Lɛɛ gbɔwɔ ɓa 27:2 - Yálá laawoo hɛɓɛ

² Yá mįnɛ̨ɠaa tɔɔ nwəli nąąn gəlee ɓa, gąnąn ŋąą mą. Ə́ ɓala kwɛli yá hiɛ mą.

Yálá laawoo hɛɓɛ (dc)

² Yá mįnɛ̨ɠaa tɔɔ nwəli nąąn gəlee ɓa, gąnąn ŋąą mą. Ə́ ɓala kwɛli yá hiɛ mą.

Bible

² M̀eɣêŋ kula ma zônoŋ naaŋɔɔ ma. M̀eɣêŋ-ŋai dí kɛ́ nɔ́ a díkpɛtɛɛ tɔnɔɔ da ŋ̀âla-teƃelei. Mɛi pɛ́lɛ a ƃara-ƃela.

Lɛɛ gbɔwɔ ɓa 27:2 ပူးပေါင်းရင်းမြစ်များ

Tɔɔɓɛlaa dɔlɔɔ 1:50

Adoniasə kpinįi tii, ɲɔwi kɛ ɉu yɛ hvilɛn na Salomɔn ɓa, yili mąą mɛ̨nį ɓa, ə kpuluun, ə li ə ɉaláá kulɔi mįnɛ̨ hon.

Tɔɔɓɛlaa dɔlɔɔ 2:28

Mɛ̨nįi tii bələ ə həli Ɉoabə ɓa, Ɉoabə da Adoniasə ɓə kɛ di tɔɔ, kɛlaa, hvo wɔlɔ kɛ tɔɔ li Absalɔn pulu. Nąąlɔwai Ɉoabə ə li Yai-Laa hee kələ mu, ə mąąkilɛ laa. Ə ɉaláá kulɔi mįnɛ̨ɠaa hon.

Tɔɔɓɛlaa dɔlɔɔ 8:64

Mąą yələ, gwəli hąąi tii Yai-Laa nwɔ pɛlɛ́i lííla, tɔɔmun ə nąą mąąhəɠə, mąąhɔlɔɓo, nąą ɓə di ɉaláá hɛn da gəlee kələn da bɔnaa kulɔ halááɠaa kulɔ laa, ə mą kɛ, ɉuwɔ wulɔɠaa. Ɉaláá kulɔi tii kɛ Yai-Laa lííla a mala kwɛli, diikpɛi kɛ ɉalááɠaa tii mąą mɛ̨nį ɓa.

Tɔɔɓɛlaa veelɛ 16:14

Ɉaláá kulɔi tii kɛ a mala kwɛli, Yai-Laa lííla, ə ɉəɠə bɛlɛ́ laaləi, ə kɛ laa ɉaláá kulɔi nįnɛ̨ da bɛlɛ́ di lɔwai; ə yili tɔɔ bɛlɛ́ hɛŋɛ̨lɛn mą, ɉaláá kulɔi nįnɛ̨ pulu pələ.

Kɔlɔnikɔ Veerɛi 4:1

Ə Yálá kɔ́i pɛli a ɓala-kwɛli, gwɛaa a yee laa mą pow hveelɛ, ɲąą kɛnɛ̨ a yee laa mą pow hveelɛ, mɛ̨i kwɛa a yee laa mą pow.

Mąątɛ̨nɛ̨ 118:27

Yai-Laa ɓə gaa a Yálá, ya ɓə kɛɛ pono tɛɛ ku pɔ, 'ka tɔɔ a ka yɛli gwala laa ə ɓo ka yəi, ə lɛɛ ɉu ka həli ɉaláá kulɔi mįnɛ̨ɠaa diɛ.

Lɛɛ gbɔwɔ ɓa 27:3

Ɉaláá kulɔ hɛnɲąŋąɠaai tii kəlee pɛli a ɓala kwɛli, ə́ da pɛli a luwu kələ hɛn, ə́ da kɛ a gwoa-gwoa, ə́ da kɛ a ɲąmą taɠa hɛnɲąŋą, ə́ da kɛ a mįnɛ̨ ɲin ɉu kulaa, ə́ da kɛ a nwɔ̨n ɉəɠə hɛn.

Lɛɛ gbɔwɔ ɓa 29:12

Ə́ nįŋɛ̨ ɲąmą ta həɠə, ə́ ɉiɛ ɉaláá taɓali mįnɛ̨ɠaa diɛ a ə́ yee, yili pulu, ə́ ɲąmą kpəli pu ɉaláá kulɔ taɓali kɔ́wɔ mu.

Lɛɛ gbɔwɔ ɓa 38:30

Di gee kaa kələ laaləi pɛli a mala kwɛlii tii, da ɉaláá kulɔ taɓali, da galai ŋɛ̨i kɛ gwɛli ɲɛ̨i tɔwɔ, da ɉaláá kulɔ taɓali kwɛlɛ hɛnŋąą kəlee.

Izikiɛ 43:15

Nwɔ̨n dinii, ə ɓo a yee tɔɔɉu nąąn, nwɔ̨n dinii mɛ̨i pələ, nwəli la, mįnɛ̨ɠaa di kɛ mą nąąn.

Levetekɔ 16:18

A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Levetekɔ 4:18

Ə ɲąmąi tii ta hiɛ ɉaláá kulɔi tii Yai-Laa lííla gee kaa kələ mu mįnɛ̨ɠaa diɛ. Ə gbəlii tii pu Yai-Laa mąąwiɛ haláá kulɔ kəhi kɔ́wɔ mu, yaa tii gee kaa kələ laaləi.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Zakari 9:15

Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Lonon mo 3:31

Diɛ ɓə mįnɛ̨ kəhi mąą mɛ̨nį ə kɛ di nwuɔ̨, da daɓali, nwɔ̨n ɉee hɛn, ə mą kɛ, ɉaláá kulɔ kəhi, da yiiɠaa kpɔ mąąnɛ̨ɛ̨ ə kɛ a gólói tii kɛ hɛn, ə mą kɛ, ɉəɠəi da ɉɛlɛn naa, da ɉɛnŋąą pɛli kóló kəlee.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.