Ɛstɛrə 9:22 - Yálá laawoo hɛɓɛ

²² Mąąhɔlɔɓo, volóɠaai tii ɓə Ɉuifəɠaa di liilaa yɛnɛ̨ɛ̨ hɔlɔɓo la, a kulɔi di mo di yowoɠaa yəi. Volói tii ɓə di wɔ liihɛlɛn mąą ə hvalin na a kwəinɛ̨ɛ̨, da kwəinɛ̨ɛ̨ hɛli, diɛ mɛ̨inɛ̨ɛ̨ kɛ di wɛlikɛmąą nuą da mąąwɛli nuą diɛ.

Bible

²² È mò dîa a gɛɛ dí ŋ̀ele-ŋai ŋí síɣe a ɣele kɛ́tɛ-ŋa, kpɛ́ni fêi, ŋ̀ele-ŋai ŋí ƃe dí ŋuŋ ma ƃô sɔlɔ ƃô la, dílii too pôlui é pene a lii-nɛ̃ɛ, díwɔlɔi é pene a ɣɛ́lɛ. È mò dîa máŋ a gɛɛ dí ŋ̀ele kûu-ŋai ŋí mɛi káa a ǹɛ́lɛɛ, díkɛ kúu kɛ̀ a maa ɣele-ŋai, díkɛ lii-nɛ̃ɛ kula, díkɛ dímii-sãa sama-sãa tɛɛ díkîe-ni pɔ́, díkɛ sama-sãa tɛ̀ɛ gôlo-ƃelai pɔ́.

Ɛstɛrə 9:22 ပူးပေါင်းရင်းမြစ်များ

Ɛstɛrə 9:19

Yili ɓə gɛ, Ɉuifəɠaa kpɔ di kaa daaɠaa hu, di voló pow kɔ́w nąąn ɲələ tii həɠə ɉu, di gɛ a di wɔ hɛli hvolo da di kwəinɛ̨ɛ̨ hvolo. Volói tii a ɉəli, da kɛ mɛ̨inɛ̨ɛ̨ɠaa kɛi di kee ɓa.

Ɛstɛrə 9:21

Nwun na nɛ̨ɛ̨ hvólóɠaai tii kɛ mɛ̨nį ɓa a hɛli, a Adarə ɲąnįn nwɔ hvolo pow kɔ́w nąąn da gɔw lɔɔli yələ.

Ɛstɛrə 9:23

Ɉuifəɠaa kəlee di hvaa mą, ɉɛli tɔlɔɔ ŋɛ̨i di bu, ə kɛ kɛa a di huwu la tɔ́n. Ə kɛ a kili lɛɛ ɉu hɛn, yii Mardose ə bɛ̨ɛ̨.

Mąątɛ̨nɛ̨ 103:2

Nį́i, Yai-Laa mąąwiɛ, 'Hvó lɛ̨ą ɲəi mɛ̨inɛ̨ɛ̨ ta lɔpee ɓa.

Mąątɛ̨nɛ̨ 149:7

Diɛ di nwą́ną kulɔ la hį́i takpɛliɠaa diɛ, diɛ ɉu nuąi hutɔɔ.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Mąątɛ̨nɛ̨ 30:12

Yáá nwɔ́ haa wɔlɔi mąą pənə a mąną, yɛ́ nwɔ́ ɓíi haɠai mąą pənə a hɛli-həɠə.

Mąątɛ̨nɛ̨ 37:15

Kɛlaa, di kpɔwɔ ɓɔwa tii, aa lɔ di hu, gilɛnŋaa hu yɛ yali.

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Galatə 2:10

Di kɛ lɔ kuɔ: 'Ká ká kili kɛ yeehvowolo nuą mąą mɛ̨nį hu, yaan yili kpɔ ɓə ŋą́ kɛi gɛ a nɛlɛɛ.

Dutɛrɔnome 15:7

Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Dutɛrɔnome 16:15

Ɉɛlii tii, ka káá pai bui Yai-Laa ka wɔ Yálái mąąwiɛ mɛ̨nį ɓa a hvóló mɛ̨ihveelɛ, gɛɛnąą tii Yai-Laa ka wɔ Yálá kaa pai ɲeekpiɛ lɛi laa. Mąąhɔlɔɓo, Yai-Laa ka wɔ Yálá ə lúwɔ́ too ka wɔ tíiɠaai ɓa, da ka kɛ mɛ̨nįɠaa kəlee.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Samuɛlə dɔlɔɔ 25:8

Ə́ wɔ hilɛlɛa mąąnin gɛ, di kaa pai kɛi yɛ́: Tɛ̨ą li. Ə́ yee lɛlɛɛ hee kani nwɔ́ hilɛlɛai mu, hvo gaai kwaa pa a hɛli yələ. Nɛ̨ɛ̨ yɛ́, yii ə́ yee a pɛli mą, dɛɛ ə́ wɔ tínuą da ə́ lon Davidə ni pɔ.›»