Ɛstɛrə 9:4 - Yálá laawoo hɛɓɛ

⁴ Mardose kɛ a nu kɛnɛ̨, tɔɔmun ɲəi gwəlii, ɛlɛɛ naa tɛɛ goɓitaaɠaa kəlee hu. Mardose nwɔ kɛnɛ̨ laa ta lɔ ɓə kɛi pɛlɛ ma.

Bible

⁴ Mɔdikai tɔɔ̂i è kɛ̀ a gɛ́tɛ ŋɔwála-wala-laai su kɛ́ kɛ̀tɛ gâloŋ-pɛrɛi mu. Ǹáa è tàa-taa ǹɔii kpîniŋ-ŋai su gwaa kélee mâ.

Ɛstɛrə 9:4 ပူးပေါင်းရင်းမြစ်များ

Samia Veerɛi 3:1

Gɔ ə lamun ɉu Saulə nwɔ pɛlɛ́i da Davidə nwɔ pɛlɛ́i di lɔwai. Davidə nwɔ pɛlɛ́i hvaŋą ta lɔ ɓə kɛi pɛlɛ ma, Saulə nwɔ pɛlɛ́i nwɛi, vaŋa ta lɔ ɓə kɛi kulɔ ma.

Kɔlɔnikɔ Maa-ŋuŋ 11:9

Davidə hvaŋą ta lɔ ɓə kɛi pɛlɛ mą, Yai-Laa Mɛ̨nį Kəlee ŋą Hééɓomun yɛ ɓo bɔ.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.

Ɛstɛrə 10:2

Tɔɔmun gɛ mɛ̨nį kpɛa-kpɛaɠaa, nwɔ hvaŋąlɔlaa, da bələi kpɔ ə tɔɔi kɛnɛ̨ tɛɛ la Mardose pɔ, gəlee hee kpəlin na kɛɛ kaa Pɛrsə da Medi tɔɔɓɛlaa di wɔ pɔlɔ kiliin ɉɛɓɛ́i hu.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Mąątɛ̨nɛ̨ 18:43

Ŋą́ di mąą pənə a munuun gbala, hvaŋą yɛ li a diɛ.

Mąątɛ̨nɛ̨ 92:13

Tələnmomun a ɓɔn yɛ tow, a kɛnɛ̨ ɲeekɔ̨nwɔ̨n ɉu yɛ ɓɛlɛ yɛ Liban kpitili.

Lɛɛ gbɔwɔ ɓa 11:3

Yai-Laa ə Israɛlə lonnii wɛli too Eziptə nuą diɛ. Yii ɓaa Moisə nwɛi, mąąwiai kɛ Eziptə nɔi nuą kəlee ɲɛ̨i ɓa, ə mą kɛ tɔɔmun nwɔ nu kpɛa-kpɛai da nɔi lonnii kəlee.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Sofoni 3:19

Mąą yələi tii, nuąi kpɔ kɛi ə́ mɔ̨nɔ̨ɓo, ŋą ɲéé pɛlɛ diɛ. Ŋį́ mɛlaa kɔ́wɔ nwąnąąɠaa ɓalo; yiiɠaai daa pili, ŋį́ di ɲąą kpɔn. Ka ɲɛ̨i a pɔ̨nɔ̨, ka laa lɛlɛɛ ə tɛ nɔiɠaa ti ka nwumɛ̨ ɉu di ɲɛ̨i ɓa.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Zasua 6:27

Yai-Laa ə kɛ Ɉosue pɔ, naa ə tɛ, mąą tin ə too nɔi nąą kəlee.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.