Ɛsdrasə 7:15 - Yálá laawoo hɛɓɛ

¹⁵ Yili pulu, nwali da ɉɛnii tɔɔmun da nwɔ kalanɉonŋąą di kaa dɛɛi Israɛlə nwɔ Yálái pɔ, a gɔ́ hɛnŋąą, yaa nwɔ pɛ́lɛ́i gaa Ɉerusalɛmə; yɛ́ li di laai lɛi;

Yálá laawoo hɛɓɛ (dc)

¹⁵ Yili pulu, nwali da ɉɛnii tɔɔmun da nwɔ kalanɉonŋąą di kaa dɛɛi Israɛlə nwɔ Yálái pɔ, a gɔ́ hɛnŋąą, yaa nwɔ pɛ́lɛ́i gaa Ɉerusalɛmə; yɛ́ li di laai lɛi;

Bible

¹⁵ Gôo da káne káa kúyêei kwa ńia-woo ƃó-ƃelai a sama sãâ Eezuɛ Ɣalai mɛni ma nyíi ŋɔpɛ́rɛi káa Zerusâlɛŋ. Ŋa pâi dɛɛ̂i ípɔ í lí la naa.

Ɛsdrasə 7:15 ပူးပေါင်းရင်းမြစ်များ

Kɔlɔnikɔ Maa-ŋuŋ 29:6

Ya ɓə bɛlɛ nąmįną, nuąi kɛ ɉį́įɠaa nwun na Israɛlə lɔi hu, yiiɠaa kɛ nu waa tɛitɛi nwun na, nu nwun dɛitɛi nwun na, da nuąi kɛ tɔɔmun nwɔ hɛnŋąą nwun na, di pa a naa gwəi mɛ̨inɛ̨ɛ̨ a di liiɓa pələ,

Kɔlɔnikɔ Veerɛi 2:6

A kɛ tii kani, yɛlɛkɛmun dɛɛ mą́ą́ yiihu, nwəlɛɛ hɛni kóló kɛi, da wali, da kwɛli kpɔlu, da kwɛli kpəlee, yɛ pɛli həɠə ɲɛ̨i pɛ̨ɛ̨, a gbɔluɔ, a gbɔluɔ gbələ tə tə, a vilii ɓoɔ, əlɛɛ nwəlɛɛ hɛnŋąą mąą nįnįn ɉaɠai a wulu, di kaa pai kóló kɛi gee pɔ, ɲɛlɛkɛnuą yiiɠaai ŋɛ̨i ɓɛ bɔ́i, Ɉuda lɔi hu da Ɉerusalɛmə; ną́n Davidə ɓə yiliɠaai mąąkwɛli.

Kɔlɔnikɔ Veerɛi 32:23

Nu tamąą di kɛi pa Ɉerusalɛmə daai a Yai-Laa kɔ́ hɛnŋąą, da mɛ̨inɛ̨ɛ̨ɠaa a Ɉuda tɔɔmun Ezekiasə nwɔɔ. Ə həɠə mɛ̨nįi tii ɓa, yɛnɛ̨ɛ̨ lɔiɠaa kəlee di kɛi mɛlɛ kɛ mą.

Kɔlɔnikɔ Veerɛi 6:2

Ɲą́ą́n, ŋą́ą́ pɛlɛ́ tɔɔ yɛ́, a tɔɔ pɛlɛ kpɔ-kpɔ, a pɛlɛ́i yá pɛli kɛi mu a yələ kəlee.»

Kɔlɔnikɔ Veerɛi 6:6

Kɛlaa, Ɉerusalɛmə ɓə ŋį́ ɉəɠə ɉu, náá yɛ kɛ laa, ɛlɛɛ, Davidə ɓə ŋį́ ɉu, a nwɔ́ nu huwui Israɛlə ɲąąwooɓomun.›

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Ɛsdrasə 6:12

Ɲą́ą́ Dariusə, gɛ́, Yálá yii naa kaa gɛɛnąąi tii, tɔɔmun a wala kɛ tii lɔi lɔpee a muhəɠə nwɔ pɛ́lɛ́i laa ɓa Ɉerusalɛmə daai, Ɲálái tii ə mąą nu nwun na pili. Gɛ́, mɛ̨nįi ŋɛ̨i ŋį́ mo, ə kɛ kpɔlɔ tii, da hvo həɠə mą.»

Ɛsdrasə 6:4

Di kaa pai kwɛni haɠaa tɔɔi a ɲɛli haaɓa, di wulu nįnɛ̨ yɛli tɔ̨nɔ̨ tɔɔ. Gəlee hɔ̨nwɔ̨ kaa pai kulɔi tɔɔmun ɲəi bɛlɛ́n.

Ɛsdrasə 7:14

Mąąhɔlɔɓo, tɔɔmun da nwɔ kalanɉon mɛ̨ihveelɛi ɓə ə́ tɔɔi, ə́ kaa lii Ɉuda lɔi da Ɉerusalɛmə taa di mɛ̨i kaai, yɛ bələi gaa la ə́ wɔ Yálái nwɔ tɔ́n ɉɛɓɛ́i gaa ə́ yəi ɉu.

Ɛsdrasə 8:25

Ɉɛnɲąŋąɠaai ŋɛ̨i kɛ a wali da hɛni, yii tɔɔmun da gwɛlɛ nuą, da nwɔ ɲɛ̨itɔwɔ nuą, ə mą kɛ nwɔ nwun nąmįnąi da Israɛlə nuąi kɛ laa di gulɔ Yálá hee pɛlɛ́ mąą mɛ̨nį ɓa, ŋį́ yiliɠaai tɛɛ nuąi tii pɔ.

Mąątɛ̨nɛ̨ 135:21

Yai-Laa hɛɠɛɛɓo woo ə tɔɔ Siɔn daai, a yai tii heeni Ɉerusalɛmə daai! 'Kánikookwəi!

Mąątɛ̨nɛ̨ 26:8

Yai-Laa, yɛ́ pɛ́lɛ́i tii ə́ kaa mu, nwɛli kaa mą́ą́, da ɓɛi ə́ wɔ mąąwiɛ kaa laai.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Mąątɛ̨nɛ̨ 76:2

Yálá aa gbɔwɔ lɛ Ɉuda nwɔ lɔi hu. Naa kɛnɛ̨i Israɛlə lɔi hu.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.