Ɛsdrasə 8:18 - Yálá laawoo hɛɓɛ

¹⁸ Yɛ bələi Yálá yee ə kɛ la kuɔ a nɛlɛɛ, di pa ku pɔ da Mali lon dɔ̨nɔ̨, yii kulɔ Levi huwuhu, yɛ ɓo a nwun gɛ ɉu mun: da Serevia da nonnii, ɛlɛɛ, da gaayɔwɔɠaa, di kɛ a nu pow kɔ́w mɛ̨ihaaɓa (18).

Yálá laawoo hɛɓɛ (dc)

¹⁸ Yɛ bələi Yálá yee ə kɛ la kuɔ a nɛlɛɛ, di pa ku pɔ da Mali lon dɔ̨nɔ̨, yii kulɔ Levi huwuhu, yɛ ɓo a nwun gɛ ɉu mun: da Serevia da nonnii, ɛlɛɛ, da gayɔwɔɠaa, di kɛ a nu pow kɔ́w mɛ̨ihaaɓa (18).

Bible

¹⁸ Nya ƃe Ɣâla ŋɔmaloŋ kâai sârai, dí Sɛribia tɛ̀ɛ. Sɛribia è kɛ̀ a gbonôi kpanaŋɔɔ. È kùla Mai ŋɔsuui su. È kɛ̀ a Liiva nuu. È lì a kpakolo puu káo lɔ́ɔlu mɛi saaƃa nyii-ŋai kɛ̀ a ǹônii da ŋɔkáayɔɔ-ŋai.

Ɛsdrasə 8:18 ပူးပေါင်းရင်းမြစ်များ

Kɔlɔnikɔ Maa-ŋuŋ 6:1

Levi lonnii, diɛ ɓaa: Gɛrsɔmə, Kehatə da Merari.

Kɔlɔnikɔ Maa-ŋuŋ 6:19

Ɛlkana, Yerohamə, Eliɛlə, Toa,

Kɔlɔnikɔ Maa-ŋuŋ 6:4

Merari lonnii ɓaa: Mali da Musi. Levi nwɔ pɛlɛ́i ka tii, yɛ bələi, bɛlɛ nąmįną laa ə kɛ la.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Ɛsdrasə 7:28

Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 7:9

Yaan, ɲąnin dɔlɔɔ nwɔ hvóló tɔlɔɔ, di həɠə Babilonə, ɛlɛɛ ɲąnin nɔɔli nąą nwɔ hvóló dɔlɔɔ yələ ɓə di həli la Ɉerusalɛmə, mąąhɔlɔɓo, nwɔ Yálái yee ə kɛ di mɛ̨i.

Ɛsdrasə 8:16

Nąąlɔwai, ŋį́ bɛlɛ nąmįną ŋɛ̨i təli, diɛ ɓaa: Eliezɛrə, Ariɛlə, Semaya, Ɛlnatan, Yarivə, Ɛlnatan, Natan, Ɉekaria, Mesulamə da dɔ́n galamɔ̨ɔ̨ hveelɛi, Yoyarivə da Ɛlnatan.

Ɛsdrasə 8:19

Ə mą kɛ nwɔ̨nɔ̨ Hasavia da Yesaya, da Merari lon da nąn nonnii, ɛlɛɛ yiliɠaai da di lonnii, di kɛ a nu pow hveelɛ (20).

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Ɛsdrasə 8:24

Yili pulu, ŋį́ nu pow kɔ́w hveelɛ həɠə ɉu, ɉaláá laa həli nuą nwun nąmįną lɔwai, ə mą kɛ Serevia da Hasavia, ə mą kɛ di kaayɔwɔɠaa nu pow.

Nehemi 10:12

Mika, Rehɔvə, Hasavia,

Nehemi 12:24

Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Nehemi 8:7

Yesua, Bani, Serevia, Yamin, Akuvə, Sabtai, Hodiya, Maaseya, Kelita, Azaria, Yozavadə, Hanan, da Pelaya, di kɛ a Levi huwuhu nuą; di kɛ dɔ́n nwoo hukulaa lɛ nuą diɛ, ɛlɛɛ, nuą di kɛ tɔɔni gwəli hąą.

Hanwon 24:3

Kili kɛ ɲəi ɓə a pɛlɛ́ tɔɔ, nwun gɛ ɉu laa ɓə, a mu yíi ɓo laa nɛ̨ɛ̨ gɔwɔ hvilɛn ŋąą la kpilin.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Ɉeremi 3:15

Gɛ́ nííɓa nuą hee ka nwun na, di ka ɲąąkɔn, a kili mɛ̨nį, ə lɛɛ, a gbaɠala yɛ bələi gáá la bɔ.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Lonon mo 3:20

Merari lonnii hee kpəlin na kɛ, a di wɔ kwəliɠaa laa, Mahli da Musi Levi lonnii di wɔ kwəliɠaai hee kpəlin na ka tii kɛ, da di wɔ pɛlɛ́ɠaai.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.