Ɛsdrasə 6:22 - Yálá laawoo hɛɓɛ

²² Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Yálá laawoo hɛɓɛ (dc)

²² Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Bible

²² Dí Dɛ́-sɛŋ féu kpoloi maa kûui kɛ̀ ŋɔnɔ. Dí ǹíi-nɛ̃ɛi ŋí kùla a fólo lɔ́ɔlu mɛi feerɛ. Dí lii-nɛ̃ɛ kùla kpɛ́ni fêi, Yâwɛɛ è Pɛsia kaloŋ líi mù sìɣe é kpɔŋ maa tɛɛ dípɔ Eezuɛ Ɣalai ŋɔpɛ́rɛi tɔ̂ɔ pôlu mɛni ma.

Ɛsdrasə 6:22 ပူးပေါင်းရင်းမြစ်များ

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Kɔlɔnikɔ Veerɛi 23:18

Yehoyada ə Yai-Laa nwɔ pɛlɛ́i mɛ̨ikaa mɛ̨nį tɛɛ ɉaláá laa həli nuą kpɛa-kpɛaa da lévi lonnii pɔ. Davidə ə wɔlɔ di heekpəlin na kɛ a di kpulu Yai-Laa nwɔ pɛlɛ́i mɛ̨i, əgɛ, diɛ haláá kulɔ laa, di haláá hɛnŋąą kələn nąą Yai-Laa ɓa, a di kwəinɛ̨ɛ̨, diɛ wələ too, yɛ bələi bɛ̨ɛ̨i la Moisə ŋą tɔ́n ɉɛɓɛ́i hu.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 30:21

Israɛlə nuąi kɛ Ɉerusalɛmə, nɛɠɛi di hva dɛ, mąą hɛli pu, hvóló mɛ̨ihveelɛ yee mu a kwəinɛ̨ɛ̨ kɛnɛ̨. Lévi lonnii da ɉaláá laa həli nuą di kɛi Yai-Laa mąątɛ̨nɛ̨ a yələ kəlee, a hvɛli woo tɔɔɠaa, diɛ Yai-Laa mąąwiɛ la.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Kɔlɔnikɔ Veerɛi 35:17

Israɛlə lonnii kɛ laa, bələ ɓə di pakə pu la, a guu tii, da nɛɠɛi dɛ hɛn və ɉu nwɔ hɛli, di bu a hvóló mɛ̨ihveelɛ.

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Ɛsdrasə 6:1

Nąąlɔwai, tɔɔmun Dariusə ə mo, ə gɛ di dɔɔ hɛɓɛ́ hu kaa, Babilonə.

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Nehemi 13:6

Volóɠaa tii yee mu, və́ kɛ Ɉerusalɛmə daai, Mąąhɔlɔɓo, tɔɔmun Artasɛrsɛsə, yai kɛ a Babilonə tɔɔmun, nwɔ tɔɔlaa gwɛlan bow haaɓa kɔ́w hveelɛ lɔwai, ŋį́ pənə ŋį́ li tɔɔmun bɔ. Kɛlaa, lɔwai tawolo tɛɛ pulu, ŋį́ hvįįtɔɔ hvɛli tɔɔmun ma,

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Izikiɛ 23:23

Babilonə lon ɉinąą, da Kalde nuą kəlee Pekɔdə, Soa, da Koa; Asiri lon ɉinąą kəlee. Gəlee di ɓo a nu nwunu, di ɲɛ̨́i mąąhəɠɛɛ; lɔi ɲąąwooɓo nuą, taa ɲąąwooɓo nuą, tɔɔ kwəlii nuą; nu kpɛa kpɛaɠaa; di kəlee di ɓo hoo mɛ̨i.

Maafîu 26:17

Pakə hɛli voló dɔlɔɔ yələ, galan nɛa di pa diɛ Jesus ɓa: «Mįnɛ̨ ɓə ə́ kaa bɔ ku ɉɛli kɔ̨nɔ̨n bɛli laa?»

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»