ŋɛ̨i ɲąąkwɛlɛ yɛ pɛli kɛi a nu huwu mɛ̨inąąn ŋɛ̨i da Manase bələ tɔ̨nɔ̨ di hee lɔi.»

Zasua 14:1

Nɔiɠaai Israɛlə lonnii di ɉɔlɔɓo a di wɔ Kanaan lɔi hu, diɛ ka: diɛ kɛ a nɔiɠaai ɉaláá laa həli mun Eleazarə, Nun lon Ɉosue da Israɛlə lonnii ɲɛ̨itɔwɔ nuą, di dɛɛ di pɔ a di hee lɔi.

Zasua 14:2

Di nɔi ɲąąkwɛlɛ a kpɛɛn bilɛɛ, nu huwu mɛ̨inąąn tii lɔwai, yɛ bələi Yai-Laa ə gbɛa mo la Moisə ɓa.

Zasua 14:3

Moisə aa kɛ lɔi tɛɛ huwu hveelɛ da gbulɔ pɔ, ɓɛlɔwai di hvo ni kɛ Ɉurdɛn teen ni la; kɛlaa, Moisə hvo lɔi tɛɛ Levi huwu hu nuą pɔ di ɓɛlaa lɔwai.