Hanwon 27:9 - Yálá laawoo hɛɓɛ

⁹ Mąątí wulɔ mąą kun nɛ̨ɛ̨ a nu kwəinɛ̨ɛ̨. Nu mɛlan nwɔ wɛlikɛmąąlaa viɛlaɓoɔi ə tɛɛ nu kpɔwɔ kpinįi nwɔ liɛwoo ɓa.

Yálá laawoo hɛɓɛ (dc)

⁹ Mąątí wulɔ mąą kun nɛ̨ɛ̨ a nu kwəinɛ̨ɛ̨. Nu mɛlan nwɔ wɛlikɛmąąlaa viɛlaɓoɔi ə tɛɛ nu kpɔwɔ kpinįi nwɔ liɛwoo ɓa.

Bible

⁹ Wúlɔ kúŋ nɛ̃ɛ da wúru-ya kúŋ nɛ̃ɛ da núu líi làa, kɛ́lɛ mɛni kpɔ̂lu a núu ŋɔmɔ̂leŋ kâra.

Hanwon 27:9 ပူးပေါင်းရင်းမြစ်များ

Tɔɔɓɛlaa dɔlɔɔ 1:12

Yii hu, gáá liɛwoo ta kɛi yɛ́, ə gɛ, ə́ ə́ nwun mąąkɔ̨nwɔ̨, ə mą kɛ ə́ lon Salomɔn.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Mąątɛ̨nɛ̨ 133:2

Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Hanwon 15:23

Mɛ̨nį hutoɔ a woo nɛ̨ɛ̨, a nu kwəinɛ̨ɛ̨, mɛ̨nį ɓoɔ a moi lɔwai, yili ɲąą nɛ̨ɛ̨i kpɔ nwɔ̨nɔ̨ a mɔlɔ.

Hanwon 16:21

Nui kili kaa mą, ya ɓə da kɛ mą nwun gɛ ɉumun. Woo ɲąąlaɠi ɓə a nu kili ta pɛlɛ mą.

Hanwon 7:17

Ŋą́ą́ wulɔ kun nɛ̨ɛ̨ kpɛŋɛn ɲə́i gbin ŋą.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 4:10

Ə́ wɔ wɛlikɛmąą a nįilɔ, oo níiɓa nɛ̨ɛ̨non! Nwɔ́ wɛli, ə́ wɔ wɛlikɛmąą nɛ̨ɛ̨i dɛɛ lɔɔ ɓa, ə́ mąą kun nɛ̨ɛ̨ dɛɛ mąątí wulɔ kəlee ɓa.

Ɉaan 12:3

Mari ə nu mąątí wulɔ kun nɛ̨ɛ̨ həɠə, ɉɔ̨nwɔ̨ kɛnɛ̨, ə ɉiɛ Jesus kɔ́wɔ ɓa, yɛ mąą kələ a nwun nɛɠa. Gun ə bɛlɛ́n gəlee kulɔ.

Gɛlaɠaa 28:15

Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Nwun mąąɓo 9:9

«Kɛlaa, olivə wulu yɛ diɛ: ‹Gaa ka kwəi, gáá pai ɲéé kulɔi nwúlɔ hu, yai nwɛli kaa Yálá ɓa, nwɛli ə ɓo nuą diɛ, ŋą́ li gɛ́ tɛɛ tɛɛ ɓo wuluɠaa mɛ̨i?›