Ifisiɛŋ 6:18 - Yálá laawoo hɛɓɛ

¹⁸ Gɛ Nįį-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Yálá laawoo hɛɓɛ (dc)

¹⁸ Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Bible

¹⁸ Ka Ɣâla fɛli M̀ɔlêŋ su a tãi kélee a Ɣâla-fɛli pere-sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Ifisiɛŋ 6:18 ပူးပေါင်းရင်းမြစ်များ

Tɔɔɓɛlaa dɔlɔɔ 8:52

«Yai-Laa! Ə́ ɲɛ̨i lɛlɛɛ hee ə́ wɔ tímun da ə́ wɔ nu huwu Israɛlə nwɔ hvɛli woo ɓa, di tomą pələ tɛitɛi kəlee ə́ pɔ pələ, ə́ wəli tɔɔ diɛ.

Tɔɔɓɛlaa dɔlɔɔ 8:54

Vɛli ɓo wooɠaa tii kəlee da nɛ̨ɛ̨mąą hvə wooɠaa tii kəlee, Salomɔn ə naa həli Yai-Laa ɓa, a nwoo laa kulɔi. Salomɔn ə gɛ puu ni Yai-Laa nwɔ haláá kulɔi lííla ɲeeɠaa tɛɛ ɲələi pələ, ə muhəɠə,

Tɔɔɓɛlaa dɔlɔɔ 8:59

Nąɛ̨ɛ̨mąą hvə wooɠaa ŋɛ̨i gáá moi Yai-Laa ɓa, di kɛ lɔ gu wɔ Yálái lííla a yələ kəlee, yɛ nwɔ tínuą Israɛlə nuą kulɔ di gbaan mɛ̨nįɠaa hu, hvóló tɛitɛi kəlee yee mu.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Ɛstɛrə 4:8

Ɉɛɓɛ́i ŋɛ̨i di bɛ̨ɛ̨ yɛ hvilɛn na Ɉuifəɠaa kəlee paa mɛ̨nį ɓa; diɛi kpɔ di kaa Susə daai, Mardose ə dɛɛ bɔ, yɛ nwɔ̨nɔ̨ mą: «Li ə́ Ɛstɛrə kili pu ɉu, ə́ ɉɛɓɛ́i ŋɛ̨i daa noloɓo, ə́ nɛ ma.» Mardose yɛ Hatakə ɓa: «Hvo kɛ li Ɛstɛrə ə li, ə həli tɔɔmun ma, mɛ̨nįi ŋɛ̨i hu, ə ɉuwu hu nuą mąąnɛ̨ɛ̨maa hvə.»

Zôo 27:10

A pɛli mɔ̨ɔ̨ galihva ɓoi Huwalawala Kəlee Nąmu ɓa, a pɛli mɔ̨ɔ̨ Yálá təlii a lɔwai lɔpee.»

Mąątɛ̨nɛ̨ 4:1

Nwələ ɲɛ̨i tɔwɔmun, Davidə nwɔ wələ, ə doo a hvɛlikɛ hɛn ɲɛlimąą. Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 6:9

'Ka həɠə gwɛ́lɛ, kaai kpɔ a mɛ̨nį ɲɔ̨n gɛ nuą, gbala ə tɔɔ, Yai-Laa aa nwɔ́lɔ woo mɛ̨n.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Osia 12:4

Ɉakɔbə ə laa niɛ tɔwɔ di lee kwəi, ɛlɛɛ, gɛɛ a kpakolo, da Yálá di gɔ́.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Maafîu 17:21

Kɛlaa, ɲį́nɛ̨n ɉuwui ŋɛ̨i, hvo kɛli Yálá hvɛliɛ di hįn nɔɔ ɓə a ɉəɠə nu pulu.»

Maafîu 26:41

Ka lɛɛ a ka ɲɛ̨i ka Yálá hvɛli, ə gə, ka hvo pa too ɲąąhɛn mɛ̨nį hu. Nu kili huwalawalai, kɛlaa, nu kɔ́lɔ hviikpɛɛi.»

Markə 13:33

Ka ka kpɔɔ mɛ̨i kaa, ka hvo yii. Mąąhɔlɔɓo, ka hvo nąąlɔwai kɔ́lɔn.

Markə 14:38

Ka ka ɲɛ̨ilaaɓo ka Yálá hvɛli, ə gɛ, ka hvo pa too ɲąąhɛn mɛ̨nį hu. Nu nįį huwalawalaai, kɛlaa, nu kɔ́lɔ hviikpɛɛi.»

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Lukə 22:46

Yɛ diɛ: «Kwə́! Yii ɓə ka moi? 'Ka ka muhəɠə, 'ka Yálá hvɛli, əgɛ, ka hvo pa too ŋąąhɛɠi mɛ̨nį hu.»

Lukə 3:26

Nagai nąn mąą Maatə. Maatə nąn mąą Matatiasə, Matatiasə nąn mąą Semein. Semein nąn mąą Iosɛkə.

Lukə 3:37

Matusala nąn mąą Henɔkə, Henɔkə nąn mąą Iarɛtə. Iarɛtə nąn mąą Maleleɛlə. Maleleɛlə nąn mąą Kainamə, Kainamə nąn mąą Enɔsə.

Gɛlaɠaa 1:14

Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Gɛlaɠaa 12:5

Piɛrə kɛɛ gaho pɛlɛ́ mu, gbɔn ɉu nuą di kɛi Yálá hvɛli kpɔ a di lii kəlee, mąą mɛ̨nį ɓa.

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Lomaŋ 8:15

Mąąhɔlɔɓo, Nįį ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Nįį ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Galatə 4:6

A tɛ̨ą, ká káá kpɔ a Yálá lonnii a neelee, Yálá aa non nwɔ Nįį yɛɛ gu lii hu, yai a kɛ tomąi gu hu, guɔ kɛ mą: Nąn!

Ifisiɛŋ 1:16

vá kpɛla Yálá hɛɠɛɛɓoi ká mąą mɛ̨nį ɓa; gɛ́ ká mąą mɛ̨nįɠaa laa həli nwɔ́ hvɛli wooɠaa hu.

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Nįį háálai.

Ifisiɛŋ 3:18

Ə gɛ, ká pɛli hvaŋą hɔlɔɓoi, káá pɛli mɛ̨nį loɔi tii, ɲąąkɛnɛ̨ pələ, gwɛa pələ, dɔɔmɛ̨i da gbon ɉu kwɛa pələ kɔlɔn ɉii, ká Kristalɛa kəlee.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Filipə 1:4

Yələ kəlee, ŋą́ hvɛli wooɠaa hu, vá lɛ̨ą káá, ɛlɛɛ, ŋą́ vɛliɓoi tii kɛ a gwə́inɛ̨ɛ̨.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Kolosə 1:3

Ɓɛlɔwai kwa kɛi Yálá hvɛlii la, kwa gu Ną́mu Jesus Kristə nąn Yálá hɛɠɛɛɓo ká mąą mɛ̨nį ɓa.

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Timote dɔlɔɔ 2:1

Yii tɔlɔɔ gáá ká tíi la, ya ɓaa; nuą diɛ mɛ̨nįɠaa huhvɛli, diɛ hvɛli wooɠaa ɓo, diɛ mąąnɛ̨ɛ̨ wooɠaa ɓo, diɛ mąmąɓoɠaa kɛ, nu kəlee mąą mɛ̨nį ɓa,

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Filemɔn 1:5

Mąąhɔlɔɓo, bələi yá nu mąąhəɠɛɛɠaa wɛli la kɛ la, da bələi ə́ wɔ laa na laa kaa la Ną́mu Jesus ɓa, ŋą́ą́ yiliɠaai bələ mɛ̨n.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Zûu 1:20

Kɛlaa, nwɛ́likɛmąą nuą ka wɛi, laa na laa mąąhəɠɛɛ ŋɛ̨i gaa ka yɛi, ka tɔɔ mɛ̨i kpąą. Kaa Yálá hvɛli Nįį-Mąąhəɠɛɛ hu.

Samuɛlə dɔlɔɔ 1:12

Vɛli ɓo hu kwɛai tii ə kɛi gɛ Yai-Laa ɲɛ̨i ɓa, Eli ɲɛ̨i heɛ kɛ naaləi,