Ɛsdrasə 5:8 - Yálá laawoo hɛɓɛ

⁸ «Ku wɔ mɛ̨nį nąmu tɔɔmun, ku kaa ə́ kili pui ɉu, kuɔ yɛ́, kwaa li Ɉuda lɔi hu, Yálá Mɔlɔ nwɔ pɛ́lɛ́i mu; daa bɛlɛi tii tɔɔ a kwɛni mąą haɠaaɠaa, daa wulu lɔ bɛlɛ́ nwąną hu, daa golói tii kɛ a yɛlɛ, aa lɛlɛ di yəi.

Yálá laawoo hɛɓɛ (dc)

⁸ «Ku wɔ mɛ̨nį nąmu tɔɔmun, ku kaa ə́ kili pui ɉu, kuɔ yɛ́, kwaa li Ɉuda lɔi hu, Yálá Mɔlɔ nwɔ pɛ́lɛ́i mu; daa bɛlɛi tii tɔɔ a kwɛni mąą haɠaaɠaa, daa wulu lɔ bɛlɛ́ nwąną hu, daa golói tii kɛ a yɛlɛ, aa lɛlɛ di yəi.

Bible

⁸ “Gâloŋ, kwa m̀ôi yâ a gɛɛ kú lì Zuda lɔii kpiniŋ su. Kú liɛɛ̂i, kú gàa a gɛɛ dí káa Ŋ̀âla-pɛrɛ Kɛ́tɛi tɔɔ̂i pôlu Zerusâlɛŋ taa-leei su. Díkaa Ŋ̀âla-pɛrɛ Kɛ́tɛi ŋí tɔɔ̂i a kɔni kpaya-kpaya saa-ŋa dí kɛ́ wúru-saa lɛ́lɛɛ-ŋa tɔ̀ɔ gɔ́ɔ mu, díkɛ siɣãŋ tînaŋ ma. Díi ŋí a liî kpɔ́ tuɛ-pere a ǹɛ́lɛɛ.

Ɛsdrasə 5:8 ပူးပေါင်းရင်းမြစ်များ

Ɛsdrasə 2:1

Nuąi wɔlɔ Babilonə tɔɔmun Nabukodonosorə ə di hon a luwɔɠaa, yɛ li a diɛ Babilonə, yiiɠaai həɠə goɓitaaɠaa hu, diɛ pənə diɛ li Ɉerusalɛmə daai, Ɉuda lɔi hu, nu kəlee yɛ li bɔ taai diɛ ka:

Ɛsdrasə 5:7

ɉu woo ka: «Tɔɔmun Dariusə, ə́ yii ə kwɛa kɛi a mo tii Yálái ə kɛ! Ə həli yɛ́!

Ɛsdrasə 5:9

Ku galanɉonŋąą mąąnin gɛ, kuɔ diɛ: Gbɛɛ ɓə bɛlɛ́i ŋɛ̨i tɔɔ mɛ̨nį mąą laa tɛɛ ka pɔ, da ɉįi tɔɔ mɛ̨nį?

Ɛsdrasə 6:10

Ə gɛ, diɛ yələkɔlɔn ɉu Yálá liilaa haláá kulɔ, ɛlɛɛ, diɛ Yálá hvɛli tɔɔmun da nonnii di yii hvóló mąą mɛ̨nį ɓa.

Ɛsdrasə 6:4

Di kaa pai kwɛni haɠaa tɔɔi a ɲɛli haaɓa, di wulu nįnɛ̨ yɛli tɔ̨nɔ̨ tɔɔ. Gəlee hɔ̨nwɔ̨ kaa pai kulɔi tɔɔmun ɲəi bɛlɛ́n.

Ɛsdrasə 7:23

Mɛ̨nįi lɔpee yələkɔlɔn ɉu Yálá a mo, mąąnɛ̨ɛ̨ ka gəlee kɛ a mąąhulaa, nwɔ pɛ́lɛ́i mąą mɛ̨nį ɓa, əgɛ nwɔ liiholi hvo pa nee yɛɛ tɔɔmun mɛ̨i, da nonnii, ɛlɛɛ da di wɔ lɔi.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Nehemi 7:6

Nɔi lonnii tii kɛ nuwɔ laa hu, diɛi Babilonə tɔɔmun Nabukodonosorə di həɠə ə li a diɛ, ə lɛɛ, di di pulu pənə Ɉerusalɛmə daai, da Ɉuda lɔi hu, nu kəlee yɛ li bɔ taai,

Ɛstɛrə 1:1

Mɛ̨nįi ŋɛ̨i ə kɛ ɓɛlɔwai Asuerusə ə kɛ la a tɔɔmun. Asuerusə ə kɛi tɔɔlaa kɛ koɓi taa nwundɔ̨nɔ̨ ɲeehveelɛ kɔ́w mɛ̨ihveelɛ mɛ̨i, ə həɠə Ɛndə lɔi ɓa, ə həli Nubi lɔi ɓa.

Ɛstɛrə 1:22

Tɔɔmun ə hɛɓɛ́ kɛ ə dɛɛ ɓɛi kpɔ nwɔ tɔɔlaa ə həli laa, goɓitaaɠaa kəlee hu. Ə koɓi taa kəlee nwɔ hɛɓɛ́ kɛ a ɉį́i woo yii da mo ɉu. Ɉɛɓɛ́i tii hu woo ɓa kɛ: Hinąą kəlee di kɛ di yəi bɛlɛ́n a pɛlɛ́ nąmįną, ɛlɛɛ, di di laawooɠaa ɓo di ɲəi bɛlɛ́n.

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.

Danîa 4:2

Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Dutɛrɔnome 32:31

Mąąhɔlɔɓo, Israɛlə ɲowoɠaa kili kaa ɉu, diɛ kɛ, di wɔ haliɠaai, da Israɛlə nwɔ Yálái di hvo ɉu.