Ɛsdrasə 6:20 - Yálá laawoo hɛɓɛ

²⁰ ɉaláá laahəli nuą da Levi lonnii di di mąąhəɠə gee ɓa, di pakə hɛli pu nuąi kpɔ həɠə luwɔlaa hu di pa, di mąą mɛ̨nį ɓa, da ɉaláá laa həli nuą, ə mą kɛ diɛ kpinįi.

Yálá laawoo hɛɓɛ (dc)

²⁰ ɉaláá laahəli nuą da Levi lonnii di di mąąhəɠə gee ɓa, di pakə hɛli pu nuąi kpɔ həɠə luwɔlaa hu di pa, di mąą mɛ̨nį ɓa, da ɉaláá laa həli nuą, ə mą kɛ diɛ kpinįi.

Bible

²⁰ Zâla láa soŋ-ƃelai da Liiva-ŋai dí ǹanii wàa dîa. Liiva-ŋai díƃála-ŋa kùla a sâla Dɛɛ-mɛi-kûui ŋí su. Dí zâlai ŋí kùla dísuui su-ƃelai kúla gɔ́-soŋ-laai sui dímɛni ma, zâla láa soŋ-ƃelai, é pɛ́lɛ dia kpîŋ dîa.

Ɛsdrasə 6:20 ပူးပေါင်းရင်းမြစ်များ

Kɔlɔnikɔ Veerɛi 29:34

Yɛ bələi ɉaláá laa həli nuą di hvo kɛ tamą li la, di hvo ɉaláái da gəlee kələn, di hvo gəlee kɔ́lɔɓo, di kaayɔwɔɠaa a Levi lonnii di kpɔnmąą tɛɛ di pɔ, ə lɛɛ la ɉu di goló laa kulɔ, ɉaláá laa həli nuą kpɛa-kpɛaa di di mąąhəɠə. Levi lonnii di di mąąhulɔ di mąąhəɠə mɛ̨nį hu ə tɛɛ la ɉaláá laa həli nuą kpɛa-kpɛaa diɛ.

Kɔlɔnikɔ Veerɛi 35:11

Di pakə haláá hɛnŋąą paa, ɉaláá laa həli nuą kpɛa-kpɛaa di ɲąmą həɠə di bu, lévi lonnii diɛ tee.

Kɔlɔnikɔ Veerɛi 35:14

Yili pulu, yiiɠaai kɛ mąąnɛ̨ɛ̨ ə lɛɛ ɉaláá laa həli nuą kpɛa-kpɛaa yəi da lévi lonnii, di yiliɠaai yili. Mąąhɔlɔɓo, Aarɔn lonnii kɛ a ɉaláá laa həli nuą, di yee ə kɛ ɉaláá hɛn da gəlee kələn gulɔ mɛ̨nį ɓa, da ɉuwɔ wulɔɠaa kələn mɛ̨nį ə lɛɛ ɉu kpįnį ə pɛlɛ. Yili mąą mɛ̨nį ɓa, lévi lonnii di kɔ̨nɔ̨n bɛli a diɛ kpįnįi di wɔɔ da ɉaláá laa həli nuą kpɛa-kpɛaai a Aarɔn lonnii di wɔɔ.

Kɔlɔnikɔ Veerɛi 35:15

Asafə lonnii a nwələ too nuą, di lɛɛ tɔɔni di tɔɔ, yɛ bələi Davidə, Asafə, Heman da tɔɔmun nwɔ nwun dɔɔ humun Yedutun di mo la. Bɛlɛ́ laaləi mɛ̨ikaa nuą di lɛɛ tɔɔni di tɔɔi bɛlɛ́ laaləiɠaa ɓa. Nui lɔpee ta hvo həɠə gɛ tíi ɓa, hvo gaai lévi lonnii takpɛliɠaa di kɛi di kɔ̨nɔ̨n bɛli a di wɔɔ.

Lɛɛ gbɔwɔ ɓa 12:21

Moisə ə Israɛlə kalanɉonŋąą kəlee təli, yɛ diɛ: «'Ka li, pɛlɛ́ kəlee ə taatɛlɛɛ ta hon, ka gulɔ a pakə haláá.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.