Ɛsdrasə 3:10 - Yálá laawoo hɛɓɛ

¹⁰ Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Yálá laawoo hɛɓɛ (dc)

¹⁰ Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Bible

¹⁰ Tãi ǹûai dí Ŋ̀âla-pɛrɛ Kɛ́tɛi tɔ̂ɔ kɔ́ɔ pîlaŋ lai, zâla láa-soŋ-ƃelai dí dímaa ɣîri dí túru-ŋa sìɣe Liiva-ŋai kùla Asafa suui sui, dí ɣale sãa siɣe. Dí laa-maa tɛ̂ tɛ̀ɛ Yâwɛɛ pɔ́ a wule-ŋa yɛ̂ɛ berei Gâloŋ Deeƃé è wɔ́lɔ gɛ́-pere lɛ̀ la dîai.

Ɛsdrasə 3:10 ပူးပေါင်းရင်းမြစ်များ

Kɔlɔnikɔ Maa-ŋuŋ 15:24

ə mą kɛ bɛlɛ́ laalei mąąkpɛ nuąi kɛ a Ovɛdə-Edomə da Yehia. Yii ɓaa ɉaláá laahəli nuąi kɛ a; Sevaniahu, Yosafatə, Netanɛlə, Amasai, Zakaria, Benayahu da Eliezɛrə, di mąąnɛ̨ɛ̨ kɛ diɛ túlú hvɛɛ Yálá nwɔ mįnɛ̨ kəhii tɔwɔ.

Kɔlɔnikɔ Maa-ŋuŋ 15:27

Həɠə kpɛli kwəlɛɛ ɓə kɛ Davidə ɓa, bələ lɔ ɓə Levi lonnii mįnɛ̨ kəhi ə kɛ di yəi, di mąąyiliɛ kɛ la, da vɛli kɛ nuą da Kenania yai kɛ gəhi həɠə mɛ̨nį nwun na; yili pulu nwɔ̨nɔ̨, ɉaláá laa həli nuą di wɔ kilɛn ɉəɠəi tii a ɲee kpɛli, ɉuwu ta ə kɛ Davidə kwąną.

Kɔlɔnikɔ Maa-ŋuŋ 16:37

Davidə ə Asafə da nąn nonnii lɛɛ Yai-Laa nwɔ mįnɛ̨ kəhii nií la, diɛ tí mą, yɛ bələi mąą tɔɔ ɓo pələ kaa la a yələ kəlee.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 23:5

Di nu waa nąąn ɉəɠə, di di kɛ a bɛlɛ́ laaləi mɛ̨ikaa nuą, di nu waa nąąn ɉəɠə ɉu, diɛ Yai-Laa mąątɛ̨nɛ̨ a hvɛli kɛ hɛnŋąą, diɛi ɲą́ą́ Davidə, ŋį́ pɛli a mąątɛ̨nɛ̨ kɛ hɛn.

Kɔlɔnikɔ Maa-ŋuŋ 25:25

Bow gɔw mɛ̨ihaaɓanąą ə Hanani lɛ da nonnii bɛlɛɛ gaayɔwɔɠaa diɛ, nu pow kɔ́w hveelɛ.

Kɔlɔnikɔ Veerɛi 35:14

Yili pulu, yiiɠaai kɛ mąąnɛ̨ɛ̨ ə lɛɛ ɉaláá laa həli nuą kpɛa-kpɛaa yəi da lévi lonnii, di yiliɠaai yili. Mąąhɔlɔɓo, Aarɔn lonnii kɛ a ɉaláá laa həli nuą, di yee ə kɛ ɉaláá hɛn da gəlee kələn gulɔ mɛ̨nį ɓa, da ɉuwɔ wulɔɠaa kələn mɛ̨nį ə lɛɛ ɉu kpįnį ə pɛlɛ. Yili mąą mɛ̨nį ɓa, lévi lonnii di kɔ̨nɔ̨n bɛli a diɛ kpįnįi di wɔɔ da ɉaláá laa həli nuą kpɛa-kpɛaai a Aarɔn lonnii di wɔɔ.

Kɔlɔnikɔ Veerɛi 35:15

Asafə lonnii a nwələ too nuą, di lɛɛ tɔɔni di tɔɔ, yɛ bələi Davidə, Asafə, Heman da tɔɔmun nwɔ nwun dɔɔ humun Yedutun di mo la. Bɛlɛ́ laaləi mɛ̨ikaa nuą di lɛɛ tɔɔni di tɔɔi bɛlɛ́ laaləiɠaa ɓa. Nui lɔpee ta hvo həɠə gɛ tíi ɓa, hvo gaai lévi lonnii takpɛliɠaa di kɛi di kɔ̨nɔ̨n bɛli a di wɔɔ.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Ɛsdrasə 2:41

Wələ too nuą, diɛi ɓaa Asafə lonnii, di kɛ a nu nwundɔ̨nɔ̨ ɲee hveelɛ kɔ́w mɛ̨ihaaɓa (128).

Ɛsdrasə 5:16

Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Mąątɛ̨nɛ̨ 150:5

'Ka mąątɛ̨nɛ̨ a lalo woo tɔɔ, 'ka mąątɛ̨nɛ̨ a kpɛŋɛ̨ɲɛ̨n gwɛli!

Egaa 2:15

Ə həɠə háákələi ɓa, ka ka kiliŋąhiɛ mɛ̨nį pai kɛi mą. Gɛɛ di hvo Yai-Laa hee pɛlɛ́ gwɛni laa gee mɛ̨i.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Zakari 4:7

«Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Zakari 7:3

diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Samuɛlə dɔlɔɔ 22:18

Tɔɔmun yɛ kɛa kɛ Doɛgə ɓa: «Yɛ́ ɓə, lɛɠɛ ɓɛ, ɉaláá laa həli nuą paa.» Edɔmə mun Doɛgə ə lɛɠɛ laa, yaa kpįnįi ə ɉaláá laa həli nuą paa. Mąą yələi tii, nu pow mɛ̨ihaaɓa kɔ́w lɔɔli ɓə ə di paa, diɛi kɛ a ɉaláá həɠə kwɛlɛɛ too nuą.