Ɛsdrasə 6:15 - Yálá laawoo hɛɓɛ

¹⁵ Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Yálá laawoo hɛɓɛ (dc)

¹⁵ Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Bible

¹⁵ Dí kpɛ̀ɛ Ŋ̀âla-pɛrɛ Kɛ́tɛi ŋí tɔ̂ɔ ma a ŋ̀áloŋ da dòli a Ada ŋɔfóloi zaaƃa ɣele, Gâloŋ Darɔ ŋɔkâloŋ laa koraŋ ǹɔ́ɔlu mɛi dai su.

Ɛsdrasə 6:15 ပူးပေါင်းရင်းမြစ်များ

Tɔɔɓɛlaa dɔlɔɔ 8:63

Salomɔn ə: Nįŋɛ̨ waa pow hveelɛ kɔ́w hveelɛ, ɓooli, da ɓɛlaa waa nwun dɔ̨nɔ̨ ɲee hveelɛ kulɔ a ponaa kulɔ haláá Yai-Laa ɓa. Bələ ɓə Salomɔn da Israɛlə nuą kəlee di Yai-Laa nwɔ pɛlɛ́i laa ɓo hɛli pu la.

Ɛsdrasə 4:24

Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.

Ɛsdrasə 5:16

Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Ɛstɛrə 3:13

Di nɛɛ mą di ɉɛɓɛ́ɠaa tii tɛɛ nɔi nąą kəlee; ə gɛ, di Ɉuifəɠaa kəlee paa, di di yəi hɛnŋąą kala a hvolo tɔ̨nɔ̨, ə həɠə nu kpɛa kpɛaa diɛ ə həli la non gaa nįnɛ̨ɠaa diɛ, a ɲąnįn ŋɛ̨i da kɛ mą Hebreu woo Adarə, nwɔ hvolo pow kɔ́w haaɓa yələ; ə gɛ, nɔi nuą di too Ɉuifəɠaa yəi hɛnŋąą hu.

Ɛstɛrə 3:7

Ɲąnįn dɔlɔɔ ŋɛ̨i da kɛ mą Hebreu woo hu Nisan, tɔɔmun Asuerusə nwɔ tɔɔlaa gwɛlan bow kɔ́w hveelɛ lɔwai, Haman ə nwoo tɛɛ kɛɛnąą kəlee, ə gɛ, di hvolo tɛi tɛi kəlee mąą tɔlu kpɛ ɲąnįn dɛi tɛi kəlee yee mu, dɔli ə too ɲąnįn ŋɛ̨i da kɛ mą Hebreu woo hu Adarə mɛ̨i. Ə gɛ, voló yii bɛliɛi nwɔ mɛ̨nįi tii kɛ hvolo ɓa, di nɛ mą.

Ɛstɛrə 8:12

Nɔi naa kəlee, hvolo tɔ̨nɔ̨ yee mu, ɲąnįn ŋɛ̨i da kɛ mą Hebreu woo hu: Adarə, nwɔ hvolo pow kɔ́w haaɓa yələ.

Ɛstɛrə 9:1

Ɲąnįn bow kɔ́w hveelɛ naa ŋɛ̨i da kɛ mą Hebreu woo hu: Adarə, nwɔ hvolo pow gɔw haaɓa yələ, tɔɔmun nwɔ wɛlɛɛi aa kɛ həli kɛɛnąą kəlee ɓa. Volói tii ɓə kɛ mąąnɛ̨ɛ̨ di ɉɛɓɛ́ woo pɔ mɛ̨nį kɛ la. Volói ɓə Ɉuifəɠaa di yowoɠaa di kɛi di kiliŋąhiɛ la, diɛ kɛ di yee kaa pai tɛɛi Ɉuifəɠaa diɛ. Kɛlaa yaamun, Ɉuifəɠaa ɓə di yee ə tɛɛ di yowoɠaa diɛ.

Ɛstɛrə 9:15

Ɉuifəɠaa kɛ Susə daai, di di ɲąąkpɔn, a ɲąnįn ŋɛ̨i da kɛ mą Hebreu woo hu, Adarə, nwɔ hvolo pow kɔ́w nąąn ɲələ. Di nu nwun ɉaaɓa paa Susə daai, kɛlaa, di hvo kɔ́ pulu hɛn ɉəɠə.

Ɛstɛrə 9:17

Yili ə kɛ tii, a ɲąnįn ŋɛ̨i da kɛ mą Hebreu woo hu, Adarə, nwɔ hvolo pow kɔ́w haaɓa yələ. Di di hvitɔɔ a voló pow kɔ́w nąąn ɲələ, di ɉəɠə ɉu a hvįįtɔɔ hvolo.

Ɛstɛrə 9:19

Yili ɓə gɛ, Ɉuifəɠaa kpɔ di kaa daaɠaa hu, di voló pow kɔ́w nąąn ɲələ tii həɠə ɉu, di gɛ a di wɔ hɛli hvolo da di kwəinɛ̨ɛ̨ hvolo. Volói tii a ɉəli, da kɛ mɛ̨inɛ̨ɛ̨ɠaa kɛi di kee ɓa.

Ɛstɛrə 9:21

Nwun na nɛ̨ɛ̨ hvólóɠaai tii kɛ mɛ̨nį ɓa a hɛli, a Adarə ɲąnįn nwɔ hvolo pow kɔ́w nąąn da gɔw lɔɔli yələ.

Zakari 1:1

Dariusə nwɔ tɔɔlaai gwɛlan veelɛnąą nwɔ ɲąnin mɛ̨ihaaɓa, Yai-Laa ə pə́lə́ ɓo gwəi mɛ̨nį hu kulɔmun Zakari ɓa, yai kɛ a Ido lon Bɛrɛkia nwɔ lon.

Zakari 1:16

«Yili ɓə gɛi, Yai-Laa yɛ kɛ diɛ: Gáá pənəi gɛ́ pa Ɉerusalɛmə pɔ a ɲɛ̨imąąwɛli kaa pələ. Nwɔ́ pɛlɛ́i a pənə ə tɔɔ laa, Yai-Laa Mɛ̨nį Kəlee ŋą Hééɓomun, woo li. Di kaa pai Ɉerusalɛmə kɔ́ɔn ɉi a mąąlən gɔw.

Zakari 4:9

«Zorobabɛlə yee ɓə bɛlɛ́i ŋɛ̨i hvilɛn ɉii, yaa lɔ ɓə pai naakulɔi. Ɛlɛɛ, ka káá pai ɉu kɔ́lɔn ɉii kaa kɛ Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔ.