Ɛstɛrə 9:25 - Yálá laawoo hɛɓɛ

²⁵ Kɛlaa, ɓɛlɔwai Haman ə kɛi pa mɛ̨nįi tii hu hvɛlii la tɔɔmun ma, mɛ̨nį tii ə bɛ̨ɛ̨ yɛ hvilɛn na Ɉuifəɠaa diɛ, ə pənə ə too mɛ̨i. Yaa Haman, da non ɉinąą, di di hɛlɛn wulu ɓa.

Bible

²⁵ Ɛtɛ è lì gâloŋ pɔ́ naa é m̀ɛnii ŋí su kula ma. Nya ƃe gâloŋ è kɔlɔ tɛ̂ɛ ǹɔii kpîniŋ-ŋai su a gɛɛ m̀ɛni nyɔ́mɔɔi Emaŋ è gbɛ̀tɛ Zuda-ŋai mɛni mai, dí gɛ́ a ǹyaa Emaŋ. Dí zɛ̀lɛŋ ǹyeŋkêŋ-ŋai dîa da ǹônii-sinaai.

Ɛstɛrə 9:25 ပူးပေါင်းရင်းမြစ်များ

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Ɛstɛrə 3:6

Kɛlaa, Haman hvo kɛ bɔ hvo Mardose yaa tɔ̨nɔ̨ baa. Yii kɛa di kɛ mą: Ɉuifə ɓaa Mardose, Haman ə kɛ bɔ ə Mardose huwu kəlee paa ə gbɛɛ, ɓɛi kpɔ di kɛ laa Asuerusə nwɔ tɔɔlaai hu.

Ɛstɛrə 7:10

Di nɛɛ mą di Haman hɛlɛn nwului tii ɓa, yaai ə bɛli Mardose laa ɓa. Nąąlɔwai, tɔɔmun lii ə laa.

Ɛstɛrə 7:4

Yaan, ɲą́ą́ kwa ɉúwuhu nuą ka tii daa ku kwɛlɛ, ə gɛ, di ku paa. Ə li kɛ, di kɛ diɛ, ku kɛ lɔ a luwɔɠaai, və́li hvaa, mąąhɔlɔɓo, və́ li ə́ hviikpɛɛ a yili mąą mɛ̨nį.»

Ɛstɛrə 7:5

Tɔɔmun Asuerusə yɛ nɛ̨ą ɓa: «Gbɛɛ ɓə giliŋąhiɛ yili kɛ? Mąą nu wɔɔ?»

Mąątɛ̨nɛ̨ 140:8

Nąmu Yálá, yɛ́ ɓə a málo hvaŋą, yɛ́ ɓə nwún mąąkɔ̨nwɔ̨ gɔ hu.

Mąątɛ̨nɛ̨ 140:9

Yai-Laa, mɛ̨nįi nu ɲɔ̨nwɔ̨ɔ̨ɠaa kaa bɔ, 'hvó hvaa mą, 'hvó ə́ yee hee di wɔ nwundɔɔ hu wooɠaa mu, 'hvó di wɔ ɲaba nwundɔɔi hu nɛ̨ɛ̨.

Mąątɛ̨nɛ̨ 141:10

Nuąi di hvo ə́ kɔ́lɔn, di kaa pai kɔ́i la, a di kpɔ kpɔɔ ɓaalə, ɲą́ą́ nwɛ́i, gɛ́ nwɔ́ li ɓo.

Mąątɛ̨nɛ̨ 7:16

Nui a lɔwa tee yɛ gbon ɉu kwɛa, mąą nu kaa pai tooi gbɔwɔ lɔwai tii hu.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Mąątɛ̨nɛ̨ 94:23

Aa di wɔ túwɔ́ pələ ɲɔ̨nŋaa yɛɛ a di nwun, aa di hukala a di kpɔ kpɔɔ kili ɲɔ̨nwɔ̨ɔ̨i ti; Yai-Laa ku wɔ Yálái aa di hukala.

Hanwon 26:27

Nui a lɔwa tee a too ɉu. Nui a kwɛni kpuwulu kiliɠilin, a pənə ə pa mɛ̨i.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 22:25

Mąą yələi tii, Yai-Laa Mɛ̨nį Kəlee ŋą Hééɓomun, yɛ diɛ: Nwulukpiɛi tii ŋį́ gbɔn kɛɛnąą wala wala ɓa, gaa pai ɓəleen ɉii, ɉu ə yali, ə too, ɉɛnŋąąi kpɔ tii kɛ di hɛlɛnŋąą mą, gəlee hu a kala, mąąhɔlɔɓo, Yai-Laa ɓə mo.

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Samuɛlə dɔlɔɔ 25:39

Davidə ə Navalə haa mɛ̨nį bələ mɛ̨n, yɛ diɛ: «Mąąwiɛ ə kɛ Yai-Laa ɓa, aa mą́ą́ tɛ̨ą ɓo nwumɛ̨ mɛ̨nįi Navalə ə gɛ a ɲą́ą́ ɉu. Ɛlɛɛ ə ɲee too nwɔ tí mun ɉu, yili hvo mɛ̨nį ɲɔ̨nwɔ̨ɔ̨ kɛ li. Navalə nwɔ mɛ̨nį ɲɔ̨n tii, Yai-Laa aa nwulu lɛɛ Navalə kpįnįi nwuɔ̨.» Davidə ə nuą tɔɔ, diɛ li Avigailə hu hvɛlii hilɛ tai mɛ̨nį ɓa.