Ɛstɛrə 9:20 - Yálá laawoo hɛɓɛ

²⁰ Mardose ə mɛ̨nįɠaai tii kəlee pɛ̨ɛ̨ hɛɓɛ́ hu, ə dɛɛ Ɉuifəɠaa kpɔ kɛ tɔɔmun Asuerusə nwɔ lɔi hu, gəlee diɛ, yiiɠaai kɛ kwɛa la, da yiiɠaai kɛ kpuwɔ la.

Bible

²⁰ Mɔdikai è m̀ɛni-ŋai ŋí kélee pɔ̃yɛ kɔlɔ ma é ǹâai kɛ́. È gɔlɔi ŋí da-ŋa tɛ̀ɛ Zuda-ŋai pɔ́ naa gâloŋ Atasɛra ŋɔlɔii kpîniŋ-ŋai kélee su,

Ɛstɛrə 9:20 ပူးပေါင်းရင်းမြစ်များ

Kɔlɔnikɔ Maa-ŋuŋ 16:12

'Ka ká kili lɛɛ gɛ mɛ̨nį nɛ̨ɛ̨ɠaa hu! Nwɔ kwɛlɛɛn mɛ̨nįɠaa da nwɔ mɛ̨nį hutɔɔ pələɠaa, 'ka ká kili lɛɛ ɉu!

Ɛstɛrə 1:1

Mɛ̨nįi ŋɛ̨i ə kɛ ɓɛlɔwai Asuerusə ə kɛ la a tɔɔmun. Asuerusə ə kɛi tɔɔlaa kɛ koɓi taa nwundɔ̨nɔ̨ ɲeehveelɛ kɔ́w mɛ̨ihveelɛ mɛ̨i, ə həɠə Ɛndə lɔi ɓa, ə həli Nubi lɔi ɓa.

Ɛstɛrə 1:22

Tɔɔmun ə hɛɓɛ́ kɛ ə dɛɛ ɓɛi kpɔ nwɔ tɔɔlaa ə həli laa, goɓitaaɠaa kəlee hu. Ə koɓi taa kəlee nwɔ hɛɓɛ́ kɛ a ɉį́i woo yii da mo ɉu. Ɉɛɓɛ́i tii hu woo ɓa kɛ: Hinąą kəlee di kɛ di yəi bɛlɛ́n a pɛlɛ́ nąmįną, ɛlɛɛ, di di laawooɠaa ɓo di ɲəi bɛlɛ́n.

Ɛstɛrə 3:12

Ɲąnįn nwɔ hvolo pow kɔ́w haaɓa yələ, di ɉɛɓɛ́ kɛ nuą təli, di pa. Pələi kpɔ Haman ə di tí la, di ɉɛɓɛ́ kɛ tii di dɛɛ ɲɛ̨itɔwɔ nuą diɛ, gbahanamaɠaa kɛ goɓitaaɠaa hu diɛ, da hį́i tɛi tɛi kəlee nwɔ nwun nąmu. Di ɉɛɓɛ́i tii pɛ̨ɛ̨ a hį́i woo tamąą, gəlee da nwɔ hɛɓɛ́ kɔ́w. Di tɔɔmun gɔlɔn ɉɛn kɛ mą a nwɔ yee ɓa gbonoi pɔɔ.

Ɛstɛrə 8:9

Voló tɔ̨nɔ̨i tii hu, ə kɛ a ɲąnin ɉaaɓa naa ŋɛ̨i da kɛ mą Hebreu woo hu Siwan nwɔ hvolo pow hveelɛ kɔ́w haaɓa, di ɉɛɓɛ́ pɛ̨ɛ̨ nuą təli, di hɛɓɛ́ɠaa pɛ̨ɛ̨ yɛ pələi Mardose ə kɛ la bɔ. Di ɉɛɓɛ́ɠaa tɛɛ Ɉuifəɠaa diɛ, ɲɛ̨itɔwɔ nuą diɛ, da nɔi ɲąąwooɓo nuą diɛ, ə mą kɛ goɓitaa nwundɔ̨nɔ̨ ɲee hveelɛ kɔ́w mɛ̨ihveelɛi ɓa; Ə həɠə kpɔ Ɛndə lɔi ɓa, ə həli la Nubi lɔi ɓa. Di ɉɛɓɛ́ɠaa tii pɛ̨ɛ̨ a hį́iwoo tamąą, ə mą kɛ Ɉuifəɠaa lawoo hu, di ɲąąkwɛlɛ nɔi nąą kəlee, nuą diɛ.

Ɛstɛrə 9:19

Yili ɓə gɛ, Ɉuifəɠaa kpɔ di kaa daaɠaa hu, di voló pow kɔ́w nąąn ɲələ tii həɠə ɉu, di gɛ a di wɔ hɛli hvolo da di kwəinɛ̨ɛ̨ hvolo. Volói tii a ɉəli, da kɛ mɛ̨inɛ̨ɛ̨ɠaa kɛi di kee ɓa.

Ɛstɛrə 9:21

Nwun na nɛ̨ɛ̨ hvólóɠaai tii kɛ mɛ̨nį ɓa a hɛli, a Adarə ɲąnįn nwɔ hvolo pow kɔ́w nąąn da gɔw lɔɔli yələ.

Ɛstɛrə 9:26

Yili ɓə gɛ, di volóɠaai tii laa hee a: «Hee dɔwɔ», mąąhɔlɔɓo, di volóɠaai tii kwɛli a kpɛ̨ɛ̨. Mɛ̨nįɠaai di kɛi pa naai diɛ, da mɛ̨nįɠaai həli diɛ, di gəlee pɛ̨ɛ̨ ɉɛɓɛ́ hu.

Ɛstɛrə 9:27

Ɉuifəɠaa di ɉee di kpɔɔ mɛ̨i a tɔ́n, ə kɛ a di huwu la mɛ̨nį ta, ə mą kɛ nuą yiiɠaai da lɔ di wɔ kalan hu, di mąąnɛ̨ɛ̨ kɛ diɛ ɉɛli tii pu a kwɛlan gəlee, nɔi kəlee hu, taa kəlee hu, pɛlɛ kəlee mu.

Ɛstɛrə 9:29

Tɔɔmun nɛ̨ą Ɛstɛrə, Avihailə lon, da Ɉuifə ŋɛ̨i a Mardose, di di kɛ mɛ̨nįɠaai tii kəlee pɛ̨ɛ̨, ə mą kɛ ɉee dɔwɔ hɛli pu mɛ̨nį.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Ɉeremi 29:1

Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.